ما بتكلم كثير.. أحس أنكم تبغون تزنطوني...
تجهيزاتك
أخواتي الدلوعات.. أولا عليكم بمسك أقلامكم والنوته... وسجلي فيها تخطيطك لهذا اليوم
أختاري يوم يكون فيه أجازه لزوجك.. ويكون زوجك فيه رايق يعني رايـــق يعني رايـــــــــق بالثلاثه(( صار طلاق)) ههههه
كوني لوحدك من غير العثــــــولين اليهال.. حتى يكون تخطيطك ولا أحلى...وتخرجين كل مافي خاطرك له ..(( ترى اليوم يومكم أنتوا الإثنين..لا الثلاثاء..هههه))
أكتبي سيناريو الحفل من الألف إلي الياء.. وعليك ما تبينين له أنك مشغوله في شي أو أنك تطلعين له بالموضوع..
مستلزمات الحفل...
المكان.. أنا عن نفسي ما أشجع غير منزلي.. أفضل من الفندق أو حجز شقه..خارج المنطقه.. للستر.. وأنك سوف تكونين مرتاحه لأن كل شي جنبك..
العثــــولين..0((اليهال)) أتفقي مع أهلك.بأنك سوف تحضرين لهم عيالك.. لمده يوم على أساس أنك تحتفلين بيوم رومانسي ...وإذا عندك مشكله الغربه...
فما عليك غير (( جنة الأطفال فراشهم))..
والحيــــــــــــــــــــــن أبدأ بالسناريو المنتظر..
أصبحنا وأصبح الملك لله.. صحيت من النوم لصلاة القيام صليت ولله الحمد.. طبعا عن نفسي زوجي نايم.. ماله خص بالدنيا ونومه ثجيل... ياحلاته...أنا في هذا الوقت أستغل الفرصه.. وأقوم بتزين الغرفه وهو نائم بأسرع وقت ممكن قبل صلاة الفجر...
بس شو الزينه إلي عندك..
زينة الجدار...
المطلوب: قسر الفستق، صمغ، قلم ألوان أحمر، شريطه حمراء، كرتون مقوى، مشرط أو مقص، رش أحمر
الطريقه: أولا عليك برسم قلب على الورق المقوى واحد كبير وفي داخله صغير..
وبعدها أقوم بقص الكبير وتجويف الصغير...وتلوينه باللون الأحمر.. وبعدها أقوم برش الفستق ولصقه على القلب
بعد الإنتهاء من لزق الفستق بكامله.. إذا حبيتي تعطين القلب لمعه رشي عليه القليل من الترتر أو وضع في الوسط خرز يلمع..وثبتي الشريطه في خلف القلب..
الروابط المفضلة