ام مودي وايمان واهل امريكا ..واهل الخير,شو اعمل بالبان كيك؟؟

السلام عليكم جميعا
ان شاء الله تكونوا بخير والحقيقه عندي مشكله مع البان كيك وهي اني لما بدي اقلبها بتشر وبتنقط وبيتلخبط شكلها :mad: مع العلم ان الوصفه اللي عندي كتير طيبه وقوامها اسفنجي ومرن وخفيف وما عليه غبار بس الشكل يعني عم يطلع مش ولا بد فيا ترى هل هناك شيئ سهيت عنه او خدعه ما للتغلب على هذا الإشكال؟؟ انا ادهن المقلايه بطبقه خفيفه زبده وبستنى حتى تستوي من تحت وتظهر الفقاعات لكن اذا استنيت كتير لتتماسك تمام بيصير لونها بني غامق مو حلو او بعباره اخرى بتنحرق؟؟ولأني متلكن جميعا اعشق الكمال واحاول الإقتراب منه ما امكن انتظر بامتنان ارائكم وشكرا لكم مقدما:)

أولاً عزيزتي، عليك باستخدام حرارة متوسطة إلى عالية
ثم لما تشوفيها احمرت مثل ما بدك من الأسفل استخدمي ملعقة مسطحة كبيرة وبخفة يد اقلبيها.
المسألة فقط محتاجة لتعود لكسب المهارة، وما تخلي كمية كبيرة من القطع في نفس المقلاة حتى تتحكمي بكل واحدة بوحدها عند قلبها.
أهم شيء انتبهي للحرارة، فالحرارة العالية بتخليها تحمر بسرعة بلا نضوج، لازم حرارة متوسطة إلى عالية، يعني أنا عندي النار بالأرقام، 1 إلى 10، 5 متوسطة، بحطها على 7 وبترك المقلاة الخاصة بالبانكيك تحمى تمام، بعدين برش رشة زيت قناني لأنه خفيف وفوراً بما أنه حامي بصب الخليط. بينضج هيك على نار معتدلة وبهدوء.

وما تنسي البيض، فهو أهم شيء للتماسك.

شكرا جزيلا لك ايمان وشكرا لإجايتك واهتمامك
انا فعلا كنت اعمل متل ما عم تقولي يعني الحراره والملعقه المسطحه والوصفه فيها بيضه واللي لفت نظري هو اختلاف واحد عن طريقتك وهو الزيت ,انت بتدهني بزيت وانا بزبده مسيحه وقلت اكيد هدا هو ,بتعرفي انا كنت ادهن بزبده قلت منو بتطلع اطيب ومنو بوفر سعرات بعدم اضافة زبده مع السيروب بعدين,المهم عملتها مبارح ودهنت المقلايه زيت , وطلع فعلا شكلها حلوووووووظريف , السر فعلا بالزيت, يبدو انو بيحمى وبيعزل بشكل افضل من الزبده ..الأولاد علقوا انو غريب طالعين حلوين هالمره الله وكيلك جيل ما بيرحم. شكرا مره تانيه ايمان وان شاء الله بردلك ياها بالأفراح يا رب.
ملاحظه بتعرفي قريت في الموقع اللي اخدت منه وصفتي اللي هو توب سيكريت ريسيبيز واحده قالت انها بتضيف نصف ملعقه صغيره نكهة اللوزللعجينه وبتطلع الذ وفعلا جربت واعطت طعمه من الذ ما يكون خاصة مع السيروب..جربوها وما بتندموا وشكرا ايمان مره تانيه

انا ما بحط لا زيت ولا زبدة وتطلع كتير شيك شكلها<<< من مريديان يعني ههههه

لا جد بتطلع دوائر وحلوة بعد وانا بجيب الخلطة جاهزة وبحطها على الساج الي منسوي فيه الهامبرجر وعل نار متوسطة بس قلتي انو بشرشر انا خطر لي انو ما عمينضج من السطح اولا لازم يتكون فقاعات وتنفقع وبعدين تقلبينها لا تستعجلين بالقلبة ولا تعملي دوائر كبيرة يعني ممكن معلة ونص تكلع منيحة
عموما انحلت المشكلة بالزيت عندك لكن باقي تقوليلنا عن وصفتيك لاني ما بعملها انا باليت ممكن لو ما في مانع تقوليلنا الوصفة?????

