ردى على الرساله يا قمر عندك امكانيه رد لو عايزه هتلاقيها فى اخر الصفحه
Printable View
ردى على الرساله يا قمر عندك امكانيه رد لو عايزه هتلاقيها فى اخر الصفحه
يارا حبيبتي متحرمش منك ولا منكم كلكم أبداااا يارب يا أغلي صحبات حقيقي..أنا عارفه مقصره بس والله يا بنات الوقت تقريبا مفيش لأن حماتي زي ما أنتو عارفين من العمليه وكده وكمان هي مش فالبيت فاللي بيوضب البيت لحمايا وأخو جوزي وطبيخ وغسيل وأمور البيت اللي أنتو عارفينها محدش فالبيت غيري ..فمش بلاقي وقت..والحمد لله علي كل حال..أنا لا جديد عندي بس ليا ميعاد عند الدكتور الجديد يوم الأحد أول مره وربنا يكتب اللي فيه الخير..معلش يا بنات سامحوني عالغيبه بس والله بطل عليكم دايما بس بيبقي بسرعه أوي..وحشتوني كلكم كلكم بجد ويارب تكونو بخير
ازيك يا نورهان اخبارك ايه يا قمر حمد لله على سلامه حماتك و يارب يتم شفائها على خير يارب
و يارب يا قمر الدكتور يطمنك و تحملى الشهر ده إن شاء الله
جميل يعنى قاعدين فى البيت طول الوقت احنا بقى الجو عندنا حر خالص و رطوبه و الجو مالوش حل
ياسلام ناس عايشين ف حر وورطوبة الدوحه وناس ماشالله عليهم عايشين ف جو حلو ومطر
والله بجد شوقتيني (انت الحياة ) لاروح الحرم المكي بالذات ف ه الجو الرائع تخيلته قبل شوي
اشي جنان جنان خلص باخد اول طياره وباجي ولااحكيلك خلص بالسياره (هاهاهاها بمزح لانو مافينا نجي ميشان انفلونزا الخنازير الله يبعدنا عنها جميعاً )
كيفكم بنات بس تعرفوا الو اللي حكته اختنا انتي الحياه نساني الدنيا وصرت اتخيل مع زوجي
شخباركم انشالله كلكم بخير وصحه وعافيه
يا بنات الدكتورة امبارح قالتلي انها ناوية تعملي عملية تلقيح صناعي لانها شكة ان من كتر الالتهابات اللي عندي يكون عنق الرحم عندي فيه فطريات بتموت الحيوانات المنوية بس قالت لازم الاول الكيس يروح اللي موجود علي المبيض المين ولازم تنظملي الهرمونات الاول وبعد كده تبدا في اجراءات العملية
انا مش عارفة انتا زعلت وفرحت في نفس الوقت مش عارفة ليه الحساسين دول جم مع بعض الله اعلم
لدرجة اني خرجت مع جوزي بالامس لان امبارح كانت اجازته بس للاسف انا ما كنتش فرحانة بالخروج مش عارفة ليه؟
اه علي فكرة امبارح كان ضهري بيوجعني جدا وناحية المبيض الشمال كان في وجع جامد جدا وصدري كان بيالمني تفتكروا ده من التبويض ولا ايه وكان عندي مغص نفس المغص بتاع اللي ما تتسمي
يا بنات انا نفسي ما اشوفهاش الشهر ده بس اعمل ايه ما باليد حيلة
حتي الدوا بتاع القرحة اللي الدكتورة قالتلي عليه مش بخده قولولي اعمل ايه النفسية في الارض وكمان تحت الارض اعمل ايه
وملحظة اني لما يكون في حاجة بيني انا وجوزي بفضل ابكي جامد بس بحاول اني مبينش علشان ما يزعلش ويقول هي مش عيزاني ولا ايه
تفتكروا ده من ايه
بس الغريبة اني ببقي فرحانة معاه بس ببكي ليه مش عارفة مرة واحدة بلاقي الدموع نازلة تجري واحاول اني احوشها مش بعرف
بس برده للاسف اوقات بيلاحظ جاجة زي كده
والدكتورة لما قلتلها كده قالتلي ان ده بيجيب الموضوع بالعكس يعني ميخليش يحصل حمل لان المفروض ان اعصابي تبقي هادية في الوقت ده بالذات علشان يحصل الحمل
والغريبة كمان ان جوزي مشتاق جدا اليومين دول للبيبي مش عارفة ليه
مع انها مكنتش بتفرق معاه خالص
قولولي اعمل ايه في ده كله
سامحوني يا ابنات طولت عليكوا بس فعلا انتوا الوحدين اللي حاسيين بيا
كل واحدة في صحباتي تكلمني تقولي انا حاسة بيكي انا برد عليه واقوله عمرك ما تحسي بيا
عارفين برد كده ليه لان اللي عنده اطفال عمره ما يحس باللي محروم منهم
لكن احنا هنا في المنتدي مشكلتنا واحدة علشان كده بنحس ببعض
اسفة مرة اخري للاطالة في الكلام
ربي لا تذرنا فردا وانت خير الوارثين
اللهم امين