.......ممكن مساعدة لو سمحتم.........

[إنجــــــــي]

ممكن مساعدة لو سمحتم

مرحبا حبيباتي في ركن الاطباق
استقتلكم كتير كتير كتير

مع اني دايما متابعاكم
و عندي كم طبق بس لسة ما صارت الفرصة انزلهم

اليوم حابة اسالكم سؤال يا ريت تفيدوني فيه يا قمرات


بدي اسال عن الشيشبرك
هل ينفع اني اخزنه في الفريزر بعد ما احشيه
و متى يكون التفريز
بعد الحشو مباشرة ام بعد وضعه في الفرن
و ما المدة المناسبة لتخزينه
و هل لما اخزنه و اجي اطبخه
اطلعه فقط و انتظره يفك و يسيح و بعدن اضعه في اللبن
ام ممكن وضعه على طول
و هل بيلزق في بعضه بعد التخزين او طعمه بيتغير

اسفة جدا كترت اسئلة
بس يا ريت تساعدوني
و ربنا يفرج هم اللي ترد علي و يسعدها دنيا و اخرة

تحياتي

[noorelhoda]

كان نفسى افيدك وافوز بالدعوه الحلوه اللى دعيتيها للى حتدلك
لكن معلش خيرها فى غيرها ان شاء الله الاخوات يفيدوكى حبيبتى

[bellegirl]

والله ولا أنا أعرف حتي عن شو بتتكلمي..بس موفقة انشاألله

[تغريد2007]

بدك نصيحه من اخت --------------------- اعملي كل اشىء طازج ولا تفرزي ولا شى بكون ازكى
اما اذا انت مطره على التفريز ان شاء الله يفيدوكى البنات لانى والله ما بعرف
يعنى متاسفين 3 ردود ومش عارفين نجاوبك انا شخصيا لسببين الال ما بعمل هاى الطبخه
والتانى على شان ما بحب افرز معجنات والله انى متاسفه يلى ما قدرت جاوبك حبيبتى

[shahed60]

السلام عليكم ورحمة الله وبركاته

كيفك انجول ونحن مشتاقيلك بالاكتر

رح فيدك من خلال تجربتي
كنت اعمل احيانا شيشبرك وتطلع الكمية كبيرة اطبخ حاجتي والباقي اتركه لحتى ينشف طبعا بعد ما احشيه و شكله وحطه باكياس وفرزه
وعند الاستعمال حضر اللبن عادي وحط فيه الشيشبرك بدون ما يسيح يعني وهو متلج وبتركه يفك باللبن لاني اذا تركتيه ليسيح ينخبص
وبتصدقي اليوم جراتي كانت عم تجهز لرمضان وعملت شيشبرك ونشفته وحطته بالفريزة واجا موضوعك بنفس اليوم
وباعتقد مدة حفظه بالتلاجة بتعتمد ع مدة تفريز اللحمة

والسلام

[تغريد2007]

شكرا لك يا شهود على الافاده حبيبتى

[إنجــــــــي]

حبيبتي نور الهدى
و لو يا قمر كل الدعوات الحلوة لك
انبس حبيت اعمل تشويق للبنات
و مشكورة على اهتمامك و ردك
ربنا يهديك و ييسر امورك و يسعدك يا ري


حبيبتي بيل
الشيشبؤك طبق شامي معروف جدا
في منطقة الشام و فلسطين و هده الدول
و راح تلاقي المنتدى مليء بالوصفات الشهية له


حبيبة قلبي تغريد
الله يسلمك يا رب و يسعدك
تواجدك بيكفي يا قلبي
و انا عارفة اكيد لو عندك فكرة ما بتقصري
و انا لسة مش متاكدة من حكاية التفريز
و زي ما قلتي يا عسل الطازة احلى
باشوف ان شاء الله خير

شهووووووووووووود يا قمر مصور
مشتاقة لك كتيركتير
كيفك يا امورة شو اخبارك
الله يسعدك على اجابة حبيبتي
و لو اني بدي افهم اكتر انت بتخزنيه
بعد ما تحطيه في الفرن
هدا اللي فهمته يا رب اكون فاهمة صح
و الف شكر لك يا غالية
ربنا يسعدك و يفرج همك و ييسر امرك
و يرزقك كل خير و يحفظك انت و احبابك يا رب

[shahed60]

تغريد يا قمر لا شكر على واجب


انجول اخباري بخير والحمد لله انتي كيفك

شوفي بالنسبة للشيشبرك انا ما بشويه نهائي لا قبل ولا بعد وسبق نزلت الشيشبرك بموضوع يعني منخليه عجين

http://www.lakii.com/vb/showthread.php?t=396928

وفعلا لاحظت من الاخوات الفلسطينييات انو بشوو الشيشبرك بالفرن قبل ما يطبخوه باللبن بس ما بعرف نحن ما منشويه

هيك متعلمة عليه
بس باعتقد اذا شويتيه ما بتفرق اذا خليتي التلج يفك عنو او ما خليته يعني ما بتخافي يعجن
بلكي الاخوات بيفيدوكي

والسلام

[رندوش]

اهلا عزيزتي انجل
الاخت شهوده افادتك
وانا خبرتي قليله بس كنت اشوف الوالده رحمة الله عليها بتفرزها بعد الشوي
وما بتستنى لتسيح وبتضيفها للبن على طول
ارجو ان اكون افدتك
ومدة الفرزنه 6 شهور اذا ما قطعت الكهربا

[جنة الطيور]

السلام عليكم ياانجل والله انا مالة وطاقة امي صرلها اربع ساعات واصلة ولسى ما وصلت بيتي وانا عاملتها شيبرك جنب الاكل والله سبحان الله
وقلت افتح اشوف امضي الوقت لان انتظرها بفارغ الصبر
والشيشبرك حبيبتي اول شي بتحمسي اللحمة والبصلة وبهار وبعدها
بتكوني عاجنة العجينة وبعدها بتقطعيها بكاسة وبتحشها وبتعمليها موديل طواقي
وبعد ذلك بتحطيهطيهون بصواني الفرن وبتحطي الحرارة 200 من فوق ومن تحت وبس شفتيهون ازهروا من تحت ومن فوق بتشلهون وبعدها لينشوفوا نهائيا بتحطيهون بكياس فريزر وبتحكمي اغلاقهون مشان ما يجