انا واهل زوجي .....

السلام عليكم ورحمة الله وبركاته ...

انا متزوجة من 6 شهور تقريبا والحمدلله مرتاحة لكن مشكلتي بأهل زوجي .... هم صج يحبوني ويقدروني ويحترموني وانا احبهم اكثر وشايلتهم فوق راسي لكن مشكلتي ان اهل زوجي أولا ..... معتمدين عليه وايد .... لا تفهموني غلط انا مابي اقطع زوجي عن اهله ومو قصدي اني مابيه يقوم بشغل اهله بالعكس انا اللي قاعدة اساعده على هالشي وانا اللي اعرض عليه انه مثلا يودي امه السوق اذا كان ودها تروح السوق حتى بدون ما اهيه اتقوللي ... المشكلة ان اعتمادهم عليه زايد فوق الحد ... يعني مثال .... زوجي يداوم كل يوم 12 ساعة يعني يرجع البيت هلكان وانا عندي جامعة فإجازتنا تكون الخميس والجمعة وهاليومين اللي نفضى فيهم حق بعض بس يوم الخميس من صباح الله ....... يافلان ود اخوك عن ربعه ... يافلان جيب اختك من العرس ... يا فلان روح الجمعية جيب لنا كذا .. يافلان روح جيب لنا عشا ... هذا مع ان ابوه الحمدلله شاب وبصحته والمواصلات متوفرة وعندهم سايق وعنده اخوه ماشالله ريال ينشد فيه الظهر .. بس مادري ليش اعتمادهم عليه لهالدرجة مع انه قبل ما يتزوج كان يقوم بشغلهم بس عاد مو لهالدرجة !!! تخيلوا الساعة 12 بالليل يتصلون يقولون له نبي عشا !! يعني ماعليه الواحد يحتاج خصوصية شوي ....... تصدقون ان نكون متفقين نطلع بهاليوم وما نصدق اول ما نركب السيارة بدت التلفونات والمشاوير الين ما نرجع البيت بخفي حنين ...... لا احنا اللي قعدنا مع بعض ولا هم يحزنون ...

المشكلة الثانية اخته امجننتني ...... كلما طلعنا مع بعض زعلت وقالت ليش ما خذيتوني .... كل هذا من طيبتي الزايدة يحليلي اذا بغينا نطلع اقول لها يافلانة ليش ما اتيين معانا توسعين صدرج .. الحين صارت الزامي اذا فيني خير اطلع بدونها ..... والله مادري شسوي فيها .. انحاش عنها نحشة .......

ادري طولت عليكم بس عفية محتاجة الرد منكم باسرع وقت لأني بنفجججججججججججججر

مرحبا اختي دانة الكويتك

انا والله حاسة فيج ومريت بنفس المشكلة واكثر بعد وصدقيني اكثر سنوات ولا فيه فايده واذا عطاني زوجي فلوس لي رحت السوق وقمت اشتري لهم هدايا من طيب خاطري وبعد ما فيهم فايده يقولون والله فلوس اخونا ..اوكي فلوس اخوكم بس كان ممكن احطهن في جيبي مو اصرفهم عليكم شو اللي يجبرني وصدقيني الاقارب عقارب .. انت خلج زينه وهذا الشي ينكتب لج في كتابج وطبعا كل شي له حد خلك حازمه شوي لا تلينين وايد الهم ولا تكونين قاسيه ولاانت على بالك ان كل اللي سويته لهم خلاهم يحبوني لا والله ما فيهم فايده.. سكنت بعيد وقللت زيارتي والحمدالله ارتحت من قالت وسوت صرنا نطلع على كيفنا ونرجع على كيفنا لا مراقبه ولا هم يحزنون وبعدين لما تطلعون حولو التلفون على خط مشغول والا اغلقوه احسن .. السالفه يبيلها تكتيك شوي .. وماعليج مهما سويتي من زين ارميه في البحر . لما الواحد تعطينه وجهه يقوم يزيد ويماطل ويزودها شوي .. واهم شي في السالفه انك انت وزوجك متفاهمين وعلى راي واحد..
. وشكرا يا دانة الكويت .....