مرحبا bdooorوشكرا جزيلا لك على مرورك واهتمامك
بالنسبه للوصفه تبعي متل ما قلت اخدتها من موقع top secret recipes وفعلا ظريفه جدا جدا اسفنجيه وخفيفه وكما قلت واحده علقت انها بتحط نصف ملعقة نكهة اللوز مع المقادير وبتطلع بالفعل لذيييذه جدا
اليك المقادير
1 و1/4 كاسة طحين
بيضه
1/4 كاسة سكر
1 و1/4 كاسة بترميلك اللي هو الحليب المخضوض او اللبن اللي بينشرب متل لبن المراعي او غيره ولما ما يكون عندي بحط نصف الكميه زبادي ونصفها حليب بيمشي الحال
ملعقه صغيره ملياااانه بيكنج باودر
ملعقه صغيره ملياااانه بيكنج صودا
1/4 كاسة زيت
بخة ملح
نخلط المقادير الجافه ثم نضيف السائله بالتتابع حتى يتجانس الخليط تماما بيطلع العجين سائل بس مو مايع كتير مع ذلك
ان شاء الله بتعجبك وبالهناء والشفاء

تسلمين حبيبتي
وفي اقرب فرصة لازم اجرب الوصفة
وكنت بدور على دونات كمان يكون اسفنجي لو وجدتيه لا تبخلين عليا وخاصة الانكلش عندي مو زيادة
مشكورة كمان مرة

مرحبا بدووور
بالنسبه للدوناتس انا جربت طريقة ام مودي ما شاء الله حولها معلمه , وكانت طيبه كتير وهي الرابط جربيها ان شاء الله بتعجبك ..
http://www.lakii.com/vb/showthread.p...E6%E4%C7%CA%D3
وما حاولت دور على غيرها لأنها طيبه وظريفه, يللا يا بدور صار عند شغل كتير بأه اعملي همه..

jili أشوف الأن منتشر وبكثرة شوايات كهربائية مخصصه للبانكيك وشكلها حلو مادري سمعتِ فيها أو لا وأيضاً مقلاة خاصه بالبانكيك وتحمل أكثر من قطعه لحظه أشوف لك صورهم وراجعه ..........

هذه الكهربائية وفي شي منها يحمل 6 قطع :
http://i.walmart.com/i/p/00/65/57/72...04_500X500.jpg
http://imedia.brylane.com/images/bry...46_dt_0096.jpg

وهذه مقلاة توضع على النار :
http://a1412.g.akamai.net/7/1412/243...001/img92l.jpg

صحتين يا جيلي، ولو إني متعجبة أنه يكون الزيت هو السبب، بس تذكري أنه الزبدة بتنحرق بسرعة وهذا بيسبب أنه الشكل يسود بسرعة.

حلوة يا ديم هالمقلاة، أنا عندي المفردة، شريتها تقليد فطلعت مش نافعة!!
لكن هذه عجبتني كثير، مع أني بستخدم الجريدل المربع التيفال وهو ممتاز في عمل بانكيك بنفس الحرارة وبنفس الشكل.. شهيتوني على هالليل :D

حتى أنا ياأمون استخدمت المفردة وطلعت تقليد لا وكنت حاسبة نفسي أخذتها بالوقت المناسب لأنه كان عندهم خذ وحده ومعها وحده مجانا مع أدوات تشكيل للبانكيك وكنت محسبه نفسي إني شريتها في الوقت المناسب وهي مره وحده استخدمتها للبانكيك وماضبط قلت يالله نخليها للبيض طلع كله لاصق في المقلاة وبصراحة انقهرت كثييييير وماكنت عارفه إنها تقليد إحنا طلبناها بعد ماشفناها في التلفزيون وكلمنا الرقم الموجود بس خلاص توبه بعد هالنوبة أصدقهم :(

انا ليش جيت افتح الموضوع في الليل؟؟

انا عندي كم سر اسويه في البان كيك ..مرات احط في الخلطة سكر ..لاني مااحب السيروب..

