تويت
السلالالالام عليكم يا احلى بنوتات
-
-
وعليكم السلام ورحمة الله وبركاته ازيك يا حبيبة انا مبسوطة اوى بالمجموعة ولاننا هنقدر نتكلم فيها براحتنا ونعرف بعض اكتر بس يارب ماتنشغلوش وتنسونا
يلا يا عروسات عاوزين المجموعة دى انشط مجوعة واحلى مجموعة بيكم -
اهلا اهلا ياقمرات منورين فرحانة حنبقى هنا ننطلق بالكلام براحتنا من غير قيود وكمان نتكلم كتير اوى .....
يالالا يا ميويا تعالى انتى اساس الفكرة وصاحبتها ....
هنا نقدر نتعرف اكتر على بعض وندردش وايه رايكم نبتدى نتعرف بشوية معلومات يعنى كل واحدة مننا تدخل وتقول شوية معلومات عن نفسها زى اسمها وسنها ومنين وفى سنة كام او بتشتغل مخطوبة ولا متجوزة بتحب ايه هوايات هكذا زى بطاقة تعريف كدا عشان نبقى عارفين بعض اكتر .. كمان ممكن نعمل حاجة حلوة اننا نقول ليه كل واحدة مننا اختارت اسم اليوذر نيم بتاعها فى المنتدى ايه راريكم ؟؟؟
تعليق
-
طيب انا لا متجوزة ولا حتى مخطوبة ينفع ولا لأتعليق
-
هنودة يا حبيبتى الحمد لله انك هنا ايوة كدة نورينا لحسن المجموعة هتبقى وحشة من غير البوس بتاعنا
وحلوة اوى فكرتك وانا هبدا بنفسى
انا يا ستى 21 سنة ليسانس حقوق لسة متخرجة السنة دى من اسكندرية و مكتوب كتابى بس مش بشتغل عشان انا مش عاوزة اشتغل وانا متجوزة عشان ماقصرش فى بيتى عاوزة اديله كل اهتمامى وكمان خطيبى مش حابب انى اشتغل وانا من قبل ماتخطب قلت لو فيه زواج يبقى مافيش شغل
وانا اخترت اسم ايمان مونى عشان كنت كل ماكتب اسم يقولى مستخدم فعملت كوكتيل بين كوكتيل بين اسمى الحقيقى والدلع
هاه ايه رايكم فى السى فى بتاعىتعليق
-
نورا
طبعا ينفع يا قمر ده انتى الدكتورة بتاعة المجموعة منورة يا قمرتعليق
-
ماشى
مهو لو انتوا كنتوا موافقتوش برده مكنتش حسيبكم فى حالكم
انا بقى اسمى نورهان وعندى 20 سنه وفى سنة رابعة طب بشرى ومن محافظة يطلق عليها بنى سويف تقدرو تعتبروها مركز بس متقدم شوية
وانا اخترت اسم نورا لان تقريبا الناس كلها بتنادينى كده
ها عايزين تعرفوا ايه تانى؟؟تعليق
-
اهلا بيكى يا نورهان فعلا نورا بتتقال على نورهان
قوليلى بقى انتى عندك اخوات واد ايهتعليق
-
انا عندى اختين وانا اكبرهم
وانتى؟؟تعليق
-
انا عندى اخ واخت وانا اكبرهم برده الحال من بعضه يعنى
بزمتك مش حاجة تخنق بما اننا فى الهوا سوا مش نفسك تحسى انك عيلة ومهملة ومجنونةتعليق
-
اه والله يا ايمان نفسى اعيش الاحساس ده وخصوصا انى من الناس اللى بتحب النظام زى ماما
ودايما اقولها نفسى اعيش حياة الناس المهملةتعليق
-
ايوة وانا كمان كدة ونفسى احس انى ماعليش مسؤلية بس هنعمل ايه يا بنتى ده قدر الاخوات الكبيرةتعليق
-
منوررررررررين كلكم والله ( هنوده وايمان ونورهان وحبيبه)
عقبال الباقي ان شاء الله بجد الفكره ديه تحفه عشان نتعرف على بعض اكتر ونبقى اخوات وتكون فرصه لو فيه مشكله وربنا مايجبش مشاكل عند اي بنوته نحاول ان شاء الله نفكر معاها في المشكله وكمان ساعات الواحد بيبقى محتاج قبل ما ياخد قرار مهم في حياته انه يعرف راي اصحابه واخواته واحنا هنا كده
هعرفكم بنفسي انا ريهام 21 سنه معايا بكاليورس تجارة ولسه مشتغلتش وناويه ان شاء الله ولسه مش مخطوبه قرايت فاتحه بس ادعولي ربنا يتمم بخير ان شاء الله
ودخلت باسم bascota_1988 عشان خطيبي بيقولي بسكوته وانا مواليد 88
عايزين بقى نحكي اكتر ونتكلم عن كل حاجه ان شاء اللهتعليق
-
يا سلام عليكوا انتوا اخوات زى العسل
اعرفكم بقى بنفسى
انا اسمى هبة
انا كبيرة ماتتخدعوش فيا عندى 26 سنة
مابشتغلش لان خطيبى مش عايز شغل وانا ماصدقت بصراحة ههههههه
اسم حبيبه ده اسم بنتى الللى يارب اخلفها لانى بحب البنات وبحب اسم حبيبه
مخطوبة من سنة ولسه سنة تقريبا واكتر
ربنا يسهل ويخلص فى خلال سنة
وانا بحبكم خالصتعليق
-
أهلاااااااااااااااااااااااااااااااااا ومليون مرحب بالجميع
انا بجد فرحانه جدااا اننا هنقدر نتواصل مع بعض بلا حدود
انتوا كلكم زى اخواتى بجد مع انى ليا 3 اخوات بنات بس انا الصغيرة طبعا
احب اعرفكم بنفسى قبل ما انسى وافضل ارغى انا اسمى سمر بكالريوس علوم
قسم كيمياء حيوى جامعة عين شمس وشغاله فى مجال التحاليل وان شاء الله هسيبه قريب
انا اساسا من بنى سويف وكنت فيها من يومين بس عايشه طول عمرى فى القناطر الخيريه
عارفنها بتاعة عبد الحليم وشاديه هههههههههه
اى حد ناوى يزورها ويتفسح انا تحت أمرهتعليق
تعليق