السلام عليكم ورحمة الله وبركاته
كيفكم يا بنات اشتقلكم كتير
رح احكيلكم اليوم قصة ولادتي السهلة
الحمدلله ولدت بتاريخ 24/12 /2008 بطلق صناعي
اول الشي كان عندي موعد عادي مع الدكتورة ولمى فحصتني لاقت الرحم مفتوح وقالت لزوجي ممكن اذا اعطيناها طلع صناعي تولد هلئ وزوجي ما صدق على طول وافق وطبعا انا ماني فهمانة شي لانو الدكتورة فرنسية وما بعرف لغة وكمان الدكتورة كان عندها عطلة اسبوع واذا ولدت خلال هالسبوع رح يولدني دكتور اما لو وافقنا واعطتني طلق صناعي رح تولدني هي والحمدلله كانت متعاونة معنا كتير
المهم طلعت على غرفة الولادة السلاعة 10 ونص ولبست مريول الولادة واجت الممرضة وفحصتني وطقت مي الراس واعطوني سيروم وحطوا فيه المادة المحرضة وصرت استنى وحوالي الساعة 11 اجا دكتور التخدير ميشان يعطيني ابرة الظهر مع اني ما طلبتها بس هم على طول بيعطوها لانو ما حدا هون بيرفض ياخدها
المهم اخذتها وطبعا وجعتني شوي وصرت استنى للساعة 1 وطبعا ما في اي وجع والحمدلله وحوالي الواحدة وخمس دقائق صار عندي الم متل الم الدورة ولكن يحتمل والساعة واحدة وعشرة دقائق اجت الدكتورة وصارت تقلي ادفعي رح يطلع البيبي والساعة واحدة وعشرين دقيقة طلعت الانسة روان والحمدلله كانت ولادتي سهلة كتيييييييير وما توجعت غير 20 دقيقة قبل الولادة ولكن بعد الولادة طبعا بيصير في الم اثناء الحركة لكن بيخف يوم عن يوم
وطبعا من اول يوم رضاعة صار عندي تشققات بالثدي والرضاعة صارت عندي مؤلمة جدا جدا مع اني كنت ادهنها بزيت زيتون اثناء الحمل ولكن الحمدلله كان يخف شوي شوي بس هلئ رجع وصار يوجعني ومو عارفة شو الحل يا ريت اللي عندها حل تساعدني والله يجزيها الخير
طولت عليكم بالقصة ان شاء الله ما تملوا من قراءتها
بس بدي طلب لو سمحتوا يا ريت اللي بتعرف تعمل شريط تعملي شريط لبنوتي وشكرا سلفا
الله يقوم كل حامل بالسلامة ويسهل عليها ولادتها ااااااااااااارب وربي يحمي ميع الاولاد وترزق كل محرومة يا ارحم الراحمين
الروابط المفضلة