ليش يا بنات ..!!

[emaratia]

مرحبا بنات .. لي ملاحظه واحب الفت انتباهكم لها ...!! الاحظ انه احيانا في الردود على المواضيع ... في بنات ردودهم جافه وشديده وفي بنات يتمسخرون وفي بنات ما يتحملون وفي بنات يستغلون الموضوع ويقعدون يسلمون على بعض وصاحبة الموضوع تزعل لانهم اولا ما فادوها وثانيا لانهم قعدوا يردون على بعض ..!!؟؟!! وانا الصراحه تضايقت من هالسالفه ... وحابه اعرف ارائكم في الموضوع ... انا عن نفسي ما ازعل ... وهي صح فرصه نسلم على بعض بس ترانا جذيه نطنش صاحبة الموضوع ونقعد نتكلم بروحنا وهالشي مب حلو ...!! والا انتوا شو رايكم ... وشو الحل ..!!؟؟!!

[نجود نجد]

اهلا حبيبتى بما انك فتحتي الموضوع ودي اقول شي بعد انا انا لسه مشتركه والبنات ماقصرو رحبو فيني بس انا طلبت منهم طلب وقالو ابشري وانا صراحه ماشفت شي وراح الموضوع مااستفت من شي

[صعبه المنال]

والله لاحظت الشئ هذا ....

عموما اتمنى ماتكرر الاخطاء هذي ... والواحد يتعلم من اخطاءه

وشكرا لك امارتيه وجزاك الله الف خير

[emaratia]

وينكم يا بنات ... ليش جذيه ..!! شفتوا وهذا واحد من الشغلات اللي انا ما ادانيها ..!! انه محد يرد ..!!

[بنت بلدها]

هلا وغلا

حبيبتي اليوم وأمس عطله والناس تطلع وتروح ترفهه عن نفسها بعد عناء الدراسه

على العموم

أعتقد
1- أن شيء رائع تلقين الناس تخذ وتعطي في الموضوع
مثلا لو كنت قاعده في مجلس والناس تكلموا عن موضوع واحد لا بد يصير أخذ ورد في الموضوع ........................

كذا الموضوع يتفاعل

2- حتى لو أحد سلم على أحد في موضوع ........والموضوع يخص شخص ثالث
أعتقد
أن هذا شيء رائع............... أن الناس تجتمع يعني مو حلوه أشوف أسم وحده جديده أو من زمان ما شفتها وطنش أو أروح أسوى موضوع جديد علشان فلانه كذا ناخذ مجال موضوع مهم ..........


3- إما أن البنات ما ترد على أي أستفسار أو طلب منكم فهذا
لالالالالالالالالالالالالالالالالالالالالالالالالا لالالالالالالالالالا

هذا ظلم
إذا أحد يعرف يرد
لكن محد يعرف
شنوا تبونه يسوى يكذب
أحسن شيء بنات منتدي لك............ صريحات وامينات إلا من رحم ربي

يعني البنات يحاولون أقصى جهدهم ..................

علشان يساعدونكم
4- أما بالنسبة السب والمسخره والشتم ...............
صدقيني ما فيه أحد يدخل كثري ...........إلى الأن ما شفت هذا الكلام ؟؟؟؟؟؟؟؟؟؟؟؟؟؟؟؟؟؟؟

يعني أحنا نتكلم مع بعض نضحك ................بلا تجريح ولا استهتار في مشاعر البنات .........لأن بالأول والآخير أحنا خوات في الله.........
يعني ما تلقين أحد في منتدي لك

إلا وتعرفين أنه أنسان خايف الله
لأن اللي ما يبي الخير

أماكن الشر واجد

واضح قصدي
وعلى العموم حقك محفوظ
وعلى العين والرأس
وهذا رأي بس

تسلممممممممممممممممممممممممون

[*ريف*]

صح لسانك بنت بلدها
الظاهر البنات معصبات حبتين
الاخت نجود نجد يعني علي كثر الروابط اللي حطتهم لك لمياء ما اعجبوك
يعني تبين البنات يسخرون وقتهم علي شانك??????!!!!!

[نمارق]

اوافق اختي بنت بلدها في الرأي بارك الله فيها

[القمرا]

انا اوافق بنت بلدها وريف ونمارق

ابد مافيها شي لونقعد نسلم على بعض

وبعدين لاتنسون فضل السلام..

