مالت عليك
---------------
مالت عليك .. ومالت على الحب فوقك
ومالت على قلبٍ يحبك ويغليك
ومالت على غدرٍ جرى في عروقك
نسـّـاك خل ٍ كان بالروح يفديك
نسـّـاك منهو يرتجي منك شوقك
يحتاج وصلك وأنت زايد تغليك
يحتاج لمسه من حنانك وذوقك
غير أن قلبك بالهجر كان يغريك
لكن أنا مليت من زود موقك
و أنت بحياتي كنت صفحة وبطويك
مليت أنا دايم أوفـّي حقوقك
وأنت لحقوق الحب تعلن تحديك
يعل قلبك للمهالك يسوقك
ورجلك على درب الندامه توديك
وهمك يغطي كل ذره بخفوقك
وترجع علي وتقول أهواك وأبغيك
باقول لك مالت على الحب فوقك
ومالت على قلبي إذا رد يشريك
ــــــــــــــــــــــــــــــ
ههههههههههههههه
ها شرايكم بالقصيدة
حلوه ؟؟؟
رد مع الاستدلال
الروابط المفضلة