السلام عليكم و رحمة الله و بركاته
نكمل كلامنا عن الجمال يا جميلات المغرب الحبيب :)
Printable View
السلام عليكم و رحمة الله و بركاته
نكمل كلامنا عن الجمال يا جميلات المغرب الحبيب :)
اوكي دانو شكرا ا لحبيبةتعقيب:
أختي لوجين الوصفة عي نفسها اللي كتبات سهام سامي راها مفسراها مزيان
نتسنى سهام تعطيها و تفسرها لي :)
السلام البنات شوفي اختي لوجين هديك البومادا راها مزيانة بزاف ختي انا راه ناض فيها حبوب خيب كبير وداير القيح وراها نفعتها فيه كان عندها الحبوب في فخضها وحتى السقان ديالها الحبوبات الاولين لي ما كانتش كدير ليهم البومادة راه بقاو باينن ولكن الجاداد مبقاوش حيت لحبوب بقا كيديع ليها مع كيطلق الما ولكن الحمد لله اخر حاجة لبومادة كتغسل لها ماما بالبيطادين لحمر ومن بعد كدير ليها البومادا
شي حاجه افيكاس لحبوب الظهر عندكم.؟؟؟ لاحظت انه ولا كيتزاد كان فالاول قليل ولكن دابا بدا ليا الله يازيكم بخير بغيت شي وصفه اولا بوماض تكون مزيانه شكراااااااا
وضشكرا لوجين علي الركن
شكرا لالا على المساعدة
دابا انا في الحقيقة متبعة الدوا و البومادا ديال الطبيب واخا بانت لي مافيها فايدة
قال لي تبعيها لمدة شهر هي و واحد الحليب كنمسح بيه بلايص الحبوب
و لكن انا دابا خايفة يدوز شهر و ميقضي لي الدوا والو و يكون الحبوب برا على البومادا ديال سيكاتريس
و نمشي فيها
$حينت خاصني نديرها ليه ماحدو شوي جديد
فهمتيني لالا !!
ما عليك غير بالحنا و الداد مع الشبة مطحونةانا مكنديرش الحامض حنتي كيخلي لي اللون مع الحنا
الشبة كتنقي و كتبيض و مزيانة
ديري هاد الوصفة بعدا و من بعد شوفي شي بوماد
اه بالحق راه هاد الطبيب عطان واحد البومادا لظهري حنتي فيا واحد الطبعة كحة واخا مع الحنة بات كتمشي لي شوية
انا ملي مشيت عنو قلت نوريها ليه
سميت البومادا CLOMITER
لبنات اش خباركم اوا شحاااااااااااااااال هدي مشاركتكم هنا
المهم راني بغيت شي حاجه تحيد ليا واحد الاثر ديال واحد القمشه قمشه راسي بوحدي فاش كنت ناعسه وبققات ليا فحنكي كيشي شمكاره
عتقوني عفاكم
ماعرفاشي أختي فاتنة22 كيفاش نشكرك ولاه...
سماحلي نساقسيك شمان صابون قاتليك عليه الفارماسيان تعملو قبل ماتعمل البوماض؟؟؟
انا مشيت عند الفارماسيان اللي كاتعرافنا قاتلي ماتعمليش هاداك البوماض حيت خاص ديال الفطريات و حنايا ماشي هادا المشكل ديالنا...و قاتلي دابا نساقسيلك على شي بوماض اخر...
ويمكن تقولي نوع و اسم الحلاوة اللي كاتستعمل؟
صداعتيك أختي بالأسئلة:)
و بالنسبة ن حبوب اللي ف ظهلر انا كنت كانستعمل صابونة الكبريت من الفارماسيان و دابا الحمد الله بلحاك مابقيتشي كانعملا دابا ..و كايكولو ان الطين الأخضر حتى هو مزيان بلحاق ماعرفاشي الطريقة و المدة..
