لو سمحتم عايزه مساعده

[monaya84]

السلام عليكم
انا عندى عزومه يوم الخميس ان شاء الله
جوزى عازم اتنين من اصحابه
اان فكرت فى كذا اكله بس عايزه منكم مساعده تقولولى ايه رايكم وهل كده وكفايه ولو اعمل ايه بالظبط
محشى ورق عنب وكوسه
مكرونه بالباشميل
كباب حله
فراخ مشويه
لحمه مسلوقه ومتحمره
شزربه لسان عصفور
سلطه
والحلو كريم كراميل ومعاه عصير وفاكهه
ايه رايكم يا جماعه
بليييييييييييييييييييييز ردوا عليا

[roza1]

كل ده ممتاز بس مش مهم شوربة لسان العصفور , انت حتعملي محشي ومكرونة و اعتقد ده كافي والشوربة مالهاش مكان
وبالنسبة للحوم ممكن بدل ما تعملي صنفين لحمة تعملي فقط كباب الحلة وتعملي معاها كفتة في الفرن والفراخ طبعا معاهم
وابقي طمنينا بعد العزومة وقولي لنا عملتي ايه

[حنان(البحرين)]

ماشاءالله عزيزتي ستكون سفره عامره تسلم يدكِ

[monaya84]

حبايبى مرسى اوىىىىىىىىىىىىىىىىىىىىىىىىىىىىىىىى على ردكم الجميل
واكيد هاخد بنصايحكم
ووالله شجعتونى
روزا لو سمحتى ايه رايك اعمل فراخ بانيه بدل الكباب حله واكيد هاطمنك بعد العزومه ان شاء الله وشكرا ليكى يا قمرايه
وحنان كلك ذوق تسلمى

[ام هباااااش]

ما شاء الله حبيبتي كتير حلو وانا مع راي روووز
ويا ريت تصوري لنا العزومة يا قمر

[--ايمي--]

حبيبتى ممكن تعملى الفراخ البانية بدل الفراخ المشوية لأن الناس العزاب دول بيبقوا مهريين فراخ فبيبقا الاقبال اكتر ع اللحوم والفراخ البانية واعملى الشوربة عشان العزاب دول بيبقوا محرومين شوربة وبدل كباب الحلة اعملى كفتة مشوية فى الفرن لأن كباب الحلة مالوش دور هنا لكن الكفته هتتاكل مع خبز مع السلطة كده يعنى وممكن انصحك نصيحة اعملى الكوسة المحشية في صينية فى الفرن بتبقا جميلة جدا وخصوصا ان الكوسة جميلة قوى الايام دى فى السعودية وربنا يعديلك عزومتك على خير يارب

[تويتي2008]

ماشالله الانواع كثيره
انا اقول قللي الاطباق الرئيسيه
وزيدي انواع سلطات
لانها سهله وشهيه

[--ايمي--]

اختى تويتي السلطات والمقبلات دى مش مع المصريين دي بتبقا حاجات جانبية احنا اهم حاجة المفيييييييييييد هههههههه

[monaya84]

ام هباش وايمى وتويتى
مرسى اوى على ردودكم
وانا خلاص نبلت الفراخ البانيه وسمعت كلامكم وهاعمل كفته فى الفرن ان شاء الله
ومرسى ليكم اوىىىىىىىىىىىىىىىىىىى
على تعاونكم معايا وكان نفسى اعزمكم بس انا هاكل لكم بقى

[--ايمي--]

يالا ربنا معاكى وتتطلع عزومة حلوة وان شاء الله بأجر

[monaya84]

g
aشكرا ليكم كلكم على المساعده يا قمرات
ويجعله فى ميزان حسانتكم باذن الله
العزومه ماشاء الله طلعت جميله الحمد لله
جوزى فرح بيها واصحابه
شكرا ياجماعه

[solafjo]

السلام ممكن تحكي الي ايش عملتي اكلات
صحه وعافيه انشاء الله علي قلوبكم