ومرات احط موزة..او مشمش ناشف مطحون ..ومرات تمر مهروس ..

ولما اقدمه احط عليه كريم تشيز بدل الزبدة ..(خلاص لعابي سال)

ولما اخبزه ..اخبزه على الصاج المربع بدون زبدة ولا زيت ..

الزبدة فيها 80% دهون و20% حليب عشان كدا تنحرق وتلصق القطع في الصاج..

بنات شكله كل اليي بيجي في التلفزيون تقليد موصح؟

انا والله مرة كنت راح اشتري مقلاة البان كيك ..بس ربنا ستر ..

جلي ..نكهة اللوز انتبهي لها مرات يكون فيها كحول..وحتى اللبن ..مرات في جيلاتين ..يوم الجمعة اشترينا واحد ورجعناه لانه لقينا فيه جيلاتين.

ديم الله يسلم هالإدين يارب غلبت حالك ممنونه جدا جدا ..انا فعلا كنت عم شاور عقلي بموضوع قلايات البان كيك العاديه والكهرباء وحسب ما فهمت من كلامكن انو القلايات العاديه مو كل هالأد بس حدا جرب قلايات الكهرباء يا ترى؟
الله يسلم قلبك ايمان بس بالفعل يبدو هادا السبب لأنو مع الزبده كانت تلزق وتسود اما مع الزيت فلا لزقت وبقى لونها حلو انا جربت الاتنين والفرق باين تمام ,الله يعطيك العافيه ويسلم ايديك مره تانيه امون.
وانت كمان حمرة الورد تعبتي حالك الله يعطيك العافيه على الملاحظات والإرشادات وان شاء الله بجرب بعض افكارك عن قريب وشكرا لك على التنبيه بالنسبه لنكهة اللوز اللي انا اشتريته صار متل الأصانصات متل الزيت ومافيه كحول ..شكرا لك مره تانيه

الحمد لله انه ماطلع فيها شي ..لاني بصراحة كرهت اجرب شي جديد من كتر ما الاقي بلاوي الله يجيرنا ..

تعرفي زوجي صار يشوف مكونات كل شي ..حتى الزيت والنشا..لاتضحكي علينا لانه لقينا الزيت البخاخ ..Pam طلع فيه كحول برضه ..

الله يعين الجميع ..

يا ستي يمكن كل اللي في الغربه مشاكلهم متشابهه ..انا عانيت كذلك كتير بس بعدين صرت اقرأ واسأل ..وفي آراء عديده تجعل في الأمر سعه المهم يقرأ الواحد ويسأل مثلا الكحول المسكر اللي في الخمر هو نوع معين من اصل كحولات كثيره وهو الكحول الإثيلي او الإيثانول فيه ذرتين كربون ..فالكحولات عائله كبيره وليست كلها مسكره ولو انو يمكن متل ما قلتي اغلب الكحولات المستخدمه في الطعام هو الإيثيلي وكذلك الجيلاتين فيه اقوال عديده منها لعلماء كبار متل القرضاوي والمولوي وغيرهم يقولون بحله لأنه يتحول اثناء تحضيره ويتغير عن طبيعته الأصليه والمهم الموضوع فيه متسع وأخد وعطا وفعلا سؤال العلماء يسهل كتير من الأشياء ويرفع الكثير من الحرج والله يعينا جميع على غربتنا ويردنا لأوطاننا ان شاء الله وشكرا لك كثيرا على اهتمامك يا حمرة الورد ثانية

الله يسلمك اختي جلي..

سبحان الله الغرب هنا مايعيشو بدون هده الاشياء ..الله المستعان..