تحياتي
هههههههه رضى مالك معامن كنتي مضاربة
راه لقيتينا كنهضرو على بومادا ديال سيكاتريس
حتى تجي لالا و تقول ليك على سميت واحد البوماد ايفيكاس
اهلا
رضــــــــــــــــــــي الروح القمشة خليها بوحديتها غادي تزول مع الوقت حيت دوك البلايص سواء الوجه ولا الرقبه دغيا كتحيد منهم بتجريب ومع الحمام دغيا تمشي
شكرا لوجيـــــــــــــــــن انا كاندير الحنه واداد اما الشبة قالت لي وحده كدير الكوب منعرف صح ولا لأ ولكن عادي نبقي نديرها
لــــــــــــــــــــــــــــــــــــونا2007 هي الا قالت ليك شي بوماض قوليها ليا انا ان شاءالله الايام الماجين غادي نمشي عند الطبيب لحبوب الظهر ونسولو علي هاد المشكل انشاءالله هو الاول ندير بنصائحكم من بعد الا ممشاش نمشي عندو
اما الصابون انا كاندير غير ديال الحجره ولكن مكنقربهاش لداخل باش ماتنشفش ليا ديك البلاصه لانو انا فاش كنت كانغسل بيه وجهي كايصفيه ليا وكيبيضو واللي لاحظت حتي خويا كان فيه الحبوب فوجهو ومبقاش ليه غير بديك الصابون دالكف ولا المنجل فحال فحال ..يعني ربما تفيدني وتبيضها لي يوميا خاصها تغسل
اختي الفاتنة22 واش انتي ساكنة في المغرب دابا
شوفي الا كنت ساكنة في المغرب خدي الرقم لي اعطيتو لسهام واتصلي بيهم وهما غدي ينفعوك اكيد في موضوع الحبوب فهو خبير اعشاب لبناني وكل منتجاتو طبيعية والا كنتيمقيمة في بلد اخر ردي علي وانا غدي نتفرج على البرنامج ونشوف ليك رقمو على فكرة هو يطلع يوم الاثنين 2او3 ديال النهار مباشرة مع الاعادة يوميا على قنات هي للمراة العربية ان شالله اكون فيدتك في هاد الموضوع
أختي لوجين نعاود الزين نشرح ليك كتشري اليرو بيرفيتال بقاي شربي 3 معالق في النهار والحلبة مطحونة رطبي شوية فالماء سخون وبقاي تخلطيها مع الحليب دافئ والعسل 2 المرات فالنهارايلا مفهمتيش انا موجودة
شكرا دانو ربي يخليك
انا كان كيتسحابلي غادي نخلط بيرفيتال مع الحلبة في كاس
دابا فهمت :)
تبارك الله على بنات بلادي واش شفتو ديك الوصفه ديال صابون المنجل وماء الورد بغيت نديرها حتى انا
انا فاش تنجي لمغرب كندي معياا كارطونه ديال صابون الطاوس تيحماقو عليه لوايساتي
السلام عليكم
يالبنات ديال المغرب كيدايرين لباس
انا بغيت نسولكوم على شي فون دتان يكون زوين مكنعرفش الماركات الزوينين وانا كندير فوندتان غير في المناسبات ديال الاعراس يعني ماشي ديما
اوا ردو علي واخا؟؟
اختي ورد انا وجهي دهني وكنستعمل كريمات اساس ديال ماركة maybelline
مزيانين بزاف صار لي مده كنستعملو ودابا كنستعمل dream matt ديال maybelline
لجين عطيني سميت البومدا عفاك عتقيني بيها هاني فركن الاخاء
سميتها diprosone
و ها هو الكلام لي قالته لالا عليها :
تعقيب:
في اختي لوجين راه فايت واقع لختي نفس المشكل و مشات عند الطبيب تقوله متافق مع مول الفرماسيان المهم نختصر هانتي شري هاد البومادا راها سميتها ديبروزون نيو ميسن diprosone
