دورة تدريبية للسيطرة على النفس من الغضب - فلنتعاون

[حمرة الورد]

ياأختي حمرة الورد ,,
سبحان الله فهمت طبعك من ردك حسيت انك معصبة وبقوة ..اذا مايعجبك الضحك في زي كذا
مواقف مش مشكلة لأن الاهم انك ماتعصبي وتصرخي في وجه ابنك !!
انتي تتخذي من اي موقف انه مشكله مالها حل "كذا في بالك" تحسين اذا صارلك ازعاج من اولادك
بيأس كبير وتتخيلي ان مالك حيلة ابد وراح تظلين على كذا مهما سويتي معاهم !!

خذيها نصيحة مني "انسي الخلافات اللي فاتت واعتبري يومك بداية جديدة _لأنك في الواقع_
تهيئين نفسك منذ الصباح على انك راح تواجهين مشاكل وتقولين _الله يعينني اليوم_ على العكس تفائلي
وقولي خير ان شاء الله .. اعتبري ان اليوم افضل من الامس وحاولي تطبيق الحلول .. وبإذن الله تهون عليك المشاكل"
واحذري من التصرف امامها بما لايرضيك لان ذلك حتما سينقل التصرف اليهم ..
ان فشلتي حاول تكرار المحاولة وانا واثقة انك ستحصلين على نتائج ترضيك ,,

والله إني أحاول كل يوم لما أصحى أقول يا وجنا هذا يوم جديد وعلى عملي شهيد ..

بس افتح عيني على صراخهم .. والله ما أبالغ ..

اليوم مثلاً مدري ايش صحاهم قبل موعد المدرسة وهاتك يا صراخ . وصحيت اقولهم ابغى انام 10 دقايق بس .ورجعت أحاول أنام وهم بعد 10 ثواني رجعوا يصرخوا .

ومعاااااااااااااااااااارك ..

وكل ما أحاول أنسى يفجروا لي مفاجأة جديدة .

أمس رحنا السوق وبنتي نسيت شنطتها .. وابوها رجعنا ندور عن الشنطة طبعاً مالقيناها اتشالت في دقيقتين .

ولما وصلت البيت الصغير قالي نسي لوح التزلج برة ومالقيه ..

والله بغيت أبكي من القهر .. وقمت شلت نفسي رحت غرفتي اخربش مناكير .. وجوني مدري ايش يقولوا!!

قلت لهم ارجوكم اخرجوا برة خلوني ألقط نفس.

وصارت معركة بينهم .. وأنا ساااااااااااااااااااااااااااااااكتة وبس أحسبن وأدعي .

الله يعينا أجمعين .

جزاك الله خير أختي وجدان على إهتمامك .

[نورلينة]

السلام عليكم ورحمة الله وبركاته

مر كم يوم على المواقف اللي أقصدها
في اليوم المعني قررت أنه ماأعصب اليوم
دخلت المطبخ أسوي كوكيز وجت العنود وسحبت سلك التوصيلة فانفلتت العجانة من يدي ...تخيلوا شكل المطبخ والعجين يملى المكان
بس سبحان الله صارت المعجزة وما عصبت ولا تنرفزت أبداً
قلت لها بكل هدوء(هدوء ماني مصدقته إلى الآن لأني اتنرفز من شكل الفوضى) : خلاص ياماما روحي خليني أنظف

عاد هي حبت تضيف جو كوميدي للموقف قال يعني تعتذر بطريقتها
قالت : ماما توم وجيري يقولوا B00000000
ياعيني أنا وين وأنت وين بس ضحكت معها

والموقف الثاني بعد العصر كنت مستعجلة جداً دخلت المطبخ أيضاً أسوي كوب شاي لأبوها على عجل لأنه وراي شغل ثاني
دخلت المطبخ على غفلة وفتحت الثلاجة وكبت اللبن على الأرضية
أنا عصبت وقلت : ياربي أنا ايش اسوي ايش اسوي فيك ؟!
وسبحان الله في لحظة ماكنت معصبة وأتكلم تماسكت نفسي بسرعة على غير العادة وتذكرت أنه لازم أهدي نفسي مافيه شيء يسوى
وبسرعة تغيرت 180 درجة وقلتلها بهدوء: خلاص ياماما ماصار شيء أنا أسفة
فقالت : بنظف أنا وأنتِ ياماما

ياعيني عليها والله أحياناً تكون هادئة ومطيعة بس أحس اني ماأعطيها الفرصة بالعكس أشحنها بعصبيتي فصارت عنيدة وعصبية زيي

في اليومين اللي بعدها قررت أمشي على نفس السيناريو مع أنها قامت من نومها متنرفزة ومستفزة بالمرة بس الحمد لله مشيتها على خير

واليوم قمت أكتبلكم هذا الرد وأنا تعبانة من الزكام وعنودة نايمة ياعيني عليها حرارة و تعبانة شوية من تقلبات الجو

معليش عارفة أنها مواقف عادية ممكن تستغربون وتعتقدون انه دائماً انا عصبية على مواقف بسيطة زي هذه لكن احياناً تكون هذه المواقف البسيطة هي القشة التي تقصم ظهر البعير حيث تكون ترسبات لمواقف أخرى

