☆☆ الديــــــــكـ الرومــــــــيـ يـــــا جمالــــــــــه مــن بطوطــة ☆☆

http://www.lakii.com/vb/smile/21-443.gif

http://img33.imageshack.us/img33/8567/24234363.gif

إزيكم حبوبات عضوات وزائرات

من غير رغى وكتر كلام هأدخل فى الموضوع

بقى مصائب قوم عند قوم فوائد
أو نقدر نقول
أعياد قوم عند قوم فوائد

وزى ما إنتو عارفين هنا فيه عيد الثانكس جيفن
فى آخر شهر نوفمبر وللى ما تعرفش منكم
العيد ده كل اللى يهمنا منه إنهم بيآكلوا فيه
الديك الرومى وبتكون فيه عروض وتخفيضات
عليه كتير وقررت أستغل الفرصة
وقررت إن محدش هينافسنى :)
http://www.lakii.com/vb/smile/21-22.gif

ورحت وجيت وشفت أقل الأسعار و
خرمت جيب أبو الشباب
وعبيت الفريزر من الوحش

وقلت أعمله بكذا طريقة
ومفيش أحسن عندى منكم
أشارككم طرق الطهى المختلفة
وكلها الذ من بعضها
وهابلغكم النتيجة فى الآخر

يللا بينا فى رحلة لطرق طهى
مختلفة لهذا الوحش اللذيذ
واللى بيشرف أى مائدة
بالذاااات فى العزايم

http://www.lakii.com/vb/smile/21-27.gif

الوحش الأول

ده كان حوالى 7 كيلو كده
6 ملاعق كبيرة زبدة
معلقتين ملح
بصلتين كبار مفرومين
عصير ليمونة كبيرة
أوريجانو وريحان ناشف حوالى معلقة صغيرة
ربع كوب عصير تفاح غير محلى
تفاحتين ( يفضل النوع الحامض المزز يعنى) أنا إستخدمت تفاح أخضر
ممكن التفاح المصرى الناشف بيكون مزز قبل ما يستوى ويسكر

الطريـــقة

نخلط الملح مع الزبدة وعصير الليمون وعصير التفاح والبهارات مع بعض

http://im1.shutterfly.com/media/47a0...D550/ry%3D400/

نجيب الباشا وندعكه بالخليط السابق بالذات عند الصدر بين الجلد واللحم وبعدين من برة
وأى باقى من الخلطة دى نخلطها مع التفاح ونحشى بيه الديك من جوة
http://im1.shutterfly.com/media/47a0...D550/ry%3D400/

وبعدين حطيته فى كيس الفرن ورشيته من بره بالبقدونس الناشف

http://im1.shutterfly.com/media/47a0...D550/ry%3D400/

يوضع فى فرن ساخن حوالى 350 درجة فهرنهايت
بيقعد حوالى 4 إلى 5 ساعات
حسب وزن الديك
بس نصيحة.... غطيه بفويل من فوق علشان ما يتحمرش قوى وقبل
ما يخلص بساعة إكشفى الفويل علشان يتحمر

http://im1.shutterfly.com/media/47a0...D550/ry%3D400/

منظر آخر

http://im1.shutterfly.com/media/47a0...D550/ry%3D400/

وممكن كمان أثناء السوا ترشى عليه عصير تفاح غير محلى برضه
لزيادة النكهة

ويقدم بالهنا والشفا

http://im1.shutterfly.com/media/47a0...D550/ry%3D400/

http://im1.shutterfly.com/media/47a0...D550/ry%3D400/

الوحـش الثانى

علشان يتعمل لازم يكون عندك حلة كبيرة تنفع ليه

المقـــــادير
حلة كبيرة http://www.lakii.com/vb/smile/18-6.gif
حوالى كبايتين ملح خشن
1/2 كوب زبدة طرية ويستحسن سايحة خالص
بصلتين كبار مقطعين جوليان أو حلقات
حوالى 4 جزرات كبار مقطعين
كرفس مقطع حلقات
ملح وفلفل
ورق لورا
والـوحش