هانتي خودي البومادا ماشي لكريم وراني حتى انا كنديرها بعد لمرات عندي لبشرة حساسة الا كان لحبوب جديد خدوها دابا راها متخليش الاثار والا كان قديم عوني بالبومادا ديال السيكاطريس
سلام البنات شفتكم باقين غير مع لحبوب
بخصوص رضى الروح هديك البومادا راها زوينة كتليق لكلشي غير هو نسيت ما قلتش ليكم راها بحالة كتصفي اللون حيت انا عندي البشرة حساسة وناشفة وبعض المرات كينوض فيا بحال الحزاز و لحبوب ماشي حب شباب لا
المهم من كنديرها غير لديك لبلاصة كتبياض وكيبقى اللون مختالف وليت من كنبغي نديرها لوجهي كندهن بها وجهي كلو وكنكثر البلاصة الي عندي معطوبة هههههههههه ولكن ما تاخدوش كريم راه فيها كريم وبومادا الكريم كستالي بزربة والبومادة مع ميدمة كتصبر
السلام عليكم ورحمة الله وبركاته كيدايرين البنات لباس عليكم
تبارك الله عليكم انا قريت داكشي اللي كتبتو و عجبني واخا بشرتي مشي دهنية يعني معنديش مشكل الحبوب ولكن المشكل اللي كيعصبني هم les traces اللي عندي في سيقاني حيت مللي كنت صغيرة كانت في الحساسية وملي كنت كنحكهم بقاو لي بلايصهم كحلين واخا عييت مندير في الحنك و الداد
الي عندها عافاكم شي حل تنفعنيبيه الله يجازيكم بخير
اجي واش هاد البوماد غير ديال الوجه صافي
انا راه عندي الحبوب في سيقاني من لتحت حدا رجلي
عندي اثار قدام بحالي بحال بيتسكول
بالحق هادو فقدت الامل فيهم ما عندهم حل غير التجميل حنتي قدام بزاااااااف
المشكل عندي في هادو الجداد
خايفة يلحقو على الاخرين و يبقاو مشوهين رجلي كثر
قولي لي lalla11 واش هاد البوماد كتعمل غير فالليل و لاممكن نديرها في النهار
زعما واخا الى شفت الضو او الشمس ماشي مشكل
لا شوفي الوجين هاد البومادا هي راها اصلا ديال الشوبنيو ولحبوب والكزيمة وانا كنديرها لكلشي
وجربتها وتقريبا العائلة كاملة كديرها فين ما كان الا لعينين
ومدريهاش في النهار كنديرها في الليل الاكنت غادة نديرها لوجهي او عنقي
ولكن الجسم كديرها باي وقت انا وحد النهار راه درتها حتى لفمي عرفتي تجرح ليا بزاف وخا كندير لكريم ولكن فليل درتها ونعست والحمد لله نفعتني بزاف واختي راها دارتها لفخاض والسيقان
الله لا يخطيك سوسو لحبيبة
و لكن انا مشكلتي راه هي les traces ماشي الحبوب براسهم
الحبوب دابا راه مشى هادي 3 ايام و بقاو لي البلايص ديالو ما بين الكحولة و الحمورة
يعني les traces
الى كانت هاد البوماد غادي تحيدهم لي بمشيئة الله فاليوم نشريها قبل غدا
و الى كنت غادي عا نديرها بلا فايدة
فراه لي عندي يكفيني
عرام الدوايات بلا فايدة
طبيب الجلد ساسني و كالني وليت خدامة عا عليه و على الكريمات هههههههه
فالله يخليك ريحيني
اه و قولي لي ثمنها http://r-mbd3.com/vb/images/icons/27.gif
تبارك الله على بنات بلادي لعزيز شتكم لصقتو فلحبوب أمالكم ههههه ولكن راه عندكم الصح إلى كانت زايدة في شي حاجة كتقلقك
تعقيب:
اوكي دانو شكرا ا لحبيبة
نتسنى سهام تعطيها و تفسرها لي
زين هانا نعود ننقلها لختي وأي استفسار أنا هناتعقيب:
خودي كيلو حلبة ، نقيها ؤغسليها ؤشمشيها حتى تكرم ؤطحنيها في مولينكس ، وغربليها وحتافظي بيها في قرعة زاج
