حبيباتى الغاليات عضوات المجموعة العسولات اسعد الله مسءكم بكل خير وحشتونى كتييييييييييييييييييييييييييييييير عندى لكم مفاجأة حلوة مش عارفة إذا كنتم لاحظتوها فى توقيعى ولا لأ اختنا الغالية تاتا ربنا يكرمها كلفت حد من معارفها بيعرف فوتوشوب يصمم لنا شعار للمجموعة نحطه فى توقيعنا والحقيقة انه ربنا يكرمه صمم لنا شعارين مش شعار واحد هى تاتا بعتتهم لى وأنا عايزاكم تشوفوهم ونعمل تصويت بحيث نختار التوقيع اللى غالبيتنا هنختاره بحيث نضيفه كلنا لتوقيعنا
يا ريت تقولوا لى رأيكم فى الفكرة أساساً وإزاى أوريكم التصميمن يعنى انزلهم هنا فى المجموعة ولا على الخاص وبعدين نختار الأول أم الثانى كدة يعنى ماشى يا قمرات طبعا ما ننساش ندعى لأختنا تاتا لأنها تعبت فى الموضوع ده كتير ربنا يجزيها كتير وكمان الشكر موصول للأخ الكريم اللى صمم الشعارات بارك الله فيكم جميعاً
معلش سامحونى انا استعجلت وحطيت واحد منهم ما هو يا بنات انتم فجأة كدة هجرتم المجموعة وما بقاش حد بيدخل خالص حتى اللى كانوا متحمسين فى الاول مع الوقت بدأو يبعدوا شوية بشوية ربنا يكرمكم عايزين نتلم تانى ربنا يجمعنا على الحب والخير دايما فى انتظار آرائكم والأهم تواصلكم
انا اقول بان افكارك عبقرية انا دائما كل يوم تقريب ادخل المجموعة ماشوف حد واذا شفت حد بيكتب برد علية وعن التوقيع يكون على الخاص احسن هذه فكرتي شوفي باقي الاخوات
انا شفت التوقيع وعجبني و وضعته
انا بعدي ماشفت الشعار لان ماعرف وين اشوفة وفعلا اسفة لاني انقطعت عنكم ... بس تعرفون اجازة واولاد وفوضى .... ان شاء الله بعد 3 ايام يروحون مدرسة وارجع لكم ... لان فعلا بخاطري اسوي شيء تريكو ... واهديه لست الحبايب ....امي اكيد هي رح تفره بويهي اتقولي جلستي 29 سنه وجبتيلي خرابيط بس يالله هي تاخذه وتفتحه وتسويه من جديد ... ول اريح نفسي واشتري الخيطان واعطيها واقول لها سوي لك شيء هههههههههههههههههههههههههههههههههههههه انا معكم ...
بصى الرابط موجود فى توقيعى حالياً شوفيه فى اى موضوع من مواضيعى وأنا ان شاء الله أبعثه لك على الخاص وبالنسبة لست الحبايب ده احنا كلنا نسيب كل اللى ورانا ونشتغلها أحلى حاجة فى الدنيا ربنا يخليهالك يا جبيبتى ويخليلنا كل الأمهات آميييييييييييييييييين
ازيك ياميسترى معلشى بعدت عنكوا شويه النت بقى ومشاكله بس الحمد لله جه ولا شكر على واجب حبيبتى انا باحب اخدم من غير مقابل بس يبقى افضل لو حطيتى الصورتين هنا بدل ماتتعبى نفسك وتبعتى لكل واحده على الخاص وباذن الله نرجع للحماس تانى
ماشى يا تاتا بصراحة بالنسبة لى مشكلة انه أبعته على الخاص لكل البنات دايما كدة حلالة العقد والمشاكل ربنا يريح بالك يا رب
ازيك يا ميسترى وحشتينى انا مشفتش الشعار اللى بتقول لى عليه ياريت تنزلى الاتنين هنا ونختار علشان ندى المجموعة برستيج وهويه حلوة برسيتيج دى صح