مرحبا اختي دانة الكويتك

انا والله حاسة فيج ومريت بنفس المشكلة واكثر بعد وصدقيني اكثرمن خمس سنوات ولا فيه فايده واذا عطاني زوجي فلوس لي رحت السوق وقمت اشتري لهم هدايا من طيب خاطري وبعد ما فيهم فايده يقولون والله فلوس اخونا ..اوكي فلوس اخوكم بس كان ممكن احطهن في جيبي مو اصرفهم عليكم شو اللي يجبرني وصدقيني الاقارب عقارب .. انت خلج زينه وهذا الشي ينكتب لج في كتابج وطبعا كل شي له حد خلك حازمه شوي لا تلينين وايد الهم ولا تكونين قاسيه ولاانت على بالك ان كل اللي سويته لهم خلاهم يحبوني لا والله ما فيهم فايده.. سكنت بعيد وقللت زيارتي والحمدالله ارتحت من قالت وسوت صرنا نطلع على كيفنا ونرجع على كيفنا لا مراقبه ولا هم يحزنون وبعدين لما تطلعون حولو التلفون على خط مشغول والا اغلقوه احسن .. السالفه يبيلها تكتيك شوي .. وماعليج مهما سويتي من زين ارميه في البحر . لما الواحد تعطينه وجهه يقوم يزيد ويماطل ويزودها شوي .. واهم شي في السالفه انك انت وزوجك متفاهمين وعلى راي واحد..
. وشكرا يا دانة الكويت .....

بصراحة يااختي انا لاحظت هالشغلة من اول من ايام الخطبة وقلت له اني ابي اسكن بروحي وماعارض واهله والله طيبين معاي بس فيهم هالشغلة وللأمانة والله امه مو جذي بس ابوه وخواته امنكدين علي عيشتي بهالشغلة والا معاملتهم لي مافيها شي ومو عارفة شسوي قاعدة احاول ابين لهم اني ما احب هالشغلة بصورة مو مباشرة بس تدرين ماعندي خبرة توني متزوجة وابي وحدة امجربة ولقت حل تعطيني رايها ...

واكرر علشان محد يفهمني غلط .... انا مابي اقطعه عن اهله وبالعكس اذا ماكان فيه خير لاهله ماراح يكون فيه خير لي بس ابي اعتمادهم عليه يكون بالشي اللي يسوى مو على كل صغيرة وكبيرة لدرجة ان حياتنا صار مافيها خصوصية.......

وشاكرتلج اختي على المشاركة ؟..؟.؟

:)

مرحبا اختي
شوفي انا اقولك على الحل بس يبيله وقت وطولة بال
انا متزوجة من زمان ومريت باللي انتي تقولين عنه وكنت اعصب واتضايق لانه مثل ما قلتي لازم يكون اهناك حدود وخصوصية بس لانه ولدهم ومتعودين عليه دايما معاهم وبعدين تزوج فللحين يحسبون انهو مو مرتبط وللحين تشوفينهم يطلبون منه طلبات اهم بنفسهم يقدرون يسونها بدونه وتدرين شنو السبب السبب يا اختي السكن مع الاهل لانك لو سكنتي بعيد ما كنتى تشوفين هالمضايقات لانه من الطبيعي تكون هناك تناقضات بالاطباع حتى لو كان كلا الطرفين طيبين المهم انتي لازم تفكرين بكذا حل
اولا : اذا كان بمقدور زوجك الانفصال بمنزل منعزل راح تشوفين النتيجة مذهلة لانكم راح تصيرون غالين
ثانيا : اذا ما يقدر حاولي تردين عليهم بس على شكل غشمرة او اطنازه بالكويتي يعني مثلا تقولين فلان عن زوجك تعبان توه جاي من العمل او مرات تتعذرين بالنيابة عنه انهو نايم لانه تعبان ولو اتصلوا وانتو طالعين قولي لهم انكم ما تقدرون لانك بتمرين مثلا عدة اماكن انتي تدرين ان حماتك ماتقدر تروح لها مثل بيت اهلك علشان تاخذين شيئ بعدين بتمرين بيت صديقتك وبس طلعوا على راحتكم طبعا اتوقع ما ارح يسألونك وين رحتوا بعدين لانهم ما راح يدرون
ثالثا : تعذري اكثر من مرة وبعدين راح تشوفين انهم بدوا يخفون عنكم
المهم اختي الغاليه انك ما تتضايقين لانه راح يأثر على علاقة زوجك مع اهله واشوي اشوي راح تخف المشاكل بإذن الله ولا تنسين انك مو قاعده تبعدينه عنهم بل على العكس لازم تقعدون مع اهله ولازم بين فترة والثانية بس مو كل مرة تاخذين حماتك معاك وتشترون عشى لهم وراح يحسون بإذن الله ودايما علشان تحسين بالرضي دايما ذكري انك تعملين لرضى ربك وزوجك
واتمنى لك كل التوفيق يا اختي الغالية

