متسننه واخر العنقود اعملوا مثلي بحطلهم طاولتهم عند التلفزيون بنتي الكبيره عمرها سبع ينوات وشوي يعني جيل ابنك اخر العنقود وعادي بتاكل عالطاوله الصغيره واذا بدها تلفزيون عادي بحطلها فيه شغلات انا ما بشد عليها بشوف امهات ممنوع تاكل والتيفي شغال ينقالك اخر الحياه انا بقول بكفي غربه وحبسه اغلب الايام خليها تسوي اللي بدها اياه طالما بترد علي وملتزمه بالقواعد اللي بحطها وكمان ما بخليهم يستنونا مرات ابوهم لسه ما اجا وجاعوا خلص بحطلهم اكل ومرات بسكبلهم قبلنا عشان يبرد اكلهم ومرات منجتمع سوا عند السفره يعني من كبر البيت ينقالك بياكلوا بطابق لحالهم
فيه قواعد انا راخيه فيها لانه رح تتغير مع تغير المكان والزمان ظروف البيت بتضطرني اغير ببعض القواعد وفيه اساسيات اللي اذاب الطعام وعدم الكلام والواحد تمه مليان هاي الشغلات بشد فيها بفهمها انه انا سمحتلك تاكلي وين ما بدك عالاقل قدري هالشي وتادبي بالاكل
هلأ ابنك جيبيله صحون اطفال صغيره بس عميقه شوي لان فيه صحون مسطحه بيقعدوا يلاحوا الرز وبالاخر بينكب من طرف الصحن فجيبي حجم صغير لو اوريكي صحونهم شو صغيره تبعون بيبيز والمعالق بجيب البلاستيك تبعون الحفلات وسط مو صغار بالمره ومش كبار والوان عشان ينبسطوا طبعا ما برميهم برجع بجليهم حتى يتكسروا الهدف بحب الطفل يعيش طفولته لاحق على اغراض الكبار بجيبلهم كلشي ملون ورسوم واطفال ومثل ما قلتلك المعلقه اذا صغيره نوعا ما ما رح تسيل اكل كثير فما رح يكب كمان جيبيله قصه عن ولد بياكل بسرعه وشرق وتعب واهله خافوا عليه وهل اتادب وصار ياكل شوي شوي وفهميه عشان يكبر لازم يمضغ الاكل والا مارح يصير قوي انا داري دهلزي على هالولد ههههههه والا هاتيه اوريكي شغله
العزيزه اتاري الحق عالايباد ما منشوفك يا بنتي بالنسبه للمعزب ياعمري الكلمه عنا اياها منستعملها المعزب المضيف صاحب الدار
اخر العنقود يسلموا عالشوخولاته والاشي الزاكي اللي من تحت دياتك مبين زاكي
الروابط المفضلة