للبحث في شبكة لكِ النسائية:
|
منوره الصفحه وانت فعلا انضميت لينا وان شاء الله كلنا ننقص الوزن المطلوب ونتمتع بالصحه والرشاقه والعافيه
يا رب
انا اليوم بدات رجيم انوشكا
ومعادي للوزن يوم الثلاثاء ان شاء الله
انت هتمشي على رجيم ايه ؟؟؟؟؟؟؟ وهل لك تجارب سابقه بالرجيم ؟؟؟؟؟
ووزنك كام وعايزه توصلي لايه ؟؟؟
عموما ..... حاولي تكتبي يومياتك ونشجع بعض لاخر الاسبوع وكل واحده فينا تفرح بنزول الوزن ... اللهم امين
عايزين همه عاليه واصرار وقوة اراده
الله معانا ...
مسلم جيرل وار ار يو ؟؟؟؟انت فيييين ؟؟؟؟؟
لولا ..... نايس ؟؟؟؟؟؟ انتم فين ؟؟؟؟؟؟... اختفيتوا في ظروف غامضه ولا ايه ؟؟؟
يا بنات يا ريت لو انتم عايزين
كل وحده تسجل وزنها وطولها عشان يكونوا امام عينها ويكون حافز لها
ولو حد معندوش الرغبه مش مشكله بس بجد الموضوع ده بيخليك صادقه مع نفسك وبيعطي حافز ورغبه بالتغير
والله معانا وانا ياجماعه وزني حاليا يتراوح مابين 75 او 74 لسه مثبتش على حاجه
وطولي 166 تقريبا امنياتي 70
ولو وصلت لل70 اتمنى ان اصل لعالم الستينيات واتذوق طعمه لكن لو وصلت لل 70 يبقى رضا اووووي
و اي وحده حابه تشاركنا يا ريت وما تتردد ..... وتبدا علطول .... مافي وقت للتفكير .... صدقوني عالم الرشاقه له طعم اخر
تذوقنا من الاكل ما لذ وطاب خلونا نتذوق الرشاقه والنحافه واحلى ملابس يلا يا بنات نبدا مع بعض مين هي هتكون قوية الاراده ؟؟؟؟؟اكلنا كتييييييييير ان الاوان للتغيييير
صباح الفل يا مؤمنة ياترى اخبارك ايه مع الريجيم؟
اما انا ماشية ملتزمة جدا باريجيم الحمد لله والنهاردة باذن الله هارجع اروح الجيم لان عدم التزامي بالرياضة اثر على نزول وزني المهم يا ستي يوم السبت انا كنت 80
اما امبارح بالليل انصدمت لقيت نفسي 83 بس انا عارفة ان دة احتباس سوايل علشان انا عندي املاح لاني فعلا مش باكل وغير كدة الميزان قالي نسبة المية فى جسمي حوالي 59% يعني كتير جدا والطبيعي تكون 50%
بس نسبة الدهون بتقل الحمد لله يعني تقريبا عندي مش اقل من 4 كيلو زيادة مية فى جسمي وبصراحة انا مش عارفة اعمل ايه لان المية الزيادة بتتعبني اوي وبتعملي صداع وبتتقل جسمي بتبهدلني بجد
معلش غميتك عالصبح بس عموما انا اخدت الدوا وان شاء الله اتحسن ولما تنزل المية حاوزن واقولك
وكمان الرياضة بتعمل فرق معايا كبير لان المشكلة اني متعودة عليها يعني لما بسيبها جسمي بيبطل يحرق
اخيرا يا لولا يا حبيبتي شوفتك منوره
والله وحشتيني ويعلم الله معزتك في قلبي
الف سلامع عليك .... وانا رايي تروحي دكتور عشان الموضوع ده ...... بلاش تاخدي حاجه حد وصفهالك او
من تلقاء نفسك .....
وبعدين موضوع الرياضه ده حلو بس كده جسمك اتعود عليها خالص لو سبيتيها هيبقى ضرر عليك ....
حاولي تخففي جرعلت الرياضه شويه عشان تقدري تعيش عادي من غير رياضه او برياضه خفيفه
مش عارفه جايز رايي غلط بس انا اعرف ان اليبيتعود على الرياضه لو سابها بتضره
الروابط المفضلة