شري سيرو من فرماسيان اسمو برفيتال (ثمن 30 د)
طريقة الإستعمال (البرنامج)
في الصباح مع 9 ، ديري 3 معالق صغيرة من الحلبة في كاس فيه نصف ماء ساخن ، نخليه جانبا 3 ساعات غيولي مافيهش حس الما ؤغيضاعف حيت غتشربو الحلبة ،
ؤملي تجي 11 صباح ، سخني كاس الحليب ؤ حطي 2 معالق ديال الحلبة لي شربات هاداك الما (الليحضرتي سابقا ) ، ؤزيدي شوية سكر ؤشربي بالصحة والهنا ، ؤنفس العملية ديريها مع 8 ديال الليل
أما السيرو برفيتال غتشربيه عادي 3 مرات في اليوم ، أي ملعقة كبيرة قبل الفطور وقبل الغداء وقبل العشاء
ملاحظة : ملي يسالي ليك السيرو ممكن تكملي الوصفة بلا بيه ، ونتوما عارفين الحلبة راها مزيانة للذات أما ريحتها تقدرو دوشو كل يوم ودابا راه الصيف تندوشو بلا حلبة ولا والو ، ؤ عطرو طوابك مزيان ؤصافي (ولي بغا الزين يصبر لخيك الوذنين
ههههه رضو نتي بحالي أسكعة ناس كينعسو ؤحنا مضاربين مع جنون هههههههتعقيب:
لبنات اش خباركم اوا شحاااااااااااااااال هدي مشاركتكم هنا
المهم راني بغيت شي حاجه تحيد ليا واحد الاثر ديال واحد القمشه قمشه راسي بوحدي فاش كنت ناعسه وبققات ليا فحنكي كيشي شمكاره
عتقوني عفاكم
اللي كتعرف شي وصفة توصفها لهاد لمجانين الله يحفضكم
لونا عندك الصح أزين صابونة لكبريت تشوط لي لحبوب وماسك الأخضر ؤلحمض كيحيد لآثار
الفاتنة هي نخليو راسنا بحال الشماكرية ما مشاو ياك ههههههه
ورد 84 ، أنا بشرتي عادية ؤجاية شوية لجافة يعي بجوج تصلاح ليهم ، وصفهالي طبيب الجلد سمها فوطوديرم راه غزالة
بارك الله فيك ا الزين على الوصفة
دابا فهمتها مزيان
كان كيتسحابلي غادي نخلط الحلبو مع الحليب ما نرقدها في من قبل
و لكن انا راه كندخل للخدمة مع 9 و دابا في الصيف مع 8
يعني ممكن نشربها عادي بلا ترقاد في الصباح و في الليل عاد نرقدها؟؟
يعني غادي تعطي نفس النتيجة؟
اما بيرفيطال فراني شارياه شهرين هادي و باقي محليتوش
كنسى نشربو و باقي مرقد مسكين ههههههه
شوفي احبيبة لوجين انا قلت لك على البومادا بالاساس باش درها لحبوب ومن بعد ما كيبقاوش ولكن انتي اصلا مبقاش فيك الحبوب والحمد لله راني غادة نكتب لك سميت واحد البومادا ديال سيكاطريس وكنتمي تمفعك لحق ما شي ديالي انا واحد البنت صاحبتي كانت دارت عاملية وخرجتها ليها واحد الطبيبة لي دارت ليها العملية وعطاتني سميت البومادا غير سبحان الله الواحد يبغي يعرف هي اثار العملية مبقاش فيها ولكن دارتها والغراز جداد
cicatryl
كنتمنى تنفك وتقدر ديرها حتى رضى الروح على قبل القمشة
lalla2007ضحكتيني كتبتي غادي نكتب ليك وليتي الدكتوره ديالنا لهلا يخطيك علينا شكرا بزاف الواحد يشريها تنفعو علاش لا؟؟
سهـــــــــــــــــــــــام اهلا كيف دايره؟؟؟واش دوك الصباغه الي عندكم تقال ولا الدار اللي كبيره ههههههههه وشكرا علي الوصفه ان شاءالله غادي نبداها غير تسالي هاد الروينه ديال الانتخبات ....ختك مناضلة
اما صابونه دالكبريت كانت عندي ولكن كنت نستعملها لحاجه خرا خرجها ليا الطبيب.......
