انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:

[ يومي ] .. كيف كآآن ؟

  1. همّة فتاة
    همّة فتاة
    ..
    يوميآآتي }~
  2. همّة فتاة
    همّة فتاة
    أول يومـ من الاسبوع الثالث ..
    [ 10 - 10 - 2010 ] ..
    >> التاريخ كشخة


    الموهييمـ ..
    جدولنا اليوم مو طبيعي أبدا ..
    كل المواد علينا تقريبا والشنطة بتنفجر خلآص !

    أول حصة عربي ..
    عآدية جدا خذينا الدرس وقعدنا نتناقش فيه ..

    بعدين كان علينا English ..
    والمفروض نكتب الـ writting اليومـ ..
    والمعلمة شرحته وقالت يلا كتبوا والبنات ما يسكتون ..
    والمعلمة تكلمهمـ يقولون لها : نتناقش

    الحصة الثالثة رياضة ..
    بدلنا ونزلنا الصالة وكان اليوم اخر يوم للاختبارات البدنية ..
    يعني تقيس لنا المعلمة الطول والوزن ومثلا المسافة اللي نقدر ننطها ..
    والجري مسافة معينة ناخذه في كم دقيقة ..
    وتمارين الضغط [ push up ] كم وحدة ف الدقيقة .. الخ
    وقالت لنا انه بكرة بنبتدي المهارات .


  3. همّة فتاة
    همّة فتاة


    وأخيرا صآآرت [ الفسحة ] ..
    توني بنزل معلمة الاجتماعيات [ الجغرافيا ] نادتني ووحدة ثانية من صفنا ..
    وقالت لنا على موقف تمثيلي تبينا نسويه في الحصة ..
    وتدربنا عليه في 10دقايق ثمينة ذهبية ضاعت من فسحتي الغالية ..
    عقب نزلت طبعا زحمة وحر ..
    والمقصف ماساة اشتريت اكل ورحت قعدت مع ربعي ..
    توني حتى ما خلصت نص اكلي و تررررررررن ..
    خلصت الفسحة ..!


    بعدين رحنا الصف وكان علينا حصة [ الدين ] ..
    كان علينا اختبار في 3 دروس ..
    وف الاختبار المعلمة حاطة لنا سؤالين من درس ما انشرح !
    نقولها يا معلمة ما شرحتي تقول لا شرحت !
    مو انتوا فرقة 9 ؟ انا كاتبة انه انشرح لكمـ !!
    وبس ضاعت نص الحصة في محاولة اقناعها واخر شي اقتنعت وحذفت لنا السوال ..
    وعدا الاختبار على خيير ..


  4. همّة فتاة
    همّة فتاة


    بعد الدين حصة الاجتماعيات [ الجغرافيا ] ..
    رتبنا الطاوللات وشرحت المعلمة المقدمة وبعدين رحت انا والبنت اللي معاي ..
    وسوينا المشهد التمثيلي واندمجنا ..
    والبنات ماتوا على نفسهمـ من الضحكـ ..
    اهوا درسنا كان عن الصحة والخدمات الصحية ..
    والمشهد ان انا الام والبنت الثانية بنتي
    وكانت تمشي وطاحت على رجلها ..
    وأنا أصيح وأولول بتروح مني بنتي بتروح مني ..
    أطلب الاسعاف لا بيتاخرون ..
    ورحت خذيتها حق اكبر مستشفى في البحرين قسم الطوارئ بعد ..
    وطبعا اضطريت انه انتظر 3 ساعات ..
    والبنت بتموت من الالم .. وبعدين دخلونا عند الدكتورة >>> المعلمة ..
    الدكتورة تقول حق البنت هني يعوّر ؟ تقول لا .. انزين اهني ؟ تقول لا
    واخذنا تهزيئة محترمة من الدكتورة ان لازم كان نروح المركز الصحي القريب ..
    او نسوي اسعاف اولي في البيت بدال ما قطعنا هالمشوار واخرنا ناس حالاتهم اخطر ووو ..الخ
    وبعدين رجعنا اماكننا ووزعت المعلمة الفقرات على المجموعات واعطتنا 5 دقايق نيتعد للشرح
    وبعدين كل مجموعة قامت تشرح والمعلمة تعيد الشرح بعدهمـ ..
    وخلصت الحصة وكانت الحصة الوحيدة الحلوة في اليوم كله .


  5. همّة فتاة
    همّة فتاة

    بعد الاجتماعيات كان المفروض علينا رياضيات بس غايبة ..
    حصة فراغ قعدنا نسولف لما تعبنا ..
    بس كان فيني خمول مو طبيعي اليوومـ ..


    بعدين صار علينا علومـ ..
    الدرس اليوم كان سهل حتى المعلمة تقول استغلوا درس اليوم لانه ما اعتقد
    بيمر عليكم درس سهل مثله طول السنة
    وطبعا اخر حصة فخلصت بسرعة ..
    و صار وقت الهدّة و كانت امنيتي الوحيدة نوصل البيت بسسسرعة ..
    لاني كنت تعبآآآنة ابي انآآآمـ
    وبس خلص يومي الجميل =)


  6. همه تنآطح السحآب~
    همه تنآطح السحآب~
    هههههههههههههههههههههههههههه هني يعور لا انزين هني ..