واختي الدنيا مشاغل وغيركذا بعض المواضيع سبحان الله الواحد ماينتبه لها من
دون مايقصد وعلى قول بنت بلدها ماقدشفت سب ومسخره بلعكس فيه نوع من
خفه الظل او المزح اللي تخفف عنا

واحنا هنا كلنا اسره وحده نحب بعضنااااااااااااااااااااا

[((*miss_nosa*))]

الله يعطيكم العافيه بنات 0000والله كلامكم صدق 00هذا منتدي راقي ومافيه كلام 00
والاخت العزيزه صاحبه الموضوع 00فعلا الدنيا مشاغل ويمكن ماانتبهوا البنات لموضوعك
والا محد هنا يطنش حنا خوات 00والكل يبي يفيد الاخر 00
طولي بالك ولا يهمك بعد اليوم كل البنات راح يردون عليك ولا تزعلين 0
وصح لسانك اختي بنت بلدها 00الله يعطيك العافيه ولاهانوا البنات 0

[مسك الكلام]

ولاهنتـــــــــي...... ((*miss_nosa*))
صــح لســـــــانك.... بنت بلدها.


emaratia .... كلامك فيه مبالغه حبيبتي !!
يمكن أنتي ماتحبين المزح الزياده>>>أوتكونين شويه جد.
لكن مو معنى هذا أن البنات يستهزؤن ببعضهم>>>>بنات لك خلوقات جدااااااااااااااا
ومن بين كلامك(أنا عن نفسي ماأزعل) ......اذا ليش تتوقعين أن غيرك يزعل.!!!!
وبعدين ياعيوني....أحنا أشتركنا في المنتدى علشان نستفيد ونوسع صدورنا مع بعض وكاننا متقابلين في مجلس ....مو في مدرسه!!
وأخيراااااا أتمنى ماتزعلين من كلامي ..والله يديم الأخوه بينا.

نجود نجد.....أرجعي لموضوعك وتأكدي من كلام ريف.
صعبة المنال.... لاتعليــــــق !!!!!!

والله يابنـــات أن هذا أفضل المنتديات...(( من زمان وأنا متابعه منتدى لك وما شاركت فيه الابعد ماتأكدت أنه الأفضل >>>أخلاقيا ودينيا ))

[أم غانم]

مازيد على كلام البنات شي ماقصرو ...ونحن المشرفات مانسمح ان وحده تستهزأ بأخري ولو كان من باب المزاح كيف اذاً لو كان جد ...واذا لقيتى شيء ضايقج اختى اماراتيه بلغينى عن طريق الوصلة الموجوده اسفل كل موضوع " اخبر المشرف عن هذا الرد" ...ومايصير خاطرج الا طيب ..

[صعبه المنال]

انتم فاهمين السالفه غلط .....

بنات امارتيه قصدها ..... ان بعض المواضيع يكون استفسار عن شئ ؟؟؟؟

والبنات يتفاعلون بالموضوع وبعدين يخرجون عن الموضوع بموضوع ثاني وهي ما بعد اخذت رد منهم ؟؟؟؟ انا شفت كذا موضوع .... وصراحه يمكن صاحبه الموضوع تتضايق من الشئ هذا لانها ما استفادت من طرحها للموضوع .... انا هذا اللي فهمت وبالنسبه للسلام والفرفشه مع الموضوع هذا لا اعتراض عليه طبعا ....

مسك الكلام .... لاتعليق ليش ؟؟ مافهمت وش قصدك .... بس اتمنى ماتكونين انت فهمتي غلط بس وانا وضحت وجه نظري والله اعلم ....................

[بنت بلدها]

نعم

أنا فهمت قصدها أختي صعبت المنال

لكن

سبق وقلت

البنات ما عندهم خبر

لذلك

يتطرقون لشيء أخر

بدل ترك الموضوع فاضي

والله لو عندهم خبر ما تركوا الموضوع

وهذا حلف من عندي وأنا أولهم

تسلمممممممممممممون

[مسك الكلام]

لا لا لا لا لا لا لا ....صعوووووووووووبه
لاتفهميني أنتي غلط حبيبتي..
ياعيوني أنا قصدت انه الرد على كلامك نفس ردي على اماراتيه.....يعني علشان ماأكرر الكتابه!!!
وحركه مثل مايسوون في الأخبار..لاتعليق!! <<<<<< لاتزعلين ياعمري ماقصدت الا الخير.
وبنت بلدها معها حق لوالواحده فينا تعرف رد على الموضوع ماكانت تتاخر ابدا.