** موضوع متميز ** المطبق بالجوز والقطايف بالجوز من مطبخ تغريد اهلا بكم
بسم الله الرحمن الرحيم
كيفكم يا مشرفات ويا صبايا
انا حكيت يعني معقول يكون في موضوع للثلاثي المرح وانا يلي مسميهم بهذا الاسم وما اضع بصمتي عليه لالالالالالا مش معقول
مع اني عامله شي تقليدي وانا بحب التقليدي كتير شو ما صار معجنات وحلويات جديده برجع للتقليدي
خلينا نشوف كيف بنعمل
هون ما في مقادير على قد ما بنحب نعمل 1 او 10 كل ما نحتاج اليه
طحين +ماء فاتر +رشة ملح +زيت للرق +زيت للقلي
للحشو
جوز مدقوق + قرفه
نحتاج ايضا الى القطر او ما يسمى شربات
نعجن الطحين مع الماء ورشة الملح حتى نحصل على عجينه لينه سهل الشغل بها
نقطعها بحجم البيضه الكبيره ونتركها ترتاح ربع ساعه
نضع القطعه في صحن الزيت ثم على طاولة الرخام ونبداء الفرد بخفه مع تسحيب الاطراف قدر المستطاع حتى نحصل على عجينه رقيقه جدا جدا مثل ما ترون في الصوره
مش مهم اذا انمزعت العجينه شوي لانا بدنا نضبها كمان مره
نطوي العجينه من الطرف الاول الى الوسط
نطوي العجينه من الطرف الثاني الى الوسط
نرش الجوز والقرفه ثم نثني الطرف الثالث الى الوسط
ثم نثني الطرف الرابع الى الطرف الاخير
نترك المطبقه ترتاح حتى نكمل اخر حبه
نضع زيت القلي في صينيه واسعه على الغاز حتى يغلي
نرق المطبقه باليد رق بخفه مره اخرى ثم نقليها بالزيت ونخرجها ونضعها في القطر
لعمل القطر
2 كاس سكر +2 كاس ماء +عصرة ليمون +حبتين هيل
نضع جميع المقادير على الغاز في وعاء حتى يغلي
خفضي الحراره واتركيها ربع ساعه
اتركيها تبرد جيدا قبل الاستعمال
كمان بنقدر نعمل المطبق فاضي ما بنحشي شي مثل هذا
شايفين كيف العجينه شكلها كل ما ظهر عليها الفقاقيع بتكون الف الف
والف صحه وعافيه يا رب
فااااااااااااااااااااااصل وسنعود مع القطايف ان شاء الله رب العالمين