تعلمي فن المكياج بنفسك

بسم الله الرحمن الرحيم
كيف حال الجميع انشالله بخير
انا حابه افيدكم بالي عندي من خبره في فن المكياج بالذات
اولا احب اعرف عن نفسي انا كوفيره شامله بس تخصصت في المكياج لاني احبه كثير
عملت بالخليج لكني من اصل فلسطيني
المهم
الي تحب المكياج تقدر تتعلمه بروحها اما الي ما تحب مارح تتعلم
لازم نعرف ان المكياج انواع كثيره وان العيون اشكالها اكثر عشان كذا مو اي مكياج اشوفه ممكن انو ينفعلي او ينفع اني احطع على عيني او اي عين لازم اعرف انو يناسب او لا يعني لون العين حجمها حجم المساحه الي حواليها قرب الحاجب من العين وكثافته ولونه ولون البشره وحجم الانف بالنسبه للعيون وامر كثيره
والعيون تتميز عن بعضها في عيون تميزها الرموش مع انها صغيره هنا بركز اني اضهر الرموش لان هي الي مجمله العين يعني الي اقصد اقوله هو ان مو المكياج الي يحلي العين لا احنا بالمكياج نضهر جمال العين نركز على احلى شي بالعين يعني ممكن اشوف وحده حلوه والي لفتني عيونها ووحده ثانيه كمان حلوه بس الي لفت انتباهي خدودها وشفايفها بس طالعه حلوه
وبعدين ان ركزنا على جمال العين انخفف من الفم وان ركزنا على الفم بالوان واضحه انخفف من جمال العيون او قوة الالوان فيها عشان تكون جذابه
انا اطلت الشرح صح اسفه
نبدا بالخطوات
1 - نتاكد ان مافي بقايا من مكياج سابق من كحل او مسكاره عالقه في الرموش
2 - نجيب المواد ومرايه ونجلس مرتاحين وفي جو هادي ولازم تكوني رايقه مو مزنوقه بالوقت
3 - المكياج الي تبين اطبقينه يكون على المرايه ملصقتيه والمكياج يكون تحت جنبك ما يكون قريب من المرايه الي اعنيه مو لازم عيونك اتركز في مكان واحد والا بيصير عندك شي اسمه عمى الرؤيا يعني كيف بتحسين ان الامور ضاعت واتلخبطتت ايه عيون في المرايا بس كانك سرحانه لانك مركزه وشاده اعصابك وعيونك لازم المكياج يكون بعيد شويه عن المرايه عشان تنقلي عيونك عشان ترتاح من التركيز شوي وكذا تقدرين اتلاحظين الاخطاء
4 - لازم نحط كريم اساس عشان الالوان تثبت ولازم نحط كمان بودر عشان يثبت كريم الاساس لان لو ما حطيتي بودره حره يعني بودره الحجر لما تحطي الالوان راح يصعب توزيعها لان الكريم امتصها وثبتها ولو غلطتي ما راح تقدري تمسحي الغلط الا اذا مسحتي كريم الاساس
5 - في اي مكياج لازم نبدا بالالوان الفاتحه اولا ونبدا انغمق الا المكياج الشو او العرض الي يتركز على الون الغامق فوق العين والون الفاتح في الجفن تحت الحاجب هنا نبدا بالغامق ويكون اسود بس مو لون ازق غامق او عنابي لا بس بالسود بتقولون انا ما ابي اسود ابي لون ازق غامق اوكي نحط الاسود وبعدين نحط الازرق الفاتح فوقه وانكل لفوق عشان يعطينا التدريج المطلوب وهالطريقه غالبا تستخدم في المكياج البناني والخليجي
6 - عشان انراعي ان المكياج يكون صح لازم نحط معير للمساحه ما نحطه اي كلام يعني نشوف طرف العين من بره المكياج فيها لوين واصل ومن داخل العين لين وين والالوان وطبقات التدريج وكم طبقه وكم لون وكلهم وين محصورين وغالبا الصور والعيون فيها مفتوحه يعني انتي ما بتعرفين ايش الون الي داخ بيكون نفس الون الي ضاهر شوي بعد الرموش او بيكون احيانا في الطرف خارج العين
7 - نجي للدمج بالالوان لازم الدمج يكون بشكل دائري بس واتاكدي انك تقدري تدمجي اي لونين مع بعض اي لونين نقدر ندمجهم مع بعض
8 - الايلاينر او الكحل فوق وتحت العين طريقة رسمه مو صعبه بس للي يبي يتعلم افضل انها اتحاول ترسم الكحل بدون ما تحط الوان عشان يتبين الغلط وتبدا بقلم جاف مو سائل وبعدين لما تتقنه تجرب السائل القلم مو الريشه وبعدين تجرب السائل الريشه الجامده مو الريشه الناعمه واخر شي تقدر ترسم بالريشه الناعمه او العاديه
ودائما لازم نبدا من المنطقه الاقرب من الوسط والاخر ياريت اتركركزون على هالنقطه بتقولون ليش لان عادتا ما تكون مليانه بالكحل يعني لو طلعت ضربتك للكحل عريضه مو مشكله لكن لو في الوسط او قريب من داخل العين مشكله لانك بتظطري تمسحي وبعدن انكمل لين الداخل وانكمل من الاخر يمكن بعظكم عنده وضع الكحل فوق سهل بس الاغلب ما يعرفون كيف يحطون من تحت هنا عندنا العكس نبدا من تحت من طرف العين الخارجيه دائما ونمشي للداخل ليش لان بيكون تركيز الكحل اكثر في الطرف الخارجي من العين واذا لاحظنا ميول في العين انعدل بزياده عرض الكحل في المكان عشان انعادل شكل العين بس الي عيونهم قريبه وصغيره او كبيره بس قريبه من بعظها الكحل يتركز من فوق وتحت بس في الزاويه الخارجيه يعني ما يدخل لداخل العين للزاويه الداخليه يوقف في الوسط ولازم ينتهي بشكل الزاويه زي المثلث يعني عريض من الخارج رفيع من الداخل
9 - المسكارا وضها سهل والي تبي اتكثفها تصبر لين تنشف الطبقه الاوالى واتحط طبقه ثانيه اما تركيب الرموش بنتكلم عنه مره ثانيه انشالله بس المهم المسكاره توضع من تحت لين قوق يعني احط المسكاره من داخل العين مو من فوقها
10 - الكحل داخل العين اذا كانت ضغيره ما نحط وان كان لازم نعيد فوق الاسود بالون الابيض عشان يوسع العين وفي بعض الاحيان يكون في العين مضبوط واحيانا ما نحط واحيانا يكون عند الرموش بس يختلف حسب المكياج وفي جميع الحالات لازم نحط من فوق
الشفايف مو صعبه اما الخدود منتكلم عنها بعدين حسب الوجه والكري وانواعه وانواع المكياجات كمان بس اهم شي رسمت العين في كل المكياج والا الباقي سهل بس مهم سهل بس مهم وله دور كبير في اظهار العيون منتكلم عنه انشالله مره ثانيه
اتمنى انكم تستفيدو من الي كتبته وانشالله ما ني ممله في الكتابه خبروني
بحاول المره الجايه ارفق صوره ونتكلم عن طريقه عملها وطريقه تطبيقه
في ملحوظه حاولو في البدايه تدمجو لونين فقط زي الاسود واي لون معه او ذهبي وعنابي وكذا يعني حاولو يكونو لونين بس:III: W: وشكرا:(*): :-s

مشكورة :)

يعطيكي العافيه على هالمعلومات :)

موضوع جميل...بارك الله فيكِ

شكرا لكي
بارك الله فيكي

نشكرك أختي الكريمة على هذا الشرح المفيد ...

جزاك الله خيرا فعلا معلومات رائعة وفى إنتظار المزيد

جزيتي خيراااا على المعلومات الحلوه

مشكوره

شكرااااا حبيبتى علي معلوماتك الجميله دى

مشكورة منتظرا معلومات جديدة

جزاك الله خيرا على الشرح والافادة :)

موضوع حلو و اسمك احلى
ميرسي يا البي على الموضوع الحلو

رائع ..

شكراً جزيلاً لك ..