مشاركتي/بملف خاص بوجبات أحبابنا أطفالنا
السلام عليكم ورحمه الله وبركاته
انا بعرف انه ما عم بشارك معاكم كتير بسبب ظروف خارجه عن ارادتي بس حبيت اشارك معاكم في وجبات لاطفالنا
انا الحمد الله عندي ولد الله يخليلي اياه بكره شئ اسمه خضار او فواكه مع انه ما جربهم وحتي قبل ما يجرب الشئ ما بحبه هون بحكي عنه بيكي ايتر
وجديد صار يحب الجبنه الحمدالله ولان عمره تقريبا حمس سنوات وغلبني حتي يوكل زي الناس وبعض الاحيان بضطر ان اضع الخضار في الشوربه وهو بحب العدي وبعدين اخلطها بالخلاط حتي لا يبين اي اثر
انا طولت عليكم بالحكي
انا عملت اليوم فطور طيب وبحبوه الاطفال من عمر1 الي عمر الكبار طبعا ههههه
بانكيك بالبتر ميلك بالموز والتفاح مع بيض وبطاطا مفرومه
مقاديري في البنكيك ما خدتها من موقع لشركه الطحين ماديلز
المقادير
2بيض
2كوب باتر ميلك (2كوب حليب سائل مضاف عليه2 معلقه كبيره خل او ليمون ويترك شوي )
ربع كوب زيت قلي
2كوب طحين انا استخدمه طحين اسمر
ربع كوب سكر
2 معلقه صغيره بكنج بودر
1 معلقه صغيره كربونات الصوديوم
نصف معلقه صغيره ملح
نخلط المواد الجافه لوحدها وبعدين يضاف السائله والفواكه
الفواكه انا ضيفتها من عندي وهي موز مهروس وحبه تفاحه مبروشه عليها شويه قرفه وسكر بني
ونصب الخليط في صينيه البانك كيك او الجريل وتقلب الي الجهه التانيه عندما تنشف الجهه الاولي
ويقدم معها بيض مقلي وعلي وجهه جبنه مبروشه وبطاطا مفرومه مربعات مقليه ويزين البانكيك بالفواكه وعليها العسل والسيرب وشاكليت سيرب كمان وبتقدروا تقطعوا البانكيك باقطاعه البسكويت علي اشكال بحبوها الصغار
هون السيد احمد حب يساعدني
هون شويت عسل
وشويت سيرب
وشويتين شاكليت سيرب ممممم
ان شاء الله يكون عجبكم مشاركتي المتواضعه
رد مع الاستدلال
الروابط المفضلة