*وصفة متميزة*لفائف الاستيك المحشو بالخضروات والمشروم طعمه تحفه..بالصور
اخواتي اليوم هنزل لكم طريقة اتمني تكون جديدة لان الواحد بيمل من البفتيك بالطريقة التقليدية انا مش بعمل بمقادير ثابتة لكن المطلوب:
استيك/جزر/بسلة/مشروم/2بصلة مفرومة/بهاراتك
1)هتجيبي الاستيك يكون متبل بالبصل والملح والفلفل وممكن بهارات اللحمة وانا بتبله بتوابل مجمعة روعة بجد(حبهان مطحون ورق لورا مطحون فلفل مطحون) يفضل تتبليه من قبلها بشوية
2)تجهزي الحشوة وهي عبارة عن
جزر وبسلة ومشروم....تشوحيهم مع بصلة وممكن تزوديهم شوية ماية لحد مايستوو وتبهريهم بالملح والفلفل انا بضيف المشروم المعلب في الاخر(بعد ماأشطفه بالماء من المواد الحافظة) ومش ضروري تكون الخضروات استوت تماما لانها هتنضج مع اللحم بس تكون دخلت في السواء
3)وبعدين تفردي قطعة الاستيك وتكون رقيقة وتحشيها بالحشوة تقفليها كويس من جميع الجهات بخلة الاسنان
4)نشوح قطع الاستيك في الزبدة حتي يتغير لونها
5) نضيف بصلة مفرومة تاخد تقلبتين مع اللحم ثم نزود كوبايتين او 3 ماية ونخفض النار ونغطيها ونتركها تنضج
وهذا هو الشكل النهائي...ولو بتحبي الصوص تخين ضيفي م دقيق في شوية ماء وضفيها وممكن كمان لو تبقي معك شوية من الحشو تضفيها علي الصوص وتتركيها تنضج مع اللحم
ودة الشكل من جوة بجد الطعم رااااااائع وزي ماقلتلكوا البهارات بتعطي الاكل مذاق مختلف مميز.... وعملت معها ارزابيض
ولا تنسوا الدعوة الحلوة....ربي يبارك في زوجي واولادي ويحفظهم من كل سوء
رد مع الاستدلال
الروابط المفضلة