السؤال الثاني :
وان كنت مخطوبة او زوجة فعلا: فما هي اسباب قبولك لخطيبك او زوجك هذا بالذات (بصراحة وفكينا من مجاملاتك لخطيبك او زوجك ) ؟
بالبداية أشكرك على كلامك المشجع لنا للانضمام لهذه الدورة وبصراحة شددني العنوان وهلأ بلشت انشد لسطورها ومحتواها القيم ..
بالنسبة للجواب
غلاتي تأكدي اني مارح جامل لانو لو غيرت بالاجابة وجاملت فبكون عم اضحك على نفسي ..
جوابي بكل اختصار شديد ..
للي خلاني اقبل خطيبي
1- الحمدلله ملتزم من ناحية الدين حتى يوم تقدملي لفت نظري انو صلى مع اهلي بوقت الصلاة ما اجلها .. وملتزم بالدين وبيشجعني كتير على المواظبة ع الصلوات وعلى حفظ القرآن الكريم و والدته بتعطي حلقات لدروس الدين يعني ماشاء الله تربى بجو عائلة محافظة .. وانا بحاجة ل زوج يشدني ويعيني اترك بصمة بهالدنيا وخصوصاً انو هالزمن للاسف كل ماله لورا ..
ف للي بيكون فيه هي الصفة الحمدلله مافي خوف منه ..
2- بره لوالديه من خلال كلام اهله عنه ومن خلال تعامله معهم .. ماشاء الله يعني مرضي وللي فيه خير لاهله فيه خير للناس ..
بلاحظ هالشي من خلال لهفته على والدته وعلى اخواته وعلى نساء العيلة بشكل عام ..
3- صاحب عمل خاص وبيتحمل المسؤولية والحمدلله ..
4- ماشاء الله شكله مقبول ومستواه التعليمي جيد والحمدلله ..
هدول اهم الصفات للي خلتني اتوكل على الله و وافق
لكن في صفات انا نفسي فيها عم دور عنها حابة اكتشفا فيه
وبدي بهي الدورة اتعلم كيف اخرجها منه ..
لاني واثقة انها عنده ..
طبعاً مابنكر في سلبيات لانو مافي انسان كامل ..
مثل قصة التدخين
انا متمسكة بهي النقطة مشان صحتو ..
وكتير مر أشهر وهو مقلع عن التدخين لكن بتجيه مشكله بيعصب بيرجعلو
لكن هو قلي شجعيني لكن بدي ضل وراه لينسى شي اسمه دخان والمشكلة مابقدر قلو يلا اقطعه فجأة لانو خلص تعود عليه ..
ومارح افسخ زواجنا مشان تدخين لانو الحمدلله لهلأ الايجابيات اكتر من السلبيات ويارب ماتنعكس بعدين ^^"
طبعاً خطبتنا صرلها سنة ونصف
بتصدقي أ. خلود والله لو تزوجنا من قبل كان تطلقت لا سمح الله ..
لانو فعلاً انا تأكدت انو الخطبة لازم شوي تكون الها وقت يعني ما تمط سنوات ولا شهر وخصوصي لما تكون الخطبة خطبة اهل ..
يعني اولاً بهالفترة حبينا بعض وتعرفنا ع بعض اكتر ومرت علينا مواقف لو كنا متزوجين ماكانت عدت على خير ..
فهمنا بعض اكتر ولسى بحس عم نتعرف كل يوم عن يوم اكتر ع بعض
بخصوص تابع السؤال الثاني
بخصوص التحولات هي لاسمح الله رح تزعجني كتيرررررررر ..
لكن للي اولو شرط اخرو سلامة صح ؟؟..
وبالخطبة نحنا لسى ع البر ..
ولما بدو يوعد رح يوعد ادام رجال حتى تكون كلمة رجل ..
وفي فرق بين مايوعد ومايوفي
وبين يوعد وياخد وقت بالتنفيذ لكن بالنهاية ينفذ ..
ان شاء الله يكون وصل جوابي ..
الروابط المفضلة