http://www.lakii.com/img/free/Oct16/q23kuMVAS1j.gif
السلام عليكم اخواتى فى الله يا رب تكونو بخير و بصحة يا رب انتو و كل حبايبكو وحشتونى جدا جدا و من زمان ما نزلتش مواضيع و اتمنى ان موضوع النهاردة تنول رضاكم ...
ان شاء الله النهاردة هقدم لكم فطيرة الوردة بالسكر و القرفة...فطيرة ماشاء الله رائعة جدا فى الطعم ومبهرة جدا فى الشكل
http://www.lakii.com/img/free/Oct16/oefxbYCU4R9.jpg
اتمنى انها تنول رضاكم
مقادير فطيرة الوردة بالسكر ِو القرفة
3 كوب دقيق
3 معالق كبيرة سكر
نص معلقة صغيرة ملح
حوالى كوب ماء او لبن دافئ (هنا اخدت العجينة كوب الا ربع لبنحليب )
بيضة واحدةو رشة فانيليا للعجينة +بيضة مع فانيليا لدهان الوجه +سمسم
قطعة خميرة فى حجم الليمونه او معلقة كبيرة خميرةجافة
ربع كوب زيت +معلقة كبيرة ممسوحة سمن او زبد
2 معلقة لبن بودرة او 2 معلقة زبادى (اختيارى بس وجودها بيعطى طرواة اكتر للعجينة)
الحشو (هنا هيكون زيت او زبدة سايحة +5 معالق سكر مخلوط برشة قرفة حوالى نص معلقة صغيرة)
الطريقة
*هندوب الاول الخميرة فى شويه ميه من الكوب مع شوية سكر
*هنعجن المقادير عادى جدا و تعجنى لمدة 10 او 15 دقيقة و يا ريت و انتى بتعجنى متحطيش الميه او اللبن كلها مرة واحدة لان فى انواع دقيق مختلفة فى احتياجها للماء
* و بعدين نسبها تخمر ساعة و بعدين نتبدى نشكلها كالاتى .....
هتقسم العجينة الى 5 كرات ( 4 كرات متساوية + كرة صغيرة ( اللى هتحطها فى منتصف الورة )
http://www.lakii.com/img/free/Oct16/i3HQErAnaj7.jpg
و هنسيبهم يرتاحو ربع ساعة على الاقل
http://www.lakii.com/img/free/Oct16/p5jjXKpclDN.jpg
** هنفرد اول كورة من العجين على شكل دائرة ...مش سميكة و مش رفيعة ..وسط يعنى
و هندهنا بالزبدة السايحة او الزيت و نرش سكرالمخلوط بالقرفة
http://www.lakii.com/img/free/Oct16/niFj6o2lZ9q.jpg
و بعدين نفرد الكورة التانية من العجين و نحطها على الدايرة الاولى و ندهنها زيت او زيدة و نرشها
بالسكر لمخلوط بالقرفة و نفرد الكورة التالتة من العجيم على شكل دايرة و نحطها على الدايرة التانية
و ندهنها زيت او زيدة و نرشها بالسكر اللى مخلوط بالقرفة و بعدبن نفرد اخر كورة عجين اللى هى الرابعة و تحطها فوق الطبقة التالتة و مش هندهنها حاجة
http://www.lakii.com/img/free/Oct16/l1bkCUyQ0i5.jpg
** هنحاول نقسم دوائر العجين الى 8 مثلثات متساوية ( هنقسم 2 ثم 4 ثم 8 ) و نبتدى نعمل فتحة بالسكين
فى منتصف كل مثلث بحيت ان الفتحة دى متوصلش لطرفى المثلث بالشكل ده
http://www.lakii.com/img/free/Oct16/Wlu9r5Sak7U.jpg
** هتجيب طرف المثلث بتاع العجين و هنلفه لتحت و نطلعه من فتحة مثلث العجين بالشكل ده
http://www.lakii.com/img/free/Oct16/ubbtDVzREO6.jpg
http://www.lakii.com/img/free/Oct16/EdzAJKTpyHI.jpg
http://www.lakii.com/img/free/Oct16/C9aOsKUylZE.jpg
و بعدين هتجيب اول طرف او طبقةالعجين بتاع قاعدة المثلث و نلم بيه الطبقات اللى تحت كدا
http://www.lakii.com/img/free/Oct16/BE9WBTbkYMV.jpg
و تلمها على بعض و تقفلها بالشكل ده
http://www.lakii.com/img/free/Oct16/rNirBK2bQMV.jpg
و تعمل كل مثلثات العجين بالشكل ده
و بعدين نحط الكورة العجين الخامسة و تبططها بسيط و نحطها فى صنيها يفضل تكون على ورقة زبدة عشان
تشيليها بكل سهولة لما تستوى
و لما تحط الكورة اللى فى النص نبتدى ترص المثلثات 8 براحة بالشكل ده
http://www.lakii.com/img/free/Oct16/RmREOBK2kJj.jpg
هنسيبها ترتاح نص ساعة و نغطيها طبعا ...و بعدين ندهن وشها بالبيض ....لو مفيش بيض ادهنيها باللبن الحليب و نحط فى منتصف الوردة سمسم و ندخلها فرن شغال قبلها بعشر دقابق على نار متوسطة فى الرف اللى فى النص
http://www.lakii.com/img/free/Oct16/lPkuDq5ewjs.jpg
(انا حطيت قرفة فى منتصف الوردة و كنت بخبزها الساعة 12 بليل لانى اكتشفت ان السمسم خلص
ماااازن حبيبى كل السمسم هههههههه اه و الله ....فخبزتها وحطيت قرفة فى النص و تانى يوم الصبح جبت سمسم و حطيت مربى خفيفة فى منتصف الوردة و رشيت عليها سمسم عشان يثبت ( الجيش قالك اتصرف)
هههههههههههههه
و طلعت بالشكل ده ( دى اول ما طلعت من الفرن ...
http://www.lakii.com/img/free/Oct16/bijxGY7MzIv.jpg
و دى لما حطيت السمسم
http://www.lakii.com/img/free/Oct16/U84Jn1Fs7Uy.jpg
http://www.lakii.com/img/free/Oct16/L1bk7L3IuhW.jpg
http://www.lakii.com/img/free/Oct16/FvEiX6L3cQZ.jpg
http://www.lakii.com/img/free/Oct16/v8Dirr6o2Hl.jpg
اتمنى انها تعجبكم
و ماتنسوش اختكم ام يحيى و مازن بدعوة حلوة
فى رعاية الله و حفظه احبتى فى الله