السلام عليكم ورحمة الله وبركاته


المتابعات لرحلتى من التبذير إلى التوفير
حكـــايتى فى الغـــربة .... من الــ ..... إلى الــ ...... ✿متميز✿

أحب أقدم لكم أول درس إتعلمته فى الغربة
ألا وهو إستخدام الكوبونات



أبدا أبدا أبدا ولازم ولابد تحاولى بشتى الطرق إنك
مفيش حاجة تشتريها بسعرها العادى أبدا


بالنسبة للخضروات والفاكهة ومنتجات الألبان والبيض
حاولى دائما تراجعى إعلانات كل أسبوع وتحددى
مين الستور اللى بيكون عنده أقل سعر للبن والحاجات
اللى إنت محتاجاها

الخبز مثلا أنا بأشتريه من الأوتليت Factory Outlet
ده الخبز التوست بيكون تقريبا بنفس سعره عند كوسكو Costco
لكن الفرق إنك بتشترى متنوع أكتر من كوسكو علشان
بيكون فيه أنواع كتيرة وأشكال وماركات فى الأوتليت
لو مش جنبك أوتليت إشتريه من كوسكو
كمان الخبز الفينو أو الصامولى فى كوسكو أرخص
سعر له حتى عن الأوتليت

الكوبونات وسيلة هائلة للتخفيض
وممكن تآخدى حاجات كمان ببلاش عن
طريق إستخدامك للكوبونات

مش مصدقين مش كده!!!
أنا برضه قلت كده
وجبت لكم شوية حاجات من اللى
أنا أخدتها ببلاش عن طريق الكوبونات


مش دى وبس فيه حاجات تانية لكن
دول اللى قدرت أفتكرهم دلوقتى

فيه ناس تقول مش هأقدر
أو الكوبون بيكون بمبلغ بسيط
ظى مثلا 25 سنت ما يساويش
وجع القلب وتقطيع الكوبونات

لأ ما تسيبيش نفسك تسمعى للناس دى
وما تلاقيش لنفسك حجج وأعذار
إبدأى وتوكلى على الله
ومنه التوفيق وأنا معاكم
إن شاء الله أوريكم فين تلاقوا أحسن عرض وبكام
وكلنا نورى بعض إشترينا إيه ووفرنا قد إيه
علشان نشجع بعض