شو رايكم كل وحده تقولنا تجربتها للقضاء على القشره يعني طريقه وتكون مجربه

[دمعه الحب]

اذا سمحتوا كل وحده عندها معلومه لشامبو او طريقه طبيعيه للقضاء على القشره اذا سمحتوا
وتكون مجربه هي اوغيرها المهم مجربه

[- نواعس دامعة -]

بنسبه لشامبو سمعت موزورال ان شاء الله اكون كتبت اسمه صح
بتاكد عموما

وايضا ً يمدحون الخل قبل الشطفه النهائيه لغسل الشعر

وان شاء الله البنات الي كانوا يعانون منها وافتكو يفيدونا اكثر

وياهلا

[بنت بلدها]

أنا لما تزود فيني

وتوصل أخر حدها

أدهن شعري (( زيت النارجين يكون مغلي معاه حلبة وثوم )) وكون خاشته لوقت العازه

طبعا أخلية ربع ساعه أو بالكثير نصف ساعه

وأرتاح شهر كامل .......................ماشاء الله

تسلمممممممممممممممممممين

[غفرانك]

الخل انا مجربته حل سهل للقشرة

[المرحة]

تركت الماي الحار وقت الاستحمام وراحت القشره..

وبعد الحناء يخفيها مره..

[سارية الجبل]

اختي هاالموضوع مهم لان كثيرين يشكو من القشرة
انا سمعت عن عصير اليمون والبيض
بس مين يتحمل رايحة البيض

[موهوبة]

السلام عليكم
أهلين تصدقين إختي حتى أنا أعاني من القشرة
وفي شامبو طبي يقضي على القشرة قرأت عنه بهالمنتدى وأعتقد إنه نفسه اللي تقصده إختي نواعس بس أخطأت في اسمه هو اسمه ( نيزورال )
وأنا أستخدمه من فترة بس إلى الآن مافيه فايدة جربيه يمكن ينفع معك

[مس بيوتي]

اختي الخل هو افضل حل وايضا خل التفاح ممتاز وله فوائد كثيره غير ازالة القشره..

اختي كانت فيها قشره مو طبيعيه وخليتها تجرب الخل كل ما اتسبحت غير انه يزيل القشره انه ينعم الشعر وفعلا نعم شعري وشعرها وتخلصنا من القشره وغير كل هذا يعطي بريق ولمعه على الشعر...

وجربي ليمون على شعرج ترى وااااااااايد حلو وااايد

[دمعه الحب]

تسلمووووووون خواتي عالتعاون ما فصرتو وان شاء الله اللي جاوبت وساعدتني الله يكتب لهال الخير ويزيدها حسنات لانكم ساعدوني

اختي مس بيوتي
يمكن تقوليلي اي خل بالضبط
وكيف طريقه استخدامه يعني نحط الشامبوو بعده او بدون شامبوا وكم المده ؟؟ وكم مره في الاسبوع ؟
اللله يخليج اكون لج ممتنه واااايد .......

والليمون ..
بروحه ولا مع الشامبو يعني توضيح الله يبارك فيج
سوري عالازعاج حبيبتي