المعمول السوري على الاصول وبالصور والتفاصيل من مطبخ نسرين ....ام اليمان
السلام عليكم ورحمة الله وبركاته
وكل عام وانتم جميعا بالف الف خير
وتقبل الله صيامكم وقيامكم وجعله ان شاء الله في صحيفتكم نورا
سألوني عن المعمول
والمعمول السوري حكاااااية وروااااية رهيبة
شوفوه واحكمو عليه
ويلي بدها تجربه وتدوقو تعالولي بالعيد وانا بالبيت عم باكل معمول هههههههه منتظراكم
المعمول السوري على الاصول من فم الشيف بذات نفسه
سألناه وخبرنا عن المقادير والطريقةومن يومها ونحنا بنعملها نفسها ما غيرناها انا ووالدتي وخالاتي والعيلة كلها ههههههههههه
المهم
المقادير
كيلو طحين اي 7 كوب
نص كيلو سمنة اي 2ونص كوب
كوب سكر بودرة
ملعقة صغيرة خميرة
نص كوب ماء دافي للخميرة
كوب ماء دافي لباقي العجن وفي ناس بدل هذا الماء يضعوا ماء الزهر اليوم انا لما عملت هذه العجينة لم احتاج له نهائيا
الطحين يلي استعملتو اكتفى فقط ثلاث ارباع الكوب من الماء هو نفسو الماء يلي ذوبت الخميرة فيه
يحتاج حشوة نص كيلو فستق حلبي مجروش
مخلوط مع كوب سكر خشن وماء زهر وملعقة سمنة بلدي او زبدة والسمنة افضل
وماء زهر حوالي 2 ملعقة كبيرة
وحشوة الجوز كمان كل نص كيلو يحتاج كوب سكر خشن وملعقة صغيرة قرفة وملعقة سمنة بلدي
وهذه صورة للحشوتين
الطريقة
نعجن الطحين مع السمنة والسكر البودرة
فرك برؤؤس الاصابع ولا نبالغ بالفرك او العجن فقط لما يختلطوا المواد نتوقف عن العجن
هذا الاسلوب بالعجن يجعل المعمول هش واطيب
وهون انا استعملت الآلة للعجن وبالبدال الخاص بالتقليب
وشغلته لمدة ثواني قليلة فقط حتى يتقلب الخليط وتوقفت بسرعة عن العجن
ثم نضيف الخميرة المذوبة بالماء الدافي
ثم نخلط ونعجن شوي شوي مع اضافة باقي الماء شوي شوي ممكن ما نحتاج كمية الماء كلها
حسب حاجة الطحين يلي عم نستعملو
نترك العجينة لمدة ساعتين لترتاح
وهذا شكل العجينة
متماسكة ولكن هشة وطرية
وبعد ساعتين نعمل الاقراص
ولما نخلص من عمل الاقراص ((( كنت عم اشتغل لوحدي من العادة واخد معي تحضير الاقراص حوالي ساعة ونص فقط والكمية كيلو من الطحين ))(( حبيت اكتب لكم هالمعلومة كمان حتى تدرسو وقتكم لما تعملو الوصفة ))
نضع الصواني بالفرن وبتاخد حوالي 5 الى 8 دقائق فقط حتى يشقر القرص
ثم نبرد الاقراص على الشبك
واحتفظت فيهم بعلبة محكمة الاغلاق وبين كل طبقة وطبقة من المعمول وضعت ورق مطبخ
وهذه صورة للقرص من الداخل
بحشوة الفستق
بحشوة الجوز
والنتيجة احلى ضيافة بالعيد
اعاده الله عليكم وعلينا بالخير والبركة
طبعا لازم يكون معو شوية حلويات شامية غير شكل
تشكيلة معتبرة هههه
واذا عملتوها ادعو لي ولاسرتي
وكل عيد وانتو بالف خير
رد مع الاستدلال
الروابط المفضلة