* وصفةمتميزه*طاجن العكاوى المصرى بالبطاطس حصرياً من مطبخ نور الهدى بالصور
السلام عليكم ورحمه الله وبركاته
http://images.lakii.com/images/Jan11/imane_BV9STg.png
حبيبات قلبى صدقونى لو قلتلكم وحشتونى بمعنى الكلمه
ووحشتنى صحبتكم ولمتكم وردودكم واكلاتكم
وتعليقاتكم انا مقدرة غياب ناس كتير منكم وياريت انتوا كمان تقدروا غيابى وانشغالى غصب عنى
المسئوليه زادت عليا بقى عندى بنتين ولله الحمد وبنتى الكبيره دخلت كمان المدرسه واليوم يادوب بيقضى بالعافيه الحمد لله على كل حال
نبذه عن العكاوى
العكاوى عباره عن ذيل العجل
يفضل يكون كندوز وهى عباره عن فقرات
بعد سلخها بيقطعها اللحام او الجزار لانه عارف مقاس كل فقره بالظبط وتقريبا بتكون 3 سنتيمتر ولحم العكاوى من اطعم انواع اللحوم ومفيده للعظام وزياده الخصوبة
http://www.lakii.com/vb/smile/11_33.gif
المقادير
عكاوى مقطعه
بطاطس مقطعه مكعبات
2 كوب طماطم معصورة ومصفاة
2 بصله مقطعه مكعبات
ملعقه توم مفروم
توابل ( ملح فلفل ورق لورا حبهان مستكه
الطريقه
هنا العكاوى مقطعه
نغسلها كويس زى ما بنغسل اللحوم بالظبط
وفى صنيه نضع الزبده
ونضيف الحبهان والمستكه ونضع قطع العكاوى ونشوحها لمده عشر دقائق مع التقليب المستمر
وبعدها نضيف الماء ويغطى العكاوى بشكل كافى ونتركها عالنار حوالى ساعه لانها بتحتاج وقت طويل فى النضج
وفى الوقت ده نجهز الصلصه الى عباره عن بصل مشوح فى قطعه زبده وتوم وطماطم وعند بدء الغليان نطفى النار
وهنا وضعنا البطاطس مع العكاوى فى طاجن
ونصب الصلصه اللى جهزناها وبهرناها بالتوابل ونغطى الطاجن ويترك ساعه اخرى فى الفرن وده شكله بعد ما البطاطس والعكاوى نضجوا
يارب طاجن العكاوى يكون عجبكم وعاوزه اقول لكم فيه ناس بتحبه بخضار مشكل وممكن بالفريك وممكن بلسان العصفور يعنى ليكى حريه الاختيار
وهى سهله وبسيطه وزى ما قلت مفيده جدا
وأشوفكم على خير فى وصفات تانيه ان شاء الله من مطبخى
والسلام عليكم ورحمه الله وبركاته