اعمال اطفالى الخياليه مين يساعدني

عندي 3اطفال الله يهديهم الكبير 7سنين والثاني تم 5 سنين والثالثه بنت تمت 4 سنين الكبير هادي مؤدب يعرف الصح والغلط من نفسه -المشكله في الباقين يقومون في العبث في البيت في شي واحدفقط بس بدمروه كلما سمحت لهم الفرصه في المره الثانيه اخذو في شي ثاني بس وانا نائمه اومشغوله الى راسي -- ايش اسوي عجزت معهم في الكلام- الحبس10 دقائق في غرفتهم -الضرب الخفيف - اعطيك مثال دولاب البهارات يعبثون فيه كلها على بعض و فوقها الزيت وسارت طبخه شوفي النتظيف في المطبخ والريحه - وكمان اخر عمل لهم اخذوا كل ما في الادولاب من ملاعق وسكاكين وشوكات واخذوا زبده من الفريزر وذهبوا الي غرفه نومهم وقطعوها ووزعوها على كل مكان يشوفوه مناسب للدهن -انصحوني اش اسوي مطبخي ليس له باب مفتوح على الصاله وجزاكم الله خير كثير

الله يعينك على اولادك
بس الاولاد بدهم صبر
انا اقترح عليكي انك تخليهم ينضفو و يساعدوكي
او تعملي لهم العاب اللي تشغل طول اليوم
احيانا الاولاد بيعلو التخريب علشان يحسسو الام انها تلاعبهم و تنتبه لهم

صحيح زي ما قالت ام البنين .. خليهم ينظفو عملتهم هم اول شي .. وخليهم يتعبو بالتنظيف

وبعدين بعد ما ينتهو خليهم يروحو على غرفتهم .. وابدأي انتي التنظيف من وراهم

المرة الجاية ما حيفكرو انهم يعيدو هادا الشي .. ممكن يعملو شي مختلف .. بس انتي خليكي وراهم وعلميهم انو الشي اللي خربوه هم اللي حيصلحوه .. والله يصلحهم لك

أنا بنتي الصغيرة كانت تحب الرسم عالجدران .. وتعبتني وانا اجري وراها ..
ومرة خليتها هي اللي تنظف الرسومات .. وبعدها الحمدلله .. ماشفت رسمة عالجدار ابداَ

سبحان الله، كنت سأقول تماماً مثل أم البنين، رأيي أن تقومي بإعطائهم أدوات التنظيف وتجلسي أمامهم وتطلبي منهم أن ينظفوا، وكلما أكملوا ولم يعجبك، تطلبين منهم الإعادة مرة أخرى حتى يشعروا بالتعب الذي يسببه هذا الفعل.
وهذا بأي شيء، حتى لو لم يكن عملهم كما تريدين من حيث النظافة، ولكن يجب أن يشعروا بالإنهاك.
كذلك الحرمان من أشياء يحبونها، وتصري ولا تتنازلي .
فقد جربتي الضرب وجربتي الحبس، وهذا لم ينفع.. إذن العقاب يجب أن يناسب العمل.. أتلفوا، فليصلحوا.

كان ولدي يسوي عمايل زي كدا ومرات اكبر واتبعت معاه اسلوب خاص اخترعته تلاقيه في توقيعي (كان ياما كان فيه ولد زعلان) بس بصراحة ماكان ينظف لانه out of control

والان مرة تعدل وبطل وساخته غير الطبيعية ..من اعماله التخريبية مرة جاب سكين المطبخ وطعّن بيها وسادة من الكنبة ..كان نفسي اختفي يومها ..

اهلا وسهلا فيكم يا اخواتي ام البنين وريم الروم وايمان علي وحمره الورد على المشاركه وطبعا سويت معهم طريق التنظيف الي يوقف عن التنظيف ينضرب بس مافي فاده والله عانيت معهم في الكتابه على الجدران بطلوها بس اشتغلوا في شي ثاني لكن الله يهديهم ويهدي كل البزارين الموذين --

اشكرك ياحمره الورد على موضوع كان يا مكان كان فيه ولدزعلان --بعض الحلول سويتها وبعضها لا ---سويتها مع ولدي الواسط كان محد يحبه من حركاته الى قلتيها كلها ---واشكرك كثير على المساعدة

الله يعينك
هذه الاجيال مطلعة عيوننا

انا صرت مخلية الكنيس والترتيب عليهم حتى غرفتهم صرت ما ادخلها خلاص يكفي علي طبيخ وغسيل وكوي

الان صاروا يشيلوا هم التنظيف ونفسهم في خادمة .

