ارجوكم ياأخواتي المصريات اجوبوني عاى......؟

[دمعه.999]

السلام عليكم ياأخواتي الفاضلات:
انا من زمان كنت اكل أكله من جارتنه مصريه عباره عن جبنه مالحه وطماط وحلبه وطبعاً ناقصه المقادير وماذكر شو اسمها بس خاطري اكلها مره ثانيه
وعلى فكره انا اكلتها وكان عمري 11واحين عمري23
اتمنى تعرفونها................

[kanrando]

السلام عليكم بصراحه حكاية الحلبه دى مو عارفاها يمكن خلطه هى يحطها البقال تبعه انا هسالك واقولك
بس ممكن تكون جبنه مش
او جبنه اسطنبولى
دول الجبنتين المالحين اللى اعرفهم وهسال وارد عليكى انشالله

[ام يوسف77]

انا مصرية بس بصراحة اول مرة اسمع عن الاكلة دى ... يمكن تكون خلطة هى عملاها من تأليفها يعنى ساعات بناكل جبنة اسطنبولى عليها طحينة ومقطع عليها طماطم وممكن تضيفى اى حاجة تانية .

[سن ست]

حلبة ؟؟؟ انا اول مرة اسمع ان الحلبة ممكن تدخل مع الجبنة و الطماطم

بس ممكن هي عملتها من مجهودها الشخصي و طلعت حلوة

بس يا ريت حد من الاخوات المصريات يفيدك ممكن حد يكون عارفها

[فرح1983]

بصراحة الحلبة دي غرييييييييييبة
من معلوماتي ان احنا كمصريين نادرا اما بنحط حلبة على الاكل بتاعنا فيمكن كان ابتكار منها او انت مش فاكرة ايه دة وماعرفتيهاش لانك كنت صغيرة، انا مرجحة انها تكون جبنة اسطنبولي وعليها طماطم وحاجة عندنا بتتعمل من ملح وكمون وتقيبا سمسم مطحونين اسمها(دقة).

[donyt3omry]

السلام عليكم يا بنات يا قمرات
الجبنة الوحيدة اللى بيوضع عليها حلبة هى جبن المش
لأنها بيتم تعتيقها و المراد من الحلبة هو ابعاد الديدان عنها لنتمكن
من الإحتفاظ بها لأطول فترة ممكنة.
هذا ما قالته لى مامتى حبيبتى عندما سألتها.
اتمنى أن أكون أفدتكم يا بنات

[noorelhoda]

اكيد انتى تقصدى المش المصرى

[roza1]

السلام عليكم يا بنات يا قمرات
الجبنة الوحيدة اللى بيوضع عليها حلبة هى جبن المش
لأنها بيتم تعتيقها و المراد من الحلبة هو ابعاد الديدان عنها لنتمكن
من الإحتفاظ بها لأطول فترة ممكنة.
هذا ما قالته لى مامتى حبيبتى عندما سألتها.
اتمنى أن أكون أفدتكم يا بنات

اذا فالحلبة هنا ليس لإعطاء طعم ولكن للوقاية
وفي ناس بيضعوا بدل الحلبة ترمس ناشف

[OmNour]

السلام عليكم و رحمة الله و بركاته

هوه فعلا يا حلوات المش لما بيكون جديد فعلا ساعات يحطوا حلبة مطحونة و بتخليه اصفر و زي ما قالوا عشان ميدودش او ترمس او قشر لارنج

[الزينب]

انت بتقصدي..اكيد الجبنة القديمة...بتاعت الزعلة و عليها طحينة و طماطم و زيت

[ام هيا وحارث]

انا كمان متهيالي انك تقصدي المش والاخوات المصريات ما قصروا في الشرح

وكلامهم مظبوط مية في المية
افتكر ماما كانت بتضيف حلبة وترمس وقشر اليوسفي للجبنة القديمة

واحنا عند الاكل بنضيف الطماطم والزيت والطحينة

[kanrando]

انا شفت ناس كتير قالولك نفس كلامى انه تقريبا مش وفعلا سالت محدش يعرف الجبنه اللى بالحلبه دى
جربى كولى المش وقولى لنا طلع هو لا ولا لا

[دمعه.999]

مشكووووووووووووووووووووورين ياأحلى خوات في هذي الدنيا
لانكم ذكرتوني بالأسم صح مش ممكن ياحبيباتي تقولون لي شو مكوناتها بضبط امنيتي اكله
ارجووووووووووووووكم اتردون علي ياحلوين

[حبايب قلبى]

انا امى بتحفظ المش بالحلبه علشان ما تسوس والا يجيلها دود
ولما نجى ناكلها بنقطع ليها طماطم وزيت والخبز ويا سلام ليها نكهه جميله
وذه اسمها مش بالطماطم ويا سلام مع الشطه الحمره

[ايجا]

شوقتوني للجبنه القديمه الي ماما الله يديها الصحه

بتخنهالنا في الزلعه

وااااااااااااو على ريحتها ولا طعمها

الله يسامحكوا فكرتوني بمصر واهلها وحبايبها

والغربه الي انا فيها


مشتاقه للاكل المصري