مرحبا صبايا
عادة لما أعمل محشي كوسا ما بأرمي لب الكوسا لأنه له استخدامات كتير ومنها هذه الشوربة السهلة واللذيذة.
هون أنا طلعت لب الكوسا من الفريزر وحطيته مباشرة في الطنجرة مع ماء وولعت تحته النار.
لما فك اللب وبدأ يغلي حركته كويس وضفت له نصف كوب رز مصري مغسول ورشة كركم وملح وفلفل أسمر وحركتهم سوا وتركتهم ييجي ربع ساعة حتى ينضجوا سوا.
قبل ما أطفي النار ب5 دقايق ضفت حبيبات الذرة المجمدة وحركتهم سوا.
وهاي أحلى صحن شوربة مع عصرة ليمون... يميييي كتير طيب.