ما شاء الله ولادك متعاونين جدا :D
عجبوني والله في تعاونهم ونظامهم ( بيتعاونوا علي الاثم والعدوان ) :D
بخربوا حاجه حاجه ( منظمين ) وعندهم خطه واهداف واضحه ههههههههههههههههههههههه :D
ربنا يعينك انا في موضوع زي الزبده ده ممكن كانو نقلوني العنايه المركزه لاني مكنتش حستحمل اشوف بيتي بطعم الزبده :K)
بس فعلا لو خلتيهم يساعدوكي وطلعتي عنهم في النظافه مره واحد والله بعد كده محيقدروا يرمو حتي رزه علي الارض جربي واحنا مستنين النتيجة

الباش مهندسة ..ربي رحمك ماجربتي العمايل اليي عندي ..مرات فعلا احس اني راح افقد الوعي بس الحمد لله أزمة وعدت ..

انا عندي حل وهو انك تسوين جدول فية حسنات وفية سيئات مثال اللي ينظف الغرفة أويجيب لك أغراض أو اي شي تحطين له حسنة او حسنتين أهم شي وأن سوا سيئة تحطين سيئة وطبعا الحسنتين تمحي السيئة وقولي لهم
اللي أكثر واحد يؤخذ حسنة له هدية طبعا كلهم تعطيهم هدية بس اكثر أحلى هدية كذا راح
يتشجعون ويسمعون كلامك و جزاك الله خيرا وأ ن شاء الله عجبتك الفكرة و السلام عليكم ورحمة الله وبركاته . :-D

اشكركم على المرور اخواتي ااقولك يا الباشا المهندسه لو شفتي النشاط الي فيهم وهم ينظفون تقولين فرحانين بلي سوه والتنظيف سار تكمله على التخريب-- مع انهم بخافوا مني بس مشكلتهم بخافوا ماعرفتلهم اليوم الي بيعبثوا ما بكلمهم نهائي ولا اطلع لهم -- واشكرك على المرور

اشكرك يااخت الفراشه المضيئه على حلك لكنهم بيوقفون عن اللوحه وبتحاسبون وتبداءالمعارك وويحمق واحد فيهم ويمزق حق الثاني وببدا الصياح ويجي ابوهم وتكبر السالفه--------جزاك الله خير

يا اختي قطنة ناعمة لاحظت ان كل حل تقولي ما يصلح او جربتيه ومانفع ..

صدقيني لازم في حل ..مو معقول راح يستمر الوضع كدا الين متى ان شاء الله !!

حاولي تغيري اسلوبك وكوني حازمة وشديدة احرميهم من شي يحبوه واذا قلتي لا يعني لا ماتتغير ولو بعد الف سنة ..

صدقيني لما بدأت مع ولدي النظام الجديد كنت فاقدة الامل تماما من انه راح يتعدل لكن انقلب 180 درجة وفعلا صار احسن واحد في البيت بعد ماكان هو المخرب والمبهدل ..

ولما بدأت معاه كان قرب يكمل 4 سنين لاني خلاص ماقدرت اتحمل اكتر من 4 سنين على دا الحال.وانت ماشا الله ولدك 5 وبنتك 4 يعني فاهمين ايش يعني حرمان وايش يعني خطأ وايش يعني صح ..

خدي نفس عميق وجددي نيتك وابدأي وممكن تشوفي دورة الاخت إيمان علي : http://www.lakii.com/vb/showthread.p...t=%CF%E6%D1%C9 لازم يكون في حل مو معقول تضيع كمان سنين تانية على نفس الموال بعدين لايتهنو بطفولتهم ولا انت تتهني بطفولتهم..

اشكرك من كل قلبي يا حمره الوردعلى الموضوع الي عطيتيني اياه واكييد انه فيه حل بس وينه وهذي مشكلتي ما العب معاهم الادقائق وامل-----اخر شي صرت اطلعهم من البيت في الصباح مدرسه وفي العصر كمان مدرسه قران واذا مافي مدرسه في العصر وديتهم للنادي -- والله تصدقين وديتهم عند طبيب نفسي وقدام الطبيب نشرت غسيلهم ومع الشرح لقي عند ولدي الثاني مرض اسمه (إضطراب حركي ) وسار ياخذ ادويه وتعبت نفسيتي زيادة وان بنتي تقلدة علشان هو الاكبروتحسب ان كلامه صح ------------وتدرين ليش هذا المرض علشان وراه طفل مباشرة والام تكون نفسيتها ما تتحمله ويبدا هوه باستفزازات ---------- وانا والله كرهت الاطفال احب اطالعهم من بعيد بس ما اتولى رعايتهم -(العجيب الي اشتكي منه اني اذا كنت نائمه فقط وانا قائمه زي الساعه وانا ذكرتها في اول المشكله طريقتهم هذي ما يعطوني ثقه فيهم)والله يجزيك خير وكمان الاخواتكلهم