السلام عليكم انا بعت رسالة مش عارفة وصلت ولا لأ المهم انا جديدة واريد ان نحاول ايجاد طرق للتخزين فى البيت سواء فى المطبخ اوالحمام او حجرة الأطفال ماجدة
السلام عليكم يا اميرات النظافه ماشاء الله عليكم فكرتونى بايام ما كانت بغسل سجاجيد و بطاطين و شيل هدوم الشتا وفرز هدوم الصيف محدش بيعرف قيمه الحاجه غير لما بيبعد عنها هنا اصلا البيوت تنظيفها سهل جدا لا فيه فرش بيطلع ولا سجاجيد بتتنفض ولا شتا وصيف كله واحد و الحمدلله بس انشاء الله انا راجعه مصر و اعيش حياتى تانى باذن الله فرح 00 يعنى قلتى الكفته كانت تحفه طيب ايه الطريقه و ياترى التوفى الى عملتيه كانت طريقته ايه ربنا يكرمك ادينى افكار للاحسن عيد ميلاد الانسه سارة خلاص كمان اسبوعيين
بينسيس انتى عندك 3 اطفال زى ربنا معاكى على فكرة انا كنت برضه فى الحمل فى الشهر التاسع اقوم بحمله نظافه فى البيت من أ الى ى علشان ربنا يسهلى فى الولادة و الحمد لله بس طبعا دة حسب صحه كل واحدة و بلاش فى ال8 المجهود الزيادة
صباح الخير يا حلوين يا انهارده يكون يوم حلو عليكوا برنسيس بلاش مجهود فى الشهر الثامن على ده خططططططططططططر خلى بالك
فروح انا من بورسعيد يا قطقط ويا قلبك يا فرح النيش فى غسالة الاطباق أهههههههههه حموت ده انا يجارالى حاجه وطلعهم انا و حظى يا ارجعهم النيش يا فى الباسكيت لولو حبيبتى الشاى بارد او فاتر اصل انا فاكره انى كنت فى محل كريستالات واتلقيته بيبيع حاجات معابه ومشال منها المدهب بثمن ارخص وسالته عن السبب قالى ان الولد كان بيلمعهم بحته بمايه وبعدين ريحة الخل صعبه قوى وعلشان كمان النيش حيتقفل فحتكون الريحه مكمكمه ههههههههههههههه عادى يا فرح كلنا بتاخدنا الحماسه فى الاول مع امتحانات الكى جيهات لغاية لما بنتهد ونهبط ونعرف اننا كانت وخدانا الجلاله فكرينى يا فرح بالاعلان ده كده انا افتكر اغنية صفاء ابو السعود مع أنه ورق فى ورق فى ورق انما يستاهل تقله دهب يا ستار يا رب حتى وانا صغيره كنت بنشن على الدهب ههههههههههههههههههه
صباح الفل على ام تسنيم وام رقيه وماجود عايزه مره ان شاء الله اصورلك دولاب الخزين بتاعى حيعجبك ان شاء الله نونا الله يعينك على اولادك ام تسنيم انا بقول المجهود ده فى التاسع صعب طبعا يكون فى التامن
اهلا بيكى برنسيس على فكرة انا كمان من بورسعيد اناكمان عندى 3 اطفال بس مزاكرة الكى جى زى مزاكرة الابتدائى عندى نفس المجهود
ازيكم يابنات معلش غبت فترة بس ماشاء الله لقيت كلام كتير بالنسبه للحمل فالشهر التامن فعلا خطر لانه شهر حرج جدا فبلاش غسل البطاطين دلوقتي او حد يساعدك فيهم التاسع مش مشكله الشغل الزياده هيعجل فالولاده ربنا يقومك بالسلامه يارب اماالكريستال انا بعمله بميه ونقطة صابون انا الي عندي المدهب فيه حجات بسيطه بس متاثرتش الحمدلله تسدقي يابرنسس انا نفسي انزل بورسعيد وفي نزله قريب بس مش عارفه كل مننوي تتاجل بقالها بتاع اربع شهور مش عارفه انشاء الله خير
ازيك ويبيى اخبارك لو الكريستال اصلى يبقى خلالاص متخافيش عليه اعتقد اكتر كريستال نضيف لما يكون كريستال عصفور والا تفتكرو النوع الاكثر جودة ؟ طبعا مصرى والا لازم يكون مستورد ؟؟
عبير ازيك اخبارك ايه مينك بقالى كتير مش بشوفك فى المنتدى يارب تكونى بخير