حبيبتى شخبوطه اللى بتقوليه ده جميل وحيكون من افكار التوفير اللى حنتناولها ان شاء الله
انا اووووافقك الراى حبيبتى وتقريبااااااا بعمل معظمها بس معنديش كنترول فى الشراء وفعلا ممكن حاجات تترمى وتبوظ ومعظم العروض بتكون مكلفه فعلا اكتر ما تكون موفره
طب يابنات حسيبكم الان واللى يدخل يقرا الموضوع ويتخيله كده واللى عنده افكار يحطها كلنا هنا مجموعه بتتعاون مع بعض وان شاء الله على بالليل ارجع واتابع معاكم سبلام عليكم
السلام عليكم ازيكم يابنات موضوعك تحفة يانور انا جوزي دايما بيتهمني اني بخيلة ههههههههه عشان هو جيبة مخروم واخواتة بيقولو عليا اروبة هههههه عشان مبيعرفوش يعملو اللي بعملة هههههه التوفير في البيت مهم جدا واستغلال الموارد المنزلية اهم في انك يبقي عندك اكتفاء زاتي من الللي جوة بيتك يسعدني الانضمام لكم
طبعا الافكار اللى طرحت كلها ممتازة وهتكلم فيها ان شاء الله لكن احب ابدأ اولا بفكرة او ممكن نقول خطوة وانا اعتبرها مهمه جداااااا وهى اننى اقدر احدد كمية الطعام اللى بتستهلكا اسرتى فى كل وجبه يعنى مثلا(_ ماعملش رز باى كمية واللى يتاكل يتاكل واللى يتبقى يترمى )وهكذا اللحوم الخضروات والفواكه... بالنسبة للاولادانا الحمد لله عندى اربع اطفال بيكون عندى فى البيت اكتر من صنف من الشكولاتات والبسكويتات و....و....طبعا هو شر لابد منه وكل يوم ياخدوا صنف واحد فقط وده فى المقام الاول للمحافظه على صحتهم وكمان اكيد فيها توفير وطبعا فى السوبر ماركت باكون عاملة عليهم كنترول يعنى مش اى حاجة عايزينها تيجى والسلام(يعنى طالما اخدنا الصنف ده يبقى التانى المرة القادمة وهكذا)وانا الحقيقة بالنسبة للعروض اللى بتشدنا دايما باحاول مكونش ضعيفة قدمهالانى فعلا بيهمنى جودة الصنف قبل كل شىء
انا مثلا عندي فكرة ازاي اننا نستغل الخصروات اللي في السوق اللي اسعارها كويسة ونخزنهافي الفريزر للموسم اللي هي مش موجودة فية بدل مانشتريها متخزنة جاهزة بتبقي طبعا اوفر وانظف واصح ليكي ولبيتك شاركوني اية رايكم في الموضوع دة واحكي لنا بتخزني الخضروات ازاي عشان الكل يستفيد
بصي يا تي تي انا عن نفسي لما بيتبقي مني اكل مش برمية ابدا يعني مثلا كنت عاملة خضار بسلة مثلا واتبقي طبق بروح حطاة في علبة محكمة الغلق واحطة في الفريزر وصنف علي التاني لما بكون مش عاملة اكل بطلعهم واعمل جانبهم ارز او اي حاجة وتبقي وجبة كاملة ومحدش باخد بالة ان الاكل كان مركون بالنسبة لعروض السوبر ماركت انا بجيب اللي انا محتاجاة وضروري وقبل كل حاجة ببص علي الصلاحية كويس عشان مجيبوش ويومين وارمية
ايوه يا حبايبي انا معاكم وبحب كتيييييييييييييير الوقت الي بقضيه معاكم واكيد لازم اشترك بالمحادثة معاكم ومعاكم بحلا الوقت واللقاء استنوني
فينكم يابنات
اهلا يا بنات تى تى مرورك رائع وان شاء الله نتجاوب واسلوبك مع الاولاد جميل وعندى اقتراح كمان ليكى ولينا ام انوس مرحبا بيكى ياقمر وافكارك تجنن وان شاء الله لازم نخصص جزء لموضوعنا عن التفريز والاستفاده بس الان نضع نقاط معينه للتوفير منتظرين باقى ارائك المفيده وحضرى لنا كمان كام موضوع للتخزين
