*طبق متميز*الكل معزوم انهارده على """"البريانىىىىىىى"""" يا مراحب
البريانىىىىىىى
اسم اكله معروفه
بتتعمل بطرق مختلفه للمكونات
لكن توابلها ثابته (توابل البريانى)
فى منها بالفراخ ومنها باللحمه ومنها بالخضار (البطاطس,البسله,الجزر)
وانا حبيت ان يكون لى لمسه مميزه وخاصه على اطباقى
فتعالوا شوفوا انا عزماكوا على ايه
المكونات
1 كيلو صدور فراخ
بصله حلقات
3 فص توم مدقوق
2 م ك جنزبيل مفروم
بصل اخضر حلقات كتير
كوسه مكعبات صغيره مقليه 3/4 قليه
بازنجان مكعبات صغيره مقليه 3/4 قليه
بطاطس مكعبات صغيره مقليه 3/4 قليه
3 طماطم مقطع مكعبات
3 فلفل ملون مكعبات
رز بسمتى
لكل كوب
كوب ونصف ماء
مكعبين مرقه
زيت وملح اذا لزم الامر
م ك كارى
م ص كركم
م ك من توابل البريانى الجاهزه
م ص زعفران فى قليل من الماء
خليط من خلطه بصليه
الطريقه
مصحصحين معايا يا نواعم
لانى بدات انام
اول حاجه 1/2 كوب زبده او زيت
وقليت فيه الفراخ بعد ما قطعتها مكعبات
لكن القلى كان على نار عاليه وعلى السريع
لان الفراخ ما بتاخدش وقت على النار وكل ما نسيبها كل ما تنزل مايتها وتكش وتنشف
وحطيت قليل من الملح والفلفل
وشيلتها من الزبده
وفى نفس الطاسه بالزبده المتبقيه
وضعت الجنزبيل والبصل والبصل الاخضر والتوم
وشوحتهم شويه وحطيت عليهم الطماطم وقلبت تقلبتين
واخدت منهم نصهم على جنب و كملت على النص اللى موجود
وحطيت باقى خضارى المقلى والفراخ وبهارات البريانى وكارى وملح والفلفل الملون وقلبت تقلبتين
طبعا الكل مستوى والتقليب حيكون على خفيف علشان الخضار مايتهراش وحاولت ان ما انشفش الخليط اللى على النار ولو نشف بزود 1/4 كوب ماء
والرز بضع المكونات كلها على بعضها على خلطة البصل والجنزبيل اللى جنبتها واسيبه يستوى على النار
وبعد السوا رشرشت ماية الزعفران وقلبت الرز وسيبته 5 د
يتم تقديم الرز فى طبق وفوقه الخليط الفظيع اللى احنا عملناه وبالهنا
رد مع الاستدلال
كتبت بواسطة whietangel
الروابط المفضلة