كل الشكر لج اختي الغالية خالدة على نصايحج وانشالله راح احاول اطبق اللي اقدر عليه بس تدرين شنو مشكلتي ؟؟ اني انا اصلا ساكنة بسكن مستقل ومع هذا مو مرتاحة ولما نكون طالعين فهم يتصلون على تلفون زوجي ومو تلفوني وتدرين اهوه مايقدر يتعذر او يردهم وهني المشكلة .... اتمنى لو تقدرين تتواصلين معاي بنصايحج لأني صج محتاجة لأحد ياخذ بيدي وانا والله بس ادور راحته وراحة اهله بس الواحد بعد محتاج راحة باله .... وشاكرتلج مرة ثانية

مساء الخير اختى الغالية
اتصدقين خليتيني افكر في موضوعك لاني حاسة بكل كلمة قلتيها لاني قبلك انا عانيت وكان يحز بنفسي اللي يصير لي كلش ما اخذ راحتي بس الغريبة انك ساكنة بسكن منفصل وماكو فايده بس همن مثل ماقلت لك اخذيهم بالطيب لانك راح تخسرين الكل اذا شينت النفس يعني قلي نغزات على ضحك بس انتي تقصدين شيئ من وراها وحاولي تفهمين زوجك باللين انهو اللحين انسان مرتبط ولازم يقص الحق من نفسه يعني انتي بنت ناس وتوك متزوجه يعني لازم تعيشون اللحين احلى فترات حياتكم بدون دوشه الاطفال فلا يعكر مزاجكم الطلبات اللي ماتخلص والمشكلة انك تدرين انهم طيبين يعني ماتبين تغثينهم بس كل شيئ له حدود علشان جذيه انتي حاولي تخلينه يتعذر من مجموعة الطلبات اللي يطلبونها مرة حتى يعرفون انهو فعلا مرتبط ويبدون يخفون عليكم بس انتي صبري وصدقيني راح يتغيرون لاني انا مجربتها بنفسي ومع هذا كنت وايد طيبه معاهم وما اقصر بس ها لي حدودي اللي ما احب احد يتعدها وعلمتهم بس باسلوب لبق
وانا حاضره لك في اي شيئ او اي نصيحة تبينها يا اختي الغالية بس انتي تدللي
اختك خالدة

مااااقصرتي اختي خالدة شاكرتلج فوق ما تتصورين والله ريحني كلامج وانا قاعدة احاول اني ارضيه وارضيهم وارضي نفسي بس مرات الواحد يتضايق وينغث بس شيسوي الشكوى لله واكيد انتي عارفة الريال صعب اقوله شي عن اهله مباشرة حتى لوكان معاي الحق هم اهمه اهله وانا مابي اضايقه فقاعدة احاول اغير اللي اقدر عليه بدون ما اقول له اي شي ولا حتى ابين له اني متضايقة بس شوي شوي قاعدة احاول ارفع روحي يعني اروح لهم واوجبهم بس ما اطول لأني لاحظت انه من اتطول قعدتنا بدت الطلبات واللي امصبرني ادري فيهم طيبين يعني يسوون الشغلة عن جهالة مو سوء نية بس هم اختلاف اطباع الواحد شيقول ....

الله كريم يهونها انشالله .... الف الحمدلله على كل حال ....

وشكرا مرة ثانية :)

اختي صراحة ما مريت بمثل تجربتك بس خسارة اول حياتك تروح هيك الواحد بتكون هذه الايام ذكرى مدى العمر وما بيحس بقيمتها الا بعد ما تروح .....ولكن لا تنسي انهم اهله يعني لازم تفكري كويس قبل ما تحكي اي عبارة تتوقي انها الحل وتروحي جارحة زوجك .وان شاء الله لكي الاجر لانه هيك هو مرضي والديه لكن اخوانه ما اعتقد انه مجبر فيهم .واقترح عليكي تقنعي زوجك يقفل جواله على الاقل الخميس والجمعة وقت الطلعة .لانه مش حابة حد يكسر عليكم الجو الحلو .اقنعيه وستنجح الفكرة.