salam 3alikom
lah ikhalikom el banat ana dert lassir f dar wa7di el ta7t el bitan o kifhal t7ar9at li jalda chwiya o khalt li latrass ka7la f dik el blayess ,o daba mabghach it7ayd li wakha mchit el 7amam 3tiwni chi 7al bach it9achar dikchi wala chi pomada wala ay 7aja ana walaw m9antini bezaf merci bezaf
لوجين رقدي الحلبة فالماء سخون وخليها حتى تجي من الخدمة غير دخلي شربيها هي الأولى وكدلك فالليل قبل ماتنعسي والسيرو 3 المرات فالنهار
اموريميو خلي بيطانك حتى يبراو مزيان غادي يتقشرو بوحدهم وبداي تهتيهم كل نهار بالحامض غادي يبياضو ولا ديري شيرلي واخا كيقولو واعرة ولكن غير على الوجه والمهم هي مشي واعرة على البلايص اللي ماكايشوفوش الشمس انا اختي كنديرها لوجهي ديما وكنقطعها وعمري مادارت لي شي حاجة
شكرا لالا
صافي كيبان لي نتبع عا الدوا لي عطاني الطبيب حتى نشوف اش غادي يدير لي
شكرا دانو
غادي نبدا نفيق بكري نرقدها و نشربها عاد نخرج للخدمة
عرفتي ا دانو
انا درت شيرلي و العسل الحر لظهري حينت فيا شي بقع سمرين فيه واخا مكنتش حاملة نديرها
المهم بنت خالتي قالت لي متديريهاش عا لوجهك الى خفتي اما البلايص لي مكتشوفهمش الشمس بلا ما تخافي منهم
تبعتها شي اسبوع كل ليلة كنعملها و الله العظيم الى مشاو الطبايع بقاو غير شي شوية منهم
و ملي مشيت للطبيب على قبل الحبوب قلت نوريه ظهري خرج لي واحد البوماد و انا نحبس شيري
عاودت قصة حياتي ياك هههههههههه
سلام عليكم جميلات المغرب
لجين وlalla شكرا يا الغزلات عالبومادا حتى نجي ونشريها انشالله
سلام اختي فاتنة
باقي ماساقساتلي الفرماسيان على البوماضة اللي قولتلك ...اي جديد انا عانعلمك
دابا انا كانستاعمل واحد جيل خاص للمنطقة الحساسة اسمو septi med مزيوينصباح و في العشية
و كانمساح المنطقة مزيان و كانعمل واحد بوماضة من الفارماسيان ديال الالتهاب من بعد كانعمل البودرة جونسون دابا حمد الله شوية يبسولي لكن باقيلي البقع ماعرفاشي واش عايزولو مع الوقت
و اي حاجا جديدة عانعلمك بيها احبيبةنايا اولا ف msn على حسب الخدمة
تحياتي للجميع و ايضا للاخت سهام
السلام عليكم البنات
انا بداو كيخرجولي شي طبايع كوحل فظهري غير من الماء ديال الحر
وخا صحباتي قلولي راهم زوينين ولكن انا قنطوني
اللي عندها شي حاجة باش تساعدني اكون شاكرة لها
سلام البنات الله يخليكم قولو ليا كيفاش نعرف زيت اركان واش حر حيت بغيت نشريه ولكن معرفتش كيفاش نعرف واش مزيان ولا لا
وبغيت نعرف اشنو هي عشبة الاس او الياس بالمغربية
وشكرا بزاف
لوجين انا شيرلي كنديرها حتى لوجهي وماعمرها دارت ليا شي حاجة بالعكس كتجي معايا
salam hantoma tatahdro 3la hbob dhar ana men moda fach tankarab nsali doch dyali tandir lmalha f stal ou tanarsal bih dahri tankhalih hakdak manachfoch mabkachi fiya kima lowelh