-
يومياتى
بسم الله الرحمن الرحيم
حبيت انى اتكلم واكتب لحظاتى يمكن اعمل حاجه كويسه واشجع نفسى يعنى الكلام اللى هنا هو اللى بعمله خلال اليوم
يمكن حد يعجبه حاجه من اللى بعملها فيعملها زيى ويمكن انسى حاجه فى يوم فافتكر اليوم اللى قبله وافتكرها
الموضوع ده هكتب فيه علطول باذن الله سواء ماشيه على ريجيم ملخبطه مبسوطه او لاقدر الله زعلانه
هشاركم معايا فى حياتى من الاخر تفريغ الوحده اللى عايشاها
يلا ابدأ بانهارده باذن الله
-
بسم الله الرحمن الرحيم
يوم الاحد 14/1/2007
صحيت على اذان الظهر فسمعته ورددت اللى بنقوله بعد الاذان ( اللهم رب هذه الدعوة التامه والصلاة القائمه ات سيدنا محمد الوسيله والفضيله وابعثه اللهم مقاما محمودا الذى وعدته انك لاتخلف الميعاد)
بعد كده لما لقيت نفسى كسلانه اقوم قولت قل هو الله احد والمعوذتين واية الكرسى ودعيت لاخواتى عشان واحد بيمتحن واخويا التانى نزل يشوف نتيجته ونفسى اوى ربنا يكرمهم عشان محدش يفرح فينا لان الناس بجد وحشين اوى مش مكفيهم اننا عايشين من غير اب وام من 10 سنين لانهم توفوا ربنا يرحمهم ومستنين اننا نفشل فى كل حاجه فى حياتنا بجد لاحول ولاقو الا باالله ربنا يهديهم ويبعد عننا شر اى عين
ادعولهم ياريت انتوا كمان ومتنسوش تصلوا على الرسول عليه الصلاة والسلام
بعد كده قمت اتوضيت وصليت الظهر بس انا متعوده مش بصلى السنن فقولت اشجع نفسى واصلى ركعتين بعد الظهر والاحمدلله صليتهم بس مكنتش مركزه اوى وانا بصلى بس كنت بحاول يين صلاة وجهاد وربنا يتقبل مننا كلنا يارب
-
بنات الجهاز مهنج هعمل ريستارت
-
رجعت
بس حاسه انى زعلانه ومضايقه
المهم انا فطرت نص صابع فينو بمعلقة عسل
واتاخرت عليكم لانى رحت نشرت غسيل لمفروض انى كنت انشره امبارح لكن كان ف واحد جيرانا واقف فى بلكونته فاتكسفت وقل بعد شويه وبعد كده جه ضيوف
المهم مش ارفه دلوقت مل ايه بالظبط عايزه افضل قدام الكمبيوتر وففى نفس الوقت المفروض اروح انضف اى حاجه فى الشقه
اقولكم هروح اغسل الموااعين واحضر الغدا
-
اهلا دوسه ربنا معاكي ويعينك يارب
-
ارسليلي ايميلك عالخاص ومستعدة اساعدك ونكون اخوات بالمراسلة ..
-
سلام دوسة
الله يرحم والديك ويقويكم انت واخوانك على الحياة
واعلمي اختي أن الله عادل وأن الاجر على قدر المشقة
فالحياة تأخذ وتعطي فالحمدلله على ما أخذت وإن شاء الله يكون العطاء أكبر
-
السلام عليكم
الله ييسر امورك ..............
-
رورو و ام تيفه و روبى و الاء
جزاكم الله بكل الخير وبارك لكم وفيكم
احب اطمنكم على نتيجة اخويا هو الحمدلله نجح واخد تقدير عام امتياز والتقدير التراكمى بتاعه كويس الحمدلله
راجعالكم تانى باذن الله عشان اقولكم باقى اليوم
-
انا متابعه معاكي حببتي انا في انتظارباقي يومياتك