مرحبا بالحبيبة الله يسلمك ويحفظك ويرضى عنك رديت قلبو ..والمعذرة تأخرت عليك الله يبرد قلبك ولايحرمنا منك
حتى اني خلاص معاش بنتناقش بس كنت لازم نرد على ناس انتي كاتبة رسالة زوارليا هني في صفحتك توة شفتها ان شاء الله خلفلكم البركة وربي يصبر اميمتك ويصبركم اجمعين
الحمد لله على كل حال الله غالب كل شيء مكتوب ... وكلنا نفس الحال مش عارفين والله رأسنا من رجلينا ولا عارفين شني انديروا كان نستنوا في رحمة ربي علينا ... ويريحنا من الكابوس اللي احنا فيه ... بالرغم من إن هاليومين الحمد لله الامور تمام أهم شيء ياأم ماريم حاولي معاش تشوفي للأخبار هلبة ريحي أعصابك ... بصراحة انا الاولى خلاااااااص حاجة اسمها أخبار حاليا كرهتها ومعاش متحملة حاجة ... لقيت نفسي كل مانقرأ خبر او نشوف حاجة نزيد نتوتر أكثر ... نحاول نلهي في نفسي في حاجات ثانية وخلاص يلا الحمد لله اللي يجي من عند ربي كويس فالله أعلم شني الخيرة في اللي صار من هذا كله ... ماعلينا كان الدعوات وبس ... وربي يحفظ أهلنا وأحبابنا إن شاء الله من كل شر يارب
السلام عليكم كيف حالك حبيبة وشني أخبار انتي وعويلتك ؟؟؟ حبيت نمر نطمن عليك وعلى أهلك في البلاد إن شاء الله يسمعنا على بعض كل أخبار طيبة يارب
شكر الله سعيك اكيد ما سمعتيش بوي يا غالية توفى الشهر اللى فات غدوة يطق شهرين بالضبط يوم 2 /1 / 2011
لا اله الا الله والله ما سمعت بوبيك عظم الله اجركم وان شاء الله خلفلكم البركة سامحيني والله ما سمعت بس امتى صار هذا؟؟؟؟
شكله اختك ما قالتش ليك على الخطوبة الحمد لله على فكرة اني متاكدة انه خلاص انتهي بس هو قاعد يفرفر وخلاص ما كانش متوقع الموس يجي على رقبته اهو قاعد يطرطش في الدم ويخض وبس مسالة وقت
وعليكم السلام الجو هادي جدا لدرجة انه قاتل الايام اهيا تقتل فينا بالعرق عرفتي اللي قاعد يراجي في شئ وهو مش عارفة الحمد لله النوم هارب قلت خليني ندير دورة لقيت موضوع توة جديد هني في المنتدى على المكياج لداليا قلت خلي نخش نتعلم باعتبار اني مفروض قريب نتزوج خخخخخخخخ اهو تغير الجو الكئيب اللي عندنا
كيفك اختي طمنينا عنك وعن الاهل يارب الامور مبشرة
( قيل للإمام أحمد : كم بيننا وبين عرش الرحمن ؟؟ قال : دعوة صادقة ) فاللهم إن لي أختاً " كالدر المنثور " تفضي علي بهجة وحـبور .. فأسكنها اللهم " جنة وقصور " .. وضاعف لها الأجـور .. واجمعنا بها على منابر " من نـور "
متألقة صيف 1432هـ
كبار الشخصيات
مشرفة ركن السياحة
رئيسة أركان الأسرة - محرره بموقع لكِ
النجم البرونزي
الوصيفة الثانية - مُبدعة صيف 1430هـ "زهرة العطاء في ركن المعجنات "
مشرفة ركن التصوير
متميزة صيف 1430هـ