░▒▓ الشـــــاى ▓▒░ الكشرى وبالنعناع وفى الخمسينة ░▒▓ لعيون أم وسيم ▓▒░

[أحلى بيرو]

الشـــــــــــــــــــــــــــاى

وما أدراك ما الشاى

معشوق الجماهير

طبعاً لو شفتوا وش زوجى وانا بصور طريقة عمل الشاى ..

بس انا ولا يهمنى

عملت الشاى وصورته لعيون حبيبتى ام وسيم

عندنا فى مصر أنواع وأشكال من الشاى

انا جبت النهاردة 3 أنواع

نبدأ على البركة

الشاى الكشرى

<< إيه رأيكم فى المقادير دى

ملعقتين سكر

ملعقة أصغر منها شاى

والكوباية

فى الكوباية بحط السكر

وعلى السكر احط الشاى

وأصب عليهم الماء المغلى

اتأكدى ان الماء مغلى كويس لأنه لو مش مغلى كويس هاتلاقى فيه ريم ابيض ظهر على وش الكوباية

<< وده دليل على البنوتة الخايبة

زى حالاتى أول مرة اعمل الشاى الكشرى

واقلب وبالهنا والشفا

[أحلى بيرو]

والنوع الثانى هو كوباية شاى فى الخمسينة

ويقصد بها كوباية صغنونة انما مظبوطة



شاى الخمسينة





فى البراد نحط مقدار الماء





وعليه مقدار السكر (ملعقتين)





وعليهم مقدار الشاى (ملعقة صغيرة)



ونرفعهم على نار هادية حتى يغلوا حوالى 3 دقائق

ونجهز الكوباية الصغنونة




فى كوبايات اصغر من دى

بس الجودة بالموجود


ويغلى الشاى ونصبه فى الكوباية



وبالهنا والشفا

احلى كوباية شاى فى الخمسينة









ملحوظة: فيه نوع تانى اسمع الشاى الصعيدى
ورغم انى صعيدية إلا إنى مش بحبه

نفس طريقة شاى الخمسينة لكن بيتغلى أكتر من 3 دقائق ويزودوا له الشاى اكتر فيكون تقيل جدا .. لدرجة انهم بيقولوا عليه شاى صعيدى حبر

ويتقدم فى كوباية اصغر من كدة وأحياناً يحطوه على نار الحطب

[أحلى بيرو]

ثالث نوع هو الشاى ابو نعناع

طبعا ما يختلف عليه 2

زوجى بس هو اللى بيختلف عليه


الشاى المنعنع
<< على رأى ماما الله يبارك فيها
تقولى يلا اعمليلنا الشاى المنعنع




<< اصرارك على المقادير





شاى

سكر

نعناع

<< لا والله





احط الماء يغلى على النار

وأول ما يغلى اهدى النار واضيف النعناع




وبعدها أضيف ملعقة صغيرة شاى





حتى يبدأ يتلون بلونه الجميل





وأطفى النار واغطى البراد لمدة دقيقة



والشاى المنعنع يحب السكر زيادة شوية

احط فى الكوباية ملعقتين : 3 ملاعق سكر





وبعدها أصب الشاى








وبالهنا والشفا

كوباية الشاى الحلوة دى لعيون حبيبتى لونلى

ولا تفتكروا ده كرم منى

اصل انا تحت تهديد السلاح

وما تعطي كاستي لأحد


وقد أعذر من أنذر

[سمسماية]

لونلي اختي وحبيبتي ما ح نزعل مني اخذت الكوباية
ما شاء الله عليك يا بيرو
من زمن نفسي اعرف كيف يكون الشاي في الخمسينة
ابدعتي غاليتي

[أحلى بيرو]

لونلي اختي وحبيبتي ما ح نزعل مني اخذت الكوباية
ما شاء الله عليك يا بيرو
من زمن نفسي اعرف كيف يكون الشاي في الخمسينة
ابدعتي غاليتي

بالهنا والشفا يا عسل

وانتى اتصرفى مع لونلى ماليش دعوة


نورتى حبيبة قلبى

[ام ادهوم]

ما شاء الله يابيرو
يا سلااااااااااااااااااااااام هاتي يا بنتي كوباية تظبط الدماغ هاتي
انا بحبه كشري هاتي
تسلم ايديكي يا قمر
وما شاء الله ماخلتيش حاجه نعملها
ههههههههههههههههه
تسلم الايادي يا قمراية

[أحلى بيرو]

ما شاء الله يابيرو
يا سلااااااااااااااااااااااام هاتي يا بنتي كوباية تظبط الدماغ هاتي
انا بحبه كشري هاتي
تسلم ايديكي يا قمر
وما شاء الله ماخلتيش حاجه نعملها
ههههههههههههههههه
تسلم الايادي يا قمراية

تسلميلى يا عسل

والكوباية فى الطريق هى وصاحبتها علشان نرغى شوية مع بعض


لا لسة فيه ماتعملش

اعملى انتى الشاى ابو فتلة

[حنان(البحرين)]

ماشاءالله يالغاليه وصفات رائعه سلمت يداكِ

[أحلى بيرو]

ماشاءالله يالغاليه وصفات رائعه سلمت يداكِ

تسلميلى حبيبة قلبى

نورتى يا عسل

[أم فئ]

بارك الله فيك وجزاك خير الجزاء



وانار قلبك بنور الايمان