الطـــريقة
يغسل الديك طبعا وينظف ( نسيت أقول لكم دى فى الطريقة الأولى)
يدعك الديك من الداخل والخارج بالملح الخشن تمام من كل ناحية
ثم يوضع فى حلة مملوءة بالماء البااااارد وأنا بأقول بااااارد
مش ساخن ولا دافئ باااارد من الحنفية

http://im1.shutterfly.com/media/47a0...D550/ry%3D400/

للأسف الحلة عندى مش مغطية الديك لكن يستحسن تكون الحلة تكفى الديك بالكامل ويغطى بالكامل بالماء البارد

ويترك بالتلاجة لمدة 12 ساعة على الأقل أو فى خلال فترة الليل
ثم يغسل الديك جيدا من الملح ويشطف
مع التخلص من المحلول الملحى
ويترك فى التلاجة لمدة ساعتين أو تلاتة قبل التتبيل
ندهن الديك من برة وجوة بالزبدة وبين الجلد واللحم
خاصة فى منطقة الصدر
ونخلط الكرفس والجزر والبصل مع الملح والفلفل
ويتم حشو الديك من الداخل بالخليط السابق
http://im1.shutterfly.com/media/47a0...D550/ry%3D400/

ولو فاضل عندك من الحشو يوضع فى الصينية تحت الديك
ومعاه ورق اللورا وشوية مية وممكن شوربة

http://im1.shutterfly.com/media/47a0...D550/ry%3D400/

ويلف بالفويل ويدخل فرن حااار 180 مئوية
حوالى تلات ساعات ونصف إلى أربعة

وبعدين نفتح عليه ونمسحه من فوق بالزبدة تانى

http://im1.shutterfly.com/media/47a0...D550/ry%3D400/

ويترك حوالى ساعة كمان

لإكتمال السوا ويتحمر كويس

http://im1.shutterfly.com/media/47a0...D550/ry%3D400/

ويغرف ويقدم بالهنا والشفا

http://im1.shutterfly.com/media/47a0...D550/ry%3D400/

طبعا إنتم ملاحظين إن عند الصدر الجلد مش
ماسك فى اللحم لأنى فصلته بإيدى علشان أدخل الزبدة جوة

http://im1.shutterfly.com/media/47a0...D550/ry%3D400/

الوحش الثالث

وده بقى مش محتاج مقادير
ده بيتعمل بطريقة جدتى الله يرحمها
زى الفراخ بالظبط يتسلق كويس

ويتحمر فى الفرن تحت الشواية
أو فى حلة كبيرة جدا بمنتهى
الحرص بالسمنة البلدى

للأسف ما لحتقلكوش منه
إلا دى

http://im1.shutterfly.com/media/47a0...D720/ry%3D480/

طبعا أنا إفتكرت نفسى لهلوبة زى جدتى وحبيت أحمره بالسمن
إتفكفك منى ستين حته ههههه
بس كان طعمه هاااااايل ويدوب فى البق

http://im1.shutterfly.com/media/47a0...D720/ry%3D480/

خلااااااااااااااصة التجارب

دلوقتى العيوب والمميزات لكل طريقة

الطريقة الأولى هايل ونكهة التفاح لذيذة
لكن التفاح اللى جوة ما قدرتش آكله
مش عارفة هل بيتآكل واللا لأ كمان
البصل اللى تحت الجلد كان مضايقنى فى الأكل
وأنا زودت الر يحان حبتين فمرر شوية فى قطع
معينة فمتزوديش الريحان لو مش بتحبيه
الكيس الحرارى خلاه يدوب دوووب
وميزة الطريقة دى كمان إنك مش محتاجة تبيتى الديك فى التتبيلة

الثانية جميلة جدا والصدر طرى قوى قوى لكن الورك
كان بيشد شوية يمكن كان عايز يتساب شوية أكتر فى الفرنأو لو إتحط فى الكيس كان هيبقى أحلى وأحلى كمان حشو الديك بالجزر والبصل والكرفس أحلى من حشوه بالتفاح وتقدرى تآكلى الخضار اللى جوة طعمه هاااايل
أفضل تقطيع البصل وحشو الديك بيه عن تتبيل الديك من الداخل بيه

