((التطرف))..الموضوع جدا شييييق بدون مبالغه.. you will enjoy
السلام عليكم و رحمة الله تعالى و بركاااااته...
سنتحدث معا عن موضوع ((التطرف ))....يحتاج منكم الى تفاعل و مشاركة و اراء
وكل من لديه موقف يريد ان يذكره على احد هذه الاقوال.....حتى تعم الفائدة وهذا هدفي:
بسم الله:
@ يقول سيجار: حب المرأة كالقمر...ان لم يأخذ في الزيادة ...اخذ في النقصان<<<<<< بالفعل..ترا الحرمة ..اححححم اقصد المرأة مشكلتها انها تحب بسرعه...وتكره بسرعه...بعكس الرجل...يكره ببطء شديد... والحمد الله انه العصمة في يد الرجال....ولا كان مساكين من اول يوم زواج ...يرجعوا لأهلهم مطلقين خخخخخخخخخخخخخخخخ...وترا من جد الحرمة اذا كرهت تكره من جد .. ما يبقى في قلبها الا حنية العشرة.....
@ كلما افرط الرجل في حب المرأة زاد استخفافها به<<<<<< ما ينعطوا وجه خخخ...لا من جد احنا الحريم ما عرفنا لنفسنا (((حلوة..عجبتني ما عرفنا لنفسنا...يا شيخه ام اللباقه!!)))..اذا جانا واحد شديد و شخصيتة قوية و له كلمة..ما عجبنا.. واذا جانا واحد ميت علينا و طلباتنا كانت اوامر
ونقوله..يمين يمين..ونقوله يسار يسار...قلنا هدا ضعيف شخصية و ما يعتمد عليه... الله المستعان..والمشكلة لو جينا قلنا نبغ الوسط......نااااااااااااااااااااااااادرا ما نلقاه ههههههههههه
الله يكرمكم بأولاد الحلال اللي يريحوا قلوبكم يا حبايبي (( قلبت ست مكاوية ههههههه))
@ يقول ابن الجوزي رحمه الله : لا ينبغي للمرأة ان تقرب من زوجها فتمل..ولا تبعد عنه فينساها<<<<<<< خليك وسط الله يرحم ابوك....مو تصيريلوا لصقة جونسون ... وتخنقي الرجال في عيشته...لحد مسكين ما يطق و يموت....ولا كمان تتلهي عنه وما تتدري عن اخباره وما تهتمي لحاله !!
وفجأة ..!!!!!!!!!!!!!!!!!!!!!!!!!!!!!!!!!!!!!
اااااااااااااااااااااااااااااااااااااااااااااااااا ااااااااااااااااااااااااااه........يا لهوي .. يا خرابي ..اه يااااااااااااني..... الحأيني يا امه...دا الراجل اتجوز علياااا..
والله يختي تستاهلي..هدا نتيجة اهمالك يا روح امك.....الله يعينك على مابلاك <<<اما انا عايشة الدور بقوووة ههههههههههههههههههههههههه
@ القوس المشدود على الدوام اما ان ينكسر واما ان يرتخي<<<<<اهااا...جينا للمهم...هنا عاد يبغالي سطور..وسطور..العبارة دي مررررة مهمة...الشدة الزيادة عن حدها ترا عمرها ما تنفع...لانه الشدة تولد الكبت...والكبت يولد ضغط...والضغط يولد الانفجار...ودايما هدا الانفجار ما تحمد عواقبه.....مين قال انه التربية عبارة عن ضرب؟؟؟....من قال انه التربية : ممنوع تلفون مع الصاحبات.. من قال انه التربية ..تحطيم ذات!!....: انت عمرك ما تفلحي في شي!!
من قال انه التربية حبسة في الغرفة بين اربع جدران........................
طيب..طيب قبل ما تقوموا عليا ..وتقولوا ايشبها دي....
نمسك وحدة وحدة...نجي للضرب...ترا انا اول وحدة انضربت لمن قلت بس..بس لحد سن معين...والحمد الله اتربينا...بس لمن يجيك واحد يضرب ولده اللي في العشرين كف على وجهه..كيف العلاقة راح تصير؟؟..ولا كيف راح تصير نفسية الشاب؟؟..المثل يقول : ان كبر ابنك خاويه......
نجي للنقطة الثانية: التلفون!!!...ليش تمنعي بنتك انها تكلم صاحباتها... انا اول وحدة اعارض انه البنت يكون لها تلفون خاص بغرفتها...بس مافيها شي لمن تكلم قدام عينكم...اعطوها الثقة شوية
وبعدين..ترا اللي في راسها شي..راح تسويه....انتي ابذري بذرة الخير فيهم ووكلي امرهم لله..
نجي للنقطة اللي بعدها : تحطيم الذات.....وهذي اكبر مصيبة.....تخيلي اقرب الناس لك و يحطموا فيك...مافي غير: انت غبي...انت ما تفهم شي...اسكت اسكت انت مالك داعي!!!!!
يا ناس اتقوا الله في عيالكم...بعدين لاتقولوا : ولدي عنده مشكلة نفسيه!!!!!!...الله المستعان
@ يقول عدنان الدوري : جرائم النساء عموما والفتيات خصوصا تعود في الغالب الى فقدان سلطة الاباء في ضبط سلوكهن<<<<<<< وهذه هي النقطة الثانية من العبارة اللي فوق... مانترك الحبل على الغالب ونقول: واه يا اختي..والله البنات خربوا!!!....يعني مو مرة شدة...ولا مرة لين!!! .......
ملاحظة : لمن يشاهد هذا الموضوع في منتدى اخر ..فهو لي .. وان اختلف الاسم
