بنات الريلاكس وش ملاحظاتكم وتجاربكم عليه؟؟افيدوني

[عبيــــــــــر]

بنات انا بسوي ريلاكس لشعري بالبحرين بس مدري شتنصحوني فيه
واي انواع الريلاكس زين وفعال للشعر وغيره
ارجوكم انصحوني بلي تشوفونه صح لانه بصراحه هاذي اول مره اسوي فيها ريلاكس
واذا عن طبيعة شعري فهو خفيف وناعم بس مو حرير لكن مشكلتي اني اذا استشورته قب وصار كشه مدري ليه الظاهر عنده حساسيه من الاستشوار فعشان كذا قلت اسوي ريلاكس عشان يهمد شوي
لاتنسون اني ابي نصايحكم وتجاربكم ايضا :

[reemh_33]

في وحده من اقاربي مسويها ريلاكس في لكن طاح شعرها انا انصحك بعدم استخدمها لانها قوي على الشعر ولا كل شعر يناسبها وشكرررررا

[المصريه]

عزيزتى الريلاكس انواع منه الخفيف جدا ويستخدم للاطفال ومنه العادى ومنه السوبر للشعر المجعد جدا
ونصيحتى ليكى استخدمى في البدايه الريلاكس خاص بالاطفال وده نوع خفيف جدا على الشعر وشوفي نتيجته معاكى ولو كانت النتيجه مش زى ما تمنيتى ممكن تستخدمى النوع العادى منه
وبعد الاستخدام باسبوع تبتدى تعملى حمام زيت لشعرك مره او مرتين في الاسبوع
واى سؤال انا في الخدمه

[عبيــــــــــر]

مشكورين على الرد
اختي ريمه انا مسويه ريلاكس والحمدلله شعرها ماطاح غريبه بس يمكن يختلف من شعر لااخر

اختي المصريه مشكوره على المعلومات بس حبيت اسأل ريلاكس الاطفال شلون يعني؟
هل هو ينعم الشعر ولا ايش بالضبط؟

بعدين والله حرام 98 يقرؤون الموضوع ولا يرد علي الا ثنتين ماخبركم بخيلين بالرد هذا وانا محتاجه نصايحكم افااااااااا والله

[كوكب]

عزيزتي عبير انا سمعت انه الريلاكس عبارة عن تمليس لكنه خفيف يناسب الشعر المتطاير والذي به كسرات مش الشعر الخشن مرة بس مشكلته انه شهر واحد فقط بعدين يروح وترجع كشتك كما هي عفوا عبير هذا ما سمعت والله اعلم
ونصيحتي اذا كنت من الشرقية اعتمدي هذه الايام على التسريحات اذا كانت تناسبك وتركي عنك الشعر المفتول السايب
لان الجو رطب مره يعني مهما سويتي الشعر بصير كشة

[eamfa]

انا سويته بعد ما صبغت شعري ,,,ترى ما يسوي الشعر حرير ,,,بس يخفف من الكشه ..لان لو صار حرير هذا تمليس وهذا يخرب الشعر ويخليه مو طبيعي ...أما الريلاكس لان يكون شعرج طبيعي بس ما اهتمام يصير حلو ...
وسويته لبنتي لان شعرها موحلو بالمره حتى احترت فيه ,,وبعدين سويته لها والنتيجه أحسن بكثير من السابق ..صرت اسوي لها تسريحات خفيفه مع الاستشوار

[غفرانك]

اختي eamfa
وين سويتي الريلاكس بالكويت ؟؟

و باي صالون؟

[eamfa]

سويته عند كوفيره تجي للبيت ....اسمها ام عبدالله

[عبيــــــــــر]

مشكورين يابنات على النصايح والظاهر ان الكشه مستحيل تهمد
هههههههههههههه
يالله شنسوي

[بشاير]

عبير حبيبتي ، اعرف بنات وايد مسويين ريلاكس ، ورغم جذي ما غناهم عن استعمال السشوار ، بالعكس جتهم حاله نفسية مو مصدقين أن الريلاكس ما عطاهم النتيجة أللي هم يبونها وهو ان تكون شعورهم سايبه وناعمه وايد ، والنتيجة أنهم قاموا يستعملون السشوار أكثر من قبل عشان يعطون روحهم أمل أن هاذي فعايل الريلاكس ... يعني بصريح الكلام اقولج (( لا تسوين ريلاكس)) ولا خرابيط ، وانت ما تدرين شنو نتايجه السلبية أللي اعتقد انها ما تفرق وايد عن التمليس ، ومدام الله عطاج شعر ناعم قولي الحمدلله والشكر ناس مو محصلين هالنعمة وتقدرين تستشورين شعرج وبعدها تحطين مسحة من كريم واكس عليه يخليه هادي وثابت طول اليوم وبعد فيه لمعة بس لا تكثرين منه لا يصير شعرج دهني ... اتمنى اكون افدتج عزيزتي .

[المصريه]

عزيزتى عبير انا اقصد بريلاكس الاطفال انه بيستخدم فيه مواد اقل حده واخف على الشعر من الريلاكس العادى
وانا نفسي مجربه ريلاكس الاطفال والعادى لكن السوبر ماجربتوش لانه للشعر الخشن وانا شعرى فتلته ناعمه انما اول لما يشم رطوبه بس يبوظ وتبقي حالته حال
بس الامانه تحتم على انى اقولك على بعض النقط انك حذارى انك تستخدميه بعد ما تصبغي شعرى والا النتيجه هتكونى قرعه خالص شعرك كله هيتحرك وده موجود كمان في الورق اللى بيكون مع الريلاكس
وكمان لازم تعملى لشعرك على الاقل مره في الاسبوع حمام زيت لانه بينشف الشعر
اما عن مميزاته فانا مش متفقه مع بعض الاخوات لانى من اول لما ابتديت استخدم الريلاكس وانا بستشور شعرى في مده قصيييييييييييره جدا عن الاول وبستشوره علشان اعمل فيه موديل مش اكتر انما ممكن انى ادهنه زيت واسيبه من غير استشوار وبيفضل ناعم زى ما هو
وانا عايشه في بلد فيها مطر ورطوبه كتير وكونت الاول بعانى من الموضوع ده انما دلوقتى الحمدالله ممكن امشي في المطر وشعرى كل اللى يحصله ان التسريحه تبوظ انما الشعر بيفضل ناعم والرطوبه مبقتش تأثر فيه الحمدالله
بس ده مع الريلاكس العادى انما لما جربت ريلاكس الاطفال نعم الشعر برضه بس شويه رطوبه بسيطه كانت تخليه يبوظ
سورى على الاطاله

[بنت بلدها]

والله البنات وفو وكفو

وجزاك الله خير

تسلمممممممممين