التالتة حلوة بس أقرب للفراخ يعنى الطعم جميل
ويفكرنا بأكل زمااان وعزايم الجدات لكن كأنك
بتآكلى فرخة بس كبيرة حبتين ههههه

فيه طريقة كمان وهى طريقة والدتى حبيبتى
إنك تتبلى الديك عادى جدا بالملح والفلفل
والبصل والبهارات ويتكلفت فى الفويل من
الليل ولغاااية الصبح وعلى الفرن عدل حوالى
6 ساعات فى المتوسط

دى تجاربى أنقلها لكم على الهواء مباااشرة
من مطبخ بطوطة وبمنتهى الأمانة
ورأيى الشخصى فى كل تجربة
أتمنى يكون موضوعى عجبكم
والأهم تكونوا إستفدتم منه
ويا ريت أسمع رأيكم
وطريقتكم المفضلة فى عمل
الوحش اللذيذ

إدعوا لى بصلاح الأحوال
وأن يجمعنى الله بأهلى قريبا
ويحفظنى أنا وزوجى وأولادى
ويحفظ علينا ديننا

http://www.lakii.com/vb/smile/38_265.gif

قبل اى شئ
قل اعوذ برب الفلق اللهم صلى وسلم على اشرف المرسلين
لا يا بطوط لااااااااااااااااااا مش ممكن انا جالى ذهول مش علشان جمال وصفاتك فقط
لانك ماشاء الله ست بيت تجننى
انا جالى ذهول من جرأتك ماشاء الله علشان تقدرى تروضى الوحش الكاسر ده
ماشاء الله بصراحه كل طريقه احلى من التانيه وعجبتنى ملاحظاتك جدا جدا
ربنا يبارك فى مجهودك وصحتك حبيبتى ويجمعنا واياك بأهالينا ويهون غربتنا
وتسلم ايدك وشكرا عالانقلاب الفظيع ده فى ركن الاطباق الرئيسية

http://im1.shutterfly.com/media/47a0...D550/ry%3D400/

ولا يهمك عندى حله كبيره خلى عنك خالص لو عندك رومى اشحنيهولى على هنا
فورااااااااااااااااااااااااااااااااااا ومتقلقيش ابدا حخلص عليه قصدى حسويهولك واردهولك تانى

تعقيب:

---

كتبت بواسطة noorelhoda

قبل اى شئ
قل اعوذ برب الفلق اللهم صلى وسلم على اشرف المرسلين
لا يا بطوط لااااااااااااااااااا مش ممكن انا جالى ذهول مش علشان جمال وصفاتك فقط
لانك ماشاء الله ست بيت تجننى
انا جالى ذهول من جرأتك ماشاء الله علشان تقدرى تروضى الوحش الكاسر ده
ماشاء الله بصراحه كل طريقه احلى من التانيه وعجبتنى ملاحظاتك جدا جدا
ربنا يبارك فى مجهودك وصحتك حبيبتى ويجمعنا واياك بأهالينا ويهون غربتنا
وتسلم ايدك وشكرا عالانقلاب الفظيع ده فى ركن الاطباق الرئيسية

---

تعقيب:

---

كتبت بواسطة noorelhoda

http://im1.shutterfly.com/media/47a0...D550/ry%3D400/

ولا يهمك عندى حله كبيره خلى عنك خالص لو عندك رومى اشحنيهولى على هنا
فورااااااااااااااااااااااااااااااااااا ومتقلقيش ابدا حخلص عليه قصدى حسويهولك واردهولك تانى

---

أهلا أهلا بمشجعتى الاولى
اللى دايما فاتحة نفسى
ومشجعانى من معجنات لحلويات لرئيسى
الله يبارك فيكى وفى بنانيتك
على فكرة أنا حأحجز بناتك مع بنات شخبوطة لولادى
هههه بس يا رب البنات يرضوا
عايزة أقول لك إنى بأتبسط قوى لما بتردى على موضوع من مواضيعى
إنت أخت عزيزة على جدا

والفريزر مليان رومى مش قلت لك
خرمنا جيب أبو الشباب هههه
هيشحنا على مصر قريب :)
تسلمى يا قمر
وشرفتينى بردودك الحلوة