    والله المووقف توووحفه ..
    ياماما نسوم صرتي ماما ياسلام عليك خخخخخخ
    اكيد شكلك كبير علشان كذا حطوك الماما ههههههه
    >>تحطيم هههههه

    ماشاء الله عليك ..

    يوميات رائعه ..

    واكتشافات جميله ..

    حيالله اهل البحرين كلهم ^^ احباب والله ()
  7. همّة فتاة
    همّة فتاة
    همومة ..

    هههههههههه شفتي شلوون ..
    حرام عليكِ انا شكلي كبير .. لالالا اهيا البنت الثانية كانت صغنونة >> ترقع
    تسلمييين يارب ()
  8. همّة فتاة
    همّة فتاة

    يوومـ الثلاثاء [ 19-10-2010 ] ..

    مر شهر بالضبط من أول يوم مدرسة !!
    سبحآآآآن الله بسسسرعة طافت الأيآآآآآمـ !!
    ماصدق كملنا شهر ..
    صارلي كم يوووم ما كتبت لانه ايامي كانت كئيييبة ومملة ..
    اليومـ كان حلو شويتيين وتشجعت اكتب ..

    اول حصة علوومـ .. من امس والمعلمة بدأت تحل معانا الكراسة فالحصة كانت روتينية جدا !

    بعددها حصتين خـــزف >>> احلى شي
    احلى شي انها صج تطلعنا من جو الدراسة ..
    موضوعنا اليوم نسوي ميداليات على حروفنا ونزينها ..
    وبعد اليوم المعلمة طلعتلنا أعمالنا اللي سويناها اول موضوع [مقالمـ مكتبية] ..
    بعد ما طلعت من الفرن وصارت جاهزة للاستخدآآآمـ ..
    طبعا استانسنا علييهمـ وايد .. صارلنا اسبوعين ننتظرهمـ ..
    اول شي كان لازم ينشفون 4 ايام ع الاقل .. بعدين يدخلون فرن خاص فترة معينة ما قالتلنا المعلمة كمـ ..
    واللحين موضوعنا الثاني [برواز صورة] بيدخل الفرن ..

  9. همّة فتاة
    همّة فتاة

    بعدين الفسحة كانت حدددها ونآآسهـ ..
    انا وربعي صادنا هبآل مو طبيعي ..
    كل ما وحدة تكلمت ضحكنا .. ولا تقول نكتة سخيييفة واحنا نتسدح من الضحك ..
    الموهييمـ .. بعدها كان علينا عربي ..
    كملت لنا المعلمة شرح القصيدة وخلصناها اخييرا ..
    وخلصت الحصة بسرعة ..

    بعدهآ كان علينا اجتماعيات ..
    يا حبيييي لهالحصة ومعلمتها ()
    معلمة رآآئعة صج يعني حببتنا في المادة ..
    صارلنا كم يوم ناخذ دروس المواطنة >> [ التربية للمواطنة ]
    هاي كتاب يعطوننا اياه كل فصل اربع دروس او 6
    كله يتكلم عن الديمقراطية والحقوق والولاء والانتماء وماعرف شنوووو
    سعني باختصار مادة مالها معنى ف الحياة >> من اكره المواد عندي ..
    بس المعلمة بصراحة اسلوب شرحها يفتــح النفس حبيتها غصب عني ..
  10. همّة فتاة
    همّة فتاة
    اليوم كنت مسوية الدرس عرض بوربوينت ..
    وطبعا عرضته المعلمة .. وقومتني خلتني اشارك معاها في الشرح ..
    صرت انا اشرح شوي واهيا تكمل علي .. والحلو انه كان بدون تحضير مني ..
    يعني انا ما كنت متفقة معاها اني اشرح .. بس كان شي حلوو والحصة كانت ممتعة وكل البنات مستمتعين ..
    والمعلمة صارلها كم يوم تعطي البنات اللي جاوبون اجابات مميزة حلاوة مصاص
    فانا كل يوم احص وحدة .. اليوم اقولها معلمة ترا بيصيدني ادمان اذا استمرينا على هالحال
    وطبعا بما ان دروس المواطنة طويييلة 6 صفحات مثلا فما خلصنا الدرس وبنكمله يوم ثاني ..
    وطبعا الحصة عدلت المزآآآج أكثر من ما اهوا متعدل


    بعدييين كانت حصة الـ English ..
    الدرس reading ماشي حاله .. وفي هالحصة رفيجتي كانت تعطيني دروس في الرسم >>
    اهيا ما شاء الله عليها فنانة فكنت ارسم واهيا تعدللي او تقولي ملاحظة ..
    وصرت اتطور
    والمعلمة مب ويانا اصلا .. وكل ما جا الدور على مجموعتنا نقومـ عاادي ولا كانه في شي
    مركزين في الجهتين ..

عرض النتائج 1 الى 10 من 27
لكِ | مطبخ لكِ | جمالكِ | طفلكِ | تحميل صور | تكرات | المجموعة البريدية | لكِ أطباق لاتقاوم

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96