انا رجعت اليوم وراح اكتب الي انمسح امس
اول يوم ناديت حمودي وقلت له ابي العب معك وش تبي تلعب جلس يفكر وبعدين قال نلعب كذا طبعا ما قدرت اقول شيء رغم ان الملاكمة حاجة جديدة وعمره ما شافها فتحت يديني وجلس يصوب اللكمات بيديه وبعدين بطل ما عجبته اللعبة بده يغيرها قلت وش تبي نلعب قال بطة عاوزني اقلد البطة قلت ما يخالف وجلس هو يمشي كانه بطة يوم قلدته طارت عيونه فيني وقال وش تسوين قلت العب مثلك انبسط وجلس يناقز من الفرحة بعدين قال خلاص خل نصير قطاوة ( جمع قطة) عملت حالي قطة ولعبت معه وهو مبسوط بس كان خوفي ان ابوه يدخل وانا امشي على يديني ورجليني كاني قطة
اليوم الثاني نفس الشيء سالته وقال مرة بطة ومرة لعبنا وزة ومرة خروف وهو مبسوط لا ويوم لعبنا وزة كانت اخته تقلدنا واخذت المسدس وجلست تطلق علينا قال حمودي ماما اهربي الشرطة بيقتلونا وجلست انا وياه ندور مكان نتخبا فيه عن اخته وهو مبسوط ويضحك باعلى صوت من قده لقى امه تقلده في كل شيء
كمان لعبنا بلعبة شراها له ابوه مثل كرة السلة طبعا هو الي يعطي الاوامر واخترع له لعبة جديدة
غير اللعبة الاصلية
كمان عطيته درس في الارقام وجلس يكتب وهو مبسوط ( طبعا هو لسه ما دخل المدرسة)
اليوم انا قلت له خل نلعب بالسيارات مليت كل يوم بطة ولا وزة لعبت معه وطلعنا للبر انا وياه وما اعجبه المكان قال خل نروح لمكان ثاني فيه شجر وانا وراه اعمل مثله وهو مبسوط
هذا الي صار معي وان شاء الله اوافيكم بالمزيد لاحقا
الروابط المفضلة