الله يعيننا و يجعلنا من الصابرين الحليمين

[- asma -]

ماشاء الله الموضوع وصل للصفحة السابعة وانا نايمة
الأسبوع الماض ماكان فيه شيء جديد عندنا.. مجرد خلافات عادية>> تحاول تهدي

البشرى.. فكرتك مثل فكرة أحد أخواني
حطط باكورة (سوط) في الصالة ومجرد ما أحد يسوي شقاوة
يلوّح بالباكورة في الهوا >> يعني افهموها

مجاهد بدأت معاه مراحل العناد اللي مو طبيعي
طبعا ممنوع اخته تلع بألعابه فعلمته طالما انه ما يبغاها تلعب بألعابه
يجيب لها ألعابها لحد عندها >>> اهم شي اخلص من الصراخ اللي ماله داعي
ودانة هانم صار يعجبها صراخ مجاهد فصارت بس تشوفه راصص ألعابه
تجيه على غفلة وتقربع اللي رصه

الأيام هدي زدت جرعة الهدوء وصرت أجيب علاقة الملابس جمبي
أي صراخ ماله داعي اضرب الجدار والا المخدة عشان ينتبهوا

أول أمس (السبت) جاني زكام مو طبيعي وامس جسمي كله يعورني
وهم ما شاء الله عليهم ماناموا العصر وقلبوا البيت 180 درجة


اليوم الصاح كان صباح هاديء والحمد لله والله يستر بس لا يصير شي اليوم

[همسة غـــــــلا]

غاليتي إيمان..

أشكر تعاونك وسرعة إستجابتك في توجيهي وإرشادي,, وجزاك الله الفردوس على ماتبذلينه من جهود..

لكن يبدو أنك لم تلاحظي مشاركة سابقة لي ذكرت أن ابنتي عمرهما سنتان. يعني مو كل كلمه يفهموها.

وشكرا..

[المسيمية]

انا عضو جديدة واتوقع اني سأكون غير نشيطة ولكن الموضوع لفت انتباهي كثيرا .....
فأحببت ان اكتب لكن تجربتي باختصار
اذا اردتن ان تقللن من العصبية انشغلن بحفظ القرآن
ولله الحمد تخلصت من عصبيتي ومن قلقي واطفيت جوهادئ لاطفالي وزوجي
(الا بذكر الله تطمئن القلوب)

[F3F3]

(لا تغضب)
اشكرك ام بلال على الموضوع
ومواقف الصغار اللي تخليكِ تعصبي كثيرة
واخر موقف كان مع اختي الصغيرة 3سنوات
دخلت المطبخ والا الآقي الحليب البودرة مكبوب على الارض واختي حايسة نفسها بالحليب
تعوذت بالله من الشيطان وتبسمت وقلت ليش تسوي كذا يادود (وانا ماسكة نفسي وشوي واضربها)
قالت ابّا حلّيب , قلت لها يصير خير (حتى ما تبكي )
المهم قلت لها هاتي الكنسة واكنسي هذي الفوضي وجلست اجلي المواعين وهي تكنس وبعد ما خلصت التفت الا وهي ماشاء الله عليها كنست (تموت في الشغل متى تكبر ونرتاح شوي )
وجلست امدح فيها عند الوالدة وبالذات عند اختي ام 5سنوات (تغار منها )
ومن يومها كل ما تشوف المكنسة تقول انّا ابّا كنّس .

[أخر العنقووووود]

كل الكلا اللي قرأته يفيد في جميع حالات الغضب و الله يجزاكم كل الخير على كل اللي قدمتوه لأنه فعلا فادني في حالات الغضب الي تجيني أما بانسبة لبنتي الله يحفظها الحمدلله نجحت معها من صغرها في تعليم بعض الأساليب مثل التفكير في أي تصرف يصدر عنها صح أوخطأ الأعتذار إذا بدر منها أي تصرف خطأ .الأستئذان . شكر من يقدم لها أي شئ و هذا أيضا ملاحظات أساتذتها في التمهيدي و الله يعيني أيضا في تربيت أخيها و دعولي الله يصلحني لزوجي و يصلح زوجي لي و الله يبارك لي في ذريتي و لكم مني كل الحب و التقدير على مساعدتكم و الله يكثر من هالمنتديات و منكم يأخوات

[rosary]

الله يجزاكي خير على الدوره يا إيمان كلنا محتا جين تهدئه اعصاب

اولا انا ما قريت الى كم رد من الاول لانى عندي الكمبيوتر تجيه حاله يعلق ويوقف الماوس بس لازم اقراه واستفيد من خبراتكم يا امهات

حابا اكتب مشكلتي معى ولدي لسه داخل ال4سنوات
احس انه فجئاه صار عنيد بزياده ولي في راسه يمشيه صح ولاخطاء يوم
الجمعه تزورني وحده عندها بنت في سن فهد اقصد ولدي شيطانيه وحركيه بشكل فضضضيع فهد حتى لعبه مافيه تخريب اخذ كل طبعها امس من القهر

جلست اضحك انا وزوجي الموقف هو :
يوم جات البنت الي في سنه اخذو كل الالعاب وحطوهم في لستور الي تبع الجزم وانتي با الكرامه واطلعهم ويدخلهم طيب خليت ابوه يتكلم معاه ويفهما انو مكان وسخ
ومره ثانيه قاله وهو حازم معاه يلى شيل العابك من هنا الاخ شال شوي ويقول خلاص انا شلتهم وييقوله ابوه شلتهم كلهم مافي ولا وحده يقول خلاص شلتهم كلهم ويشوف ابوه في لستور باقي من لالعاب يقوله طيب شيل الباقي شالحبتين ويقول خلاص شلتهم كلكم بكل ثقه!!!! جلست اضحك ضحك كني مجنونه من القهر
قولولي كيف اتعامل معاه الله يخليكم لانه في بيبي في الطريق وحاسه اني خلاص مو عارفه كيف اتعامل معاه وانى مافيني تعبانه ومن الحمل ومنه الله يصبرنا بس للمعلوميه زوجي لمى كان صغير كان زيه حتى زوجي يقول ما انسى انا شسويت في ابوي وانا صغير ابي اعرف في حل اغير من اسلوبه قبل ما يكبر ويجنني الله يخليكم عطوني حل

[- asma -]

rosary
العبط الطفولي دا عادي ياما عانيت منه لما كانوا اولاد اخواتي صغار
ودحين اللي عندي أنوااااااااااااااااااااااااااااااااااااااااااااااا ع الاستعباط فبسوي زييه
يعني خلي عقلك بعقله لحد ما يمشي اللي في عقلك



تخيلوا المأساة اللي سارت أمس
مجاهد ودانة ناموا من بدري يعني خلاص 11 هم نايمين
ابوهم طلعت له شغلات واضطر يتأخر للوحدة ونص وطبعاً
لما رجع لازم من العشا.. في هذا الوقت دانة هانم قاعدة تتقلب
وانا لاني ماكلة ولاني منومتها زي خلق الله.. في النهاية مليت
وشلتها تاكل معانا الا يلحقنا مجاهد
في النهاية دقوها الاتنين سهااااااااااااااااااااااااااااااري
ودانة نامت 6 الفجر ومجاهد راح للناني وهو لسة ما نام!!!
قروني طلعت خلاص

[rosary]

ياربي الله يعينك يا اسماء بس 11 متئاخر
وبعد

طيب انا الحين لسه خليت فهد ينام في غرفه ثانيه انام معاه شويا واروح انام في غرفتي الساعه5 هو جاي لعندي وارجعه لسريره ويرجع يصحى

موعارفه عشان مايجي ينام جنبي اخليه ينام على طرف السرير ما اخليله مكان بس هو عادي واخليه يطيح على الارض عادي ماهتم بس مافيه فايده اول اسبوع صراحه ماشالله عليه ينام في سريره من غير ما ادخل غرفته حتى وبعدين ما ادري شوصارله انا وعدته اني اجيب له هديه سيكل وهومبسوط والله اناالجو باردبس روشته وقلت يمكن ينهد حيله وما يقوموبعد مافيه فايده بس
اليوم ابوه ودانا السوق نشتري اغراض وكان بيشتريله السيكل فهد مسكين استانس يقول ابغا هذا قلت لابوه لا هو ماينام في غرفته في نص اليل يجي يبغي ينام عندي قال ابوه خلاص اذى صرت تنام في غرفتك اشتريلك وهو

[center]والله سكت ما نطق ولاحر حتى ما بكى عارف انى هو غلطان
بس ماأدري اخليه لحد مايصير مايجيني في نص اليل واجيب له الهديه ولا اشتريها له واحرما منها لأني اخاف بعدين ما يهتم بالهديه ولا شو رايكم!!!

قريت الردود كلها واستفدت كثير من الأمهات ام سهيل قوي قلبك وخليكي معانا ترى احنا الامهات نحتاج نساعد بعض ونغير اسلوبنا معاهم والله ذكرتيني صراحه فهد مسكين ذاق الويل مني والله كنت اضربه وهولسه ما كمل السنه كان حنَان بشكل فضيييييييع بس لانه كان اول طفل عندي بس الحين الحمد الله احس صرت امسك اعصابي واتغاضا عن الزلات البسيطه واحاول ما اضربه الحين اطلعه البلكونه واسكر عليه عشان ما اضربه وصرت بدال ما اقوله با اضربك اقوله باوديك البلكونه والحمد الله جابت معاي نتيجه اني اقلل ضرب بس اتكلم معاه واعرف السبب ونحل النشكله وخلاص الحمد الله يعني ان شالله اذى جبت الثاني ماراح يذوق الي ذاقه فهد مسكين بس الصراحه اقول اذى كنتي مضغوطه من زوجك ما يساعدك وانى زوجي يقهرني ما يعرف يقدر الموقف اذى كان يستاهل يضرب او لا وكنا ساكنين معى اهله فكان ضغط علي بس الحين حتى نفسيتي صارت احسن وصار عندي طووووله بال عليه


طولت بس استحملوني ان شالله يكون الكلام منسق ومفهوم ....