السلام عليكم جميعا لكل الاسكندرانية أهدى لهم هذة المجموعة التى أتمنى ان تكون بابا لكل خير ان شاء الله
كيف حالك يا رانيا منورة والله لسة باقى المجموعة لم يدخلوا انا فى انتظارهم اليوم نزلت اشتريت كتاب انجليزى ل بلال تحفة هو كمان تابع المكميلان والمكتبة اللى انا رحتها فيها حاجات حلوة بجد هتفيد الاولاد جدا ومسلية أكيد عايزين تعرفوا فين المكتبة ؟؟؟
السلام عليكم ورحمه الله وبركاته انا حبيت اشترك في المجموعه لاني عجبني جدا اراء حضرتك في موضوع المدارس وربنا يباركلك
السلام عليكم ممكن تقبلونى معكم انا من اسكندرية بس مغتربة فى قطر
نهلة جزاك الله كل الخير وبعدين احنا كلنا اخوات شيلى التكليف وبلاش حضرتك
هندام أهلا بك معنا أخت وحبيبة ويارب نكون عند حسن ظنك
نهله على فكرة أبنى داخل أيضا بلاى سكوول هذا العام فى بريليانس أن شاء الله عمرة 3سنوات وشهرين والمدرسة بتقبل البلاى من سن 2و نصف
السلام عليكم و رحمة الله: ازيكم جميعا ,ده نورك يا ام بيجاد, يا رب دايما مجمعانا في الخير معلش انا دخلت متأخر على بال ما خلصت واجبات الولاد و عشيتهم و نيمتهم و يا دوب حابتدي اخد نفسي . اهلا بيكي يا هندام ,انا حاسة بيكي لاني مجربة الغربة من زمااااان و على فكرة انا كنت في الدوحة في صيف 2007 قضيت هناك شهر
اختى rania شكرا على الترحيب الدوحة حلوة كفاية البحر بيفكرنى بسكندرية بس مش زى بحرنا
ايه اخبار المكتبة اللي قولتي عليها يا ام بيجاد مكانها فين؟ , اظن ان فيها كمان الكتب الدراسية اللي بياخدوها يا ترى اخبار الاسعار ايه؟