مرحبا اختي دانة نسيت اسألك انتي الجنه الاولى او في جناين غيرك لانه الموضوع راح يختلف لانك لو كنت الاولى فشيئ طبيعي لانهم ما تعودوا للحين على وجود زوجة ابن بينهم فما يعرفون او للحين ماتعودوا على ان ابنهم يصير بعيد عنهم لكن في حال وجود جنه ثانية فهذا غريب او ممكن تكون مو معطيتهم وجه علشان جذيه يجربون معاك الله اعلم بس مثل ما وصيتك الصبر والاستمرار على الافعال الطيبة لانه الكلمة الطيبة مثل سيل الماء يحفر الجبل
ودمتي
خالدة

أختي دانه انا متزوجه من واحد هو اصغر اخوانه وتعرفين غلاوة اخر العنقود عند امه
ومريت بنفس مشكلتك على قولتك معتمدين عليه بكل شي حتى مو بمشاوير امه لا بمشاوير اخواته المتزوجات وبناتهم بعد . وياليت يا اختي شفنا تقدير بالعكس لو يتعذر عن طلب واحد يزعلون منه ويقولون اني انا السبب
لكن يا اختي ارجوك لا تخربين حياتك عشان ها المواضيع وسعي صدرك واحتسبي الاجر
وصدقيني الحبيب مع اهله لا بد يكون حبيب مع زوجته
ولا تكثرين مناقشات مع زوجك في ها الموضوع لان اكثر شي يضايق الرجال اذا سولفتي له عن اهله والا بينتي له انك متضايقه منهم
صدقيني يا اختي هذي تحصل في بداية الزواج لكن بعدين بتلاقينه متفرغ لك انتي لحالك خاصة اذا جبتي له طفل صغيرون يملا عليكم حياتكم ما راح يلقى ذيك الساعه وقت لطلبات الناس الثانين
واهم شي لا تعودين اخته تطلع معاكم لان مشاويركم خاصه لكم ومن ابسط حقوقك انك ترفضين جيتها معكم لكن بأسلوب لطيف ما يزعل اخته ولا يزعله
نصيحه اخيره حاولي تسعدين زوجك قدر ما تستطيعين وتكونين طيبه مع اهله لأن كل شي بأجره

مشكورين كلكم على ردودكم ونصايحكم والله بردتوا قلبي حسيت ان في احد حاس فيني ...... اختي خالدة انا فعلا اول كنة لهم وزوجي هو البكر عندهم وبالنسبة لعلاقتي فيهم فهي ولله الحمد اكثر من ممتازة وانا فعلا حاطتهم على راسي من فوق وهم يحبوني ويقدروني وحتى هالاشياء اللي تضايقني انا حبيت اقولها لكم واستشيركم وتعطوني اقتراحاتكم وانا ما كلمت زوجي فيها ولا اهله لأني ما احب اجرحه بشي وهو للأمانة شايلني على راسه من فوق واظن مراعاة اهله هم ابسط حق له علي ....

لكن مثل ما قلت لكم اخواتي الواحد وده يعيش هالايام ويستمتع فيها وده تكون له خصوصية بحياته ويحس ان له بيته واستقلاليته يعني لما اهله يطلبون شي والله على عيني وعلى راسي والله انا اللي اشجعه على هالشي بس في طلبات مو معقولة ومو ضرورية والواحد صج يتضايق منها ويحس انها تنغص عليه عيشته بالله عليكم وحدة طالعة مع ريلها الوقت متأخر حده وجو رومانسي وفجأة يرن التلفون اخته تبي عشا من مطعم ما عندهم خدمة توصيل وتبي الحبيب يوصله لها مع ان عندها سيارة وسايق واهلها الله يخليهم لها موجودين والمطاعم متوفرة يعني لازم هالمطعم بذمتكم الواحد ما يرتفع ضغطه ؟؟؟

وعن طلعاتها معانا كلما نطلع وماناخذها ...... ليش ما اخذتوني ؟؟؟؟؟ ووين رحتوا ؟؟ وزن فوق راس اهلها بصراحة شي يضايق حتى لو كانوا اهله الله يحفظهم بصفي بس هم الكلام يا اخواتي يغث وانا مو ملزومة كل مشوار اروحه معاها صح والا لا ؟؟ ...

اتمنى تواصلكم معاي لأني صج محتاجة للي اكلمه وينصحني .... ولكم جزيل الشكر

انا اسفة يا دانة اني داخلة عرض بس راح اقولك شي زي ما يقولون حطيه حلقة في اذنك
اول نقاش حاد عن اهل زوجك معاه راح يكون نقطة سوداء في حياتكم وراح تندمين عليه طول العمر
بس لازم تكونين شاطرة في اشعار زوجك باهمية خصوصية اوقاتكما عاد شوفي ايش يحب
وانتي وشطارتك تخليه هو يهتم ما حد يقطع عليكم اوقاتكم الحلوه بس الله يعينك