اكلات لمرضى المعده

[mero17]

صباح الخير يا بنات ازيكم انا امبارح روحت للدكتور وقالى انه عندى التهاب شديد فى معدتى وانى لازم اكل مسلوق او مشوى من غير سمنة او زيت طبعا وللأسف مش عارفة ايه الأكلات اللى تنفع معايا انا من امبارح مش باكل غير بطاطس مسلوقة فا يبنات ممكن تدلونى

[mero17]

ايه يا بنات فينكم بجد محتاجة مساعدتكم ضرورى

[كرز وتوت]

هلابك يالغلا الف لاباس عليك
يعني معك قرحه في المعده ولالا

[mero17]

شكرا كتير يا طيور المهاجرة على ردك هى مش قرحة هو التهاب شديد جدا وطبعا لازم يكون اكل مسلوق او مشوى وطبعا مش هينفع افضل اكل اكل مسلوق كتير وانا مش بحب اللحوم قوى فا قلت اكيد فى اكلات مثلا بالخضار خفيفة وصحية وكمان ينفع انه الواحد ياكلها ياريت حد يفيدنى فى الموضوع ده ضرورىىىىى

[cliopatra]

حبيبتي شفاكي الله وعافاكي
اكيد طبعا قرحة او التهاب المعدة محتاجة اكل مسلوق وخفيف
وابعدي عن الفلفل الاسود واستبدليه بكبابة صيني
عندك مثلا شوربة الخضار وطالما من غير سمنه زي الدكتور ما قال يبقي اغلي الشوربة وحطي فيها خضار مكعبات وبصله مبشورة
علي بتبقي حلوة وانا ساعات باعملها كده
وممكن شوربة لسان عصفور حمصيه في الفرن وسويه في الشوربة عادي
وممكن كوسة ني في ني او بطاطس او اي خضار ابشري بصله وحبة طماطم واغلي الشوربة وحطي فيها الكوسة او اي خضار مع البصل والطماطم
وسويها عادي و الكوسة حلوة جدا للمعدة
واشربي لبن حليب بارد بدون دسم ولبن رايب كتيير اشربيهم كل شوية زي الماء فعلا مفيدين جدا للالتهاب والقرحة
الف سلامة عليكي ويارب يشفيكي عاجل غير اجل
ولو افتكرت حاجة تانية هاكتبها باذن الله وان شاء الله البنات يفيدوكي

[te te faro]

الف لا باس عليكى اختى شفاك الله وعفاك اجر وعافيه ان شاء الله
ويارب تكونى وجدتى طلبك فى رد الاخت كيلوباتراجزاه الله خيرا

[mero17]

حبيبتي شفاكي الله وعافاكي
اكيد طبعا قرحة او التهاب المعدة محتاجة اكل مسلوق وخفيف
وابعدي عن الفلفل الاسود واستبدليه بكبابة صيني
عندك مثلا شوربة الخضار وطالما من غير سمنه زي الدكتور ما قال يبقي اغلي الشوربة وحطي فيها خضار مكعبات وبصله مبشورة
علي بتبقي حلوة وانا ساعات باعملها كده
وممكن شوربة لسان عصفور حمصيه في الفرن وسويه في الشوربة عادي
وممكن كوسة ني في ني او بطاطس او اي خضار ابشري بصله وحبة طماطم واغلي الشوربة وحطي فيها الكوسة او اي خضار مع البصل والطماطم
وسويها عادي و الكوسة حلوة جدا للمعدة
واشربي لبن حليب بارد بدون دسم ولبن رايب كتيير اشربيهم كل شوية زي الماء فعلا مفيدين جدا للالتهاب والقرحة
الف سلامة عليكي ويارب يشفيكي عاجل غير اجل
ولو افتكرت حاجة تانية هاكتبها باذن الله وان شاء الله البنات يفيدوكي

متشكرة جداا على ردك يا كليوباترا بجد جدا بس انا سمعت ان ممكن اعمل اكل نى فى نى مثلا وادخله الفرن يعنى اسويه فى الفرن يعنى يغير طعم المسلوق اكتر وسؤال كمان هو انا ممكن اشوح البصل من غير سمن او زيت على النار بس يعنى اغير طعم المسلوق شوية وبجد شكرا جدا على اهتمامك وردك على

[om noorceen]

الف سلامه عليكي ياحبيبتي ربنا يشفيكي يارب انا بابا عنده التهاب في المعده وقرحه والدكتور قاله زيك الاكل مسلوق وبدون توابل كتير وكنت بعمله كام اكله بسيطه وخفيفه وان شاء الله تعجبك

*بصي جيبي برام الفرن او صينيه وقطعي خضار اللي تحبيه ممكن(بطاطس وجزر وكوسه وبسله وفاصوليا خضراوبصله وطماطم)قطعي كله مكعبات وقلبيهم مع بعض

وتبليهم بالملح والكمون بسيط وممكن جوزه الطيب بشره خفيفه وحطيهم بالصينيه

*جيبي قطع فراخ بدون جلدوتبليها بملح وكمون ومعلقه صلصه طماطم وحطيها فوق الخضار ودخليها الفرن لما يستوي الخضار وتتحمر قطع الفراخ زي المشويه وكليها مع رز ابيض

قوليلي ايه رايك ولو عجبتك اكتبلك وصفات تانيه

[mero17]

الف لا باس عليكى اختى شفاك الله وعفاك اجر وعافيه ان شاء الله
ويارب تكونى وجدتى طلبك فى رد الاخت كيلوباتراجزاه الله خيرا

شكرا ليكى كتير على اهتامك وردك

[قلب دافي]

حبيبتي لا بأس عليكي طهور إن شاء الله

حبيبتي أنا في هالحالة اللي معك بعمل معكرونة بلبن سهلة خفيفة على المعدة

تسلقي معكرونة أي نوع وبتصفيها وبعدين بتكون بعدها سخنة بتحطيها في طنجرة مع شوية زيت لا تكثرين وتقلبيهم وبتحطي فوقهم

صلصة اللبن وبتحركيهم شوي وبتطفي النار

صلصة اللبن (لبن وملح وثوم وطحينةونعنعة يابسة مطحونة)أنا ما بحط طحينة لأنهابحسها ثقيلة على المعدة

وممكن لما توصلي لمرحلة وضع الصلصة إذا ما بتحبي اللبن بتحطي جبن أبيض مقطع صغير أو مبشور فوق المعكرونة وملح

ورشة فلفل أسود صغيرة وتزين بالبقدونس الناعم

وبالعافية

[لالي لافندر]

الف سلامة عليك عزيزتي ان شاء الله الشفاء العاجل

عزيزتي هذه معلومات ان شاء الله تفيدك


1- قائمة بالطعام المسموح:
- الفول.
- اللبن ومنتجاته (الزبادي – الجبن القريش – الزبد – القشدة).
- الأسماك.
- الخضراوات (بسلة – فاصوليا – جزر – خرشوف – قرنبيط – بطاطس – بطاطا) ويتم تناولها مسلوقة.
- اللحوم.
- الفاكهة الطازجة غير الحمضية (تفاح – فراولة – تين – عنب – كمثري).
- السلطة الخضراء بدون إضافة ليمون إليها.
- العسل الأبيض.
- البيض النصف مسلوق.
- البقوليات (العدس – الفاصوليا – اللوبيا).
- الأرز.
- المكرونة.
- الكيك.
- البسكويت.
- الجيلي.
- المهلبية.
- البودنج.
- الجبن الفلمنك.

2- قائمة بالطعام الممنوع:
- المخللات.
- التوابل والبهارات (الفلفل الأسود والأحمر – الشطة ...الخ).
- الفاكهة الحمضية (ليمون – برتقال – يوسفي – جريب فروت – أناناس – مشمش – برقوق).
- الأدوية: الأسبرين وأدوية الروماتيزم.
- المشروبات (الشاي – القهوة – الكاكاو – الكوكاكولا).
- المكسرات.
- الجبن الرومي.
- الخيار.
- اللفت.
- البقدونس.
- السبانخ.
- الملوخية.
- الكراث.
- الفجل.
- الطعمية.
- البسطرمة.
- الباذنجان.
- اللب والفول السوداني.
- الملح.

* تعليمات تتبع عند تناول الأطعمة:
- تجنب تناول الطعام الساخن أو البارد.
- تجنب ملء المعدة بالطعام.
- تجنب تناول الطعام بسرعة.
- الأكل في مواعيد ثابتة.
- تناول وجبات خفيفة بين الوجبات الأساسية حوالي 3 وجبات تشتمل علي: لبن زبادي – لبن حليب – جيلي – كيك – بسكويت – ساندوتش جبن.
- عدم النوم بعد تناول الأكل مباشرة.
- الابتعاد عن الانفعالات والتوتر النفسي.

[mero17]

الف سلامه عليكي ياحبيبتي ربنا يشفيكي يارب انا بابا عنده التهاب في المعده وقرحه والدكتور قاله زيك الاكل مسلوق وبدون توابل كتير وكنت بعمله كام اكله بسيطه وخفيفه وان شاء الله تعجبك

*بصي جيبي برام الفرن او صينيه وقطعي خضار اللي تحبيه ممكن(بطاطس وجزر وكوسه وبسله وفاصوليا خضراوبصله وطماطم)قطعي كله مكعبات وقلبيهم مع بعض

وتبليهم بالملح والكمون بسيط وممكن جوزه الطيب بشره خفيفه وحطيهم بالصينيه

*جيبي قطع فراخ بدون جلدوتبليها بملح وكمون ومعلقه صلصه طماطم وحطيها فوق الخضار ودخليها الفرن لما يستوي الخضار وتتحمر قطع الفراخ زي المشويه وكليها مع رز ابيض
قوليلي ايه رايك ولو عجبتك اكتبلك وصفات تانيه

متشكرة جدا لردك وشكل الاكلة جميلة وشهية بس لى سؤال احط لها ميه ولا استنى اما الخضار والفراخ ينزلوا ميتهم الأول وكمان هو انا ممكن اتبل الفراخ او اللحمة بالبصل والملح والكمون مثلا واحط معاهم صلصة طماطم واسيبهم شوية مع بعض و بعدين احطهم على الفراخ
معلش وسؤال كمان هو انا ينفع اعمل طمطام متسبكة من غير سمن او زيت

[mero17]

الف سلامة عليك عزيزتي ان شاء الله الشفاء العاجل

عزيزتي هذه معلومات ان شاء الله تفيدك


1- قائمة بالطعام المسموح:
- الفول.
- اللبن ومنتجاته (الزبادي – الجبن القريش – الزبد – القشدة).
- الأسماك.
- الخضراوات (بسلة – فاصوليا – جزر – خرشوف – قرنبيط – بطاطس – بطاطا) ويتم تناولها مسلوقة.
- اللحوم.
- الفاكهة الطازجة غير الحمضية (تفاح – فراولة – تين – عنب – كمثري).
- السلطة الخضراء بدون إضافة ليمون إليها.
- العسل الأبيض.
- البيض النصف مسلوق.
- البقوليات (العدس – الفاصوليا – اللوبيا).
- الأرز.
- المكرونة.
- الكيك.
- البسكويت.
- الجيلي.
- المهلبية.
- البودنج.
- الجبن الفلمنك.

2- قائمة بالطعام الممنوع:
- المخللات.
- التوابل والبهارات (الفلفل الأسود والأحمر – الشطة ...الخ).
- الفاكهة الحمضية (ليمون – برتقال – يوسفي – جريب فروت – أناناس – مشمش – برقوق).
- الأدوية: الأسبرين وأدوية الروماتيزم.
- المشروبات (الشاي – القهوة – الكاكاو – الكوكاكولا).
- المكسرات.
- الجبن الرومي.
- الخيار.
- اللفت.
- البقدونس.
- السبانخ.
- الملوخية.
- الكراث.
- الفجل.
- الطعمية.
- البسطرمة.
- الباذنجان.
- اللب والفول السوداني.
- الملح.

* تعليمات تتبع عند تناول الأطعمة:
- تجنب تناول الطعام الساخن أو البارد.
- تجنب ملء المعدة بالطعام.
- تجنب تناول الطعام بسرعة.
- الأكل في مواعيد ثابتة.
- تناول وجبات خفيفة بين الوجبات الأساسية حوالي 3 وجبات تشتمل علي: لبن زبادي – لبن حليب – جيلي – كيك – بسكويت – ساندوتش جبن.
- عدم النوم بعد تناول الأكل مباشرة.
- الابتعاد عن الانفعالات والتوتر النفسي.

بارك الله فيكى يا لالى بجد افيدتينى جدا انا كنت متخيلة انى ابعد عن الأكل كله متشكرة جدا ليكى بس لى سؤال هو انا ينفع اعمل الكيك من غير سمن او زيت لانى ممنوعة حتى من نقطة الزيت ولو طنشت وحطيت نقطة صغيرة بتعب جدا

[om noorceen]

ايوه يا حبيبتي ممكن تتبليها وتسيبيها شويه وممكن تحطي عليها بصل او مايه البصل

ومش لازم تضيفي مايه عشان الخضار بيكون فيه مايه كافيه تسويه ولو حسيتي انها محتاجه حطي شويه صغيره

وممكن تسبكي الطماطم قطعي البصل صغير وسخني مقلايه مش بتلزق وتكون ساخنه اوي حطي البصل وقلبيه لما يبقي اصفر بس خدي بالك الا يتحرق اول ما مايته تنشف حطي عصير الطماطم والملح والكمون بلاش فلفل اسود

وممكن اجاوبك علي الكيك ايوه ممكن تعمليه بدون زيت زي الكيك الاسفنجيه

6-7 بيضات

2ك دقيق

1وربع ك سكر ناعم

1م ك بيكنج بودر

نص م ك بيكنج صودا

1م ص فانيليا

ذرة ملح
اخفقي البيض حوالي 5دقايق مع الفانيليا تم السكر
انخلي الدقيق واخلطيه مع البيكنج بودر والصودا والملح
ضيفي خليط الدقيق تدريجيا للبيض مع التقليب بهدوء بالمعلقه وصبيه في صينيه فيها ورفه زبده ودخليها فرن علي حراره 170-180 درجه لما تستوي

[om noorceen]

حبيبتي في طريقه لشوربة لسان العصفور حلوه اوي

حمصي لسان العصفور في الفرن

اسلقي قطع لحمه بدون دهن او فراخ بدون جلد في مايه معاها بصله وطماطم مقطعه صغير وملح وكمون وحبهان وقرفه بسيط ومعلقة صلصة طماطم

لما تستوي الفراخ شليها من المرقه وحطيها في صينيه في الفرن تتحمر

حطي لسان العصفور في المرقه وقطعي خضار اللي تحبيه (بطاطس وجزر وفاصوليا وبسله وكوسي) قطعيهم صغير اوي وحطيهم علي لسان العصفور وفي كيس شعريه ماجي بالدجاج ممكن تضيفيي نصه علي الشوربه تديها طعم جميل وسبيهم يغلو وهدي النار لما يستوي الخضار

وكليها مع الفراخ المحمره اللي في الفرن