اشتركى معانا يا نونه
مشكوره ياقمر علي المجموعه الحلوه دي والموضوع الرائع ده عجبني فكرته كتير تسلمي يارب وانا مخطوبه والي مضايقني ان خطيبي عصبي اوي وكل شيئ عنده هو لازم الصح وانا لازم انفذه وهو من حقه يتكلم ويغلط انما انااااااااااا لااااااااااااا لااااااااااااااااا لااااااااااااااااااااااااا مع انه بيحبني كتير وانا كمان الحمد لله بس عصبيته صعبه وكمان بيعلق علي ااقل الحاجات وبيشوفها كبيرهخ ويعمل عليها مشكله
ربنا يخليكى يا قمر خطيبك عصبى مفيهاش مشكله تقريبا كل الرجاله كده عصبيين وانتى بحبك ليه واحتوائك ليه ممكن تعدى المشكله دى بس موضوع هوا من حقه يتكلم ويغلط وانتى لا دى شيفاها فيها مشكله لازم تقعدى معاه وتتكلمو مع بعض وتقوليله انى لازم يكون ليا رأى والراى اللى انتو شيفينه صح هوا اللى يمشى سواء انتى سواء هوا مش مشكله المهم انكم تحلو المشكله بيعلق على الحاجات وبيشوفها كبيره حظك بقى كده فى رجاله بيخدوا بالهم من ادق التفاصيل ودا بيكون عاوز منك ان عنيكى تكون فى وسط راسك وتعملى كل حاجه مظبوط وربنا يكرمك يا قمر ونشوفك احلى عروسه ....
حبيبتي هاي ويف مشكوره ليكي كتير وكلامك حلو اوي ويارب يسترها بقي هنعمل ايه يالا ربنا يهدينا جميعااااااااااااااا
اهلا بيكم انضميت ليكم وان شاء الله للابد مش عارفه اتكلم فى حاجة معينه اصلى زهقانه متخانقه مع جوزى بسبب عصبيته يلا ربنا يستر والله الواحد مش عارف يعمل ايه مع الرجا له مع اننا متجوزين عن حب وقصة حلوة بس للاسف ؟؟؟؟؟؟ العصبيه مزاااااااااااااااااااج معلش دوشتكم بس انا داخله افضفض ولا ايه
يسعدني أن أكون مشتركة مع الجروب الرائع هذا
حبيبتي عهد الغرام ولا يهمك احكي حببيتي احنا هنا بنحكي لبعض وبناخد الاراء وان شاء الله خير واضح كل الرجاله عصبيين ومابيحبوش التفاهم هههههههه الله يهدي الحال من بعضه
عهودة حبيبتي هدي حالك وانا عارفة شعور الوحدة لما يكون زوجها عصبي بعض الأحيان بس اذا تبي نصيحتي حاولي انك ما تكوني قريبة منو لما يكون عصبي .....عشان ما يحاول يغلط فيكي....وصدقيني يمكن حتى حا يجي يعتذر ......الله يعينك حبيبتي
نورتينا يا عهد الغرام متخانقه مع جوزك عااااااادى ومين مش بيتخانق يعنى برده العصبيه ايه الحكايه حاولى متعنديش معاه الراجل العصبى بيبقى عاوز الست حاضر وطيب ومشى امورك ههههههه يلا يا قمر احنا هنا تحت امرك وعلطول ادخلى وفضفضى واحنا كلنا اذان صاغيه ...وربنا يهدى سرك
ازيك ياهاي ويف انا بقي مشكلتي مشكلة نفسي ابقي ام بس خايفة من تجربة الحمل الثالثة ولما بشوف بيبيهات في سن ولادي ربنا يعوضني عنهم يارب قلبي بيتعصر عصر انا اليومين دول عصبية بشكل وحش اوي اوي وتقريبا مش بنام طوووووووووول الليل مع اني ببقي تعبانة جدا التفكير في الموضوع دة قاتلني مش عارفة لحد امتي جوزي ساعات يستحملني ويطبطب عليا وساعات يتنزفز ويتعصب بس انا حالتي النفسيةزفت دايما بحاول انفس عن نفسي واعمل اكلات واصورها من باب التغيير بس برضة تعبانة جدا بضحك وفي عيني الف ومليون دمعة الحمد لله الذي ل يحمد علي مكروة سواة سامحوني بس انتم اللي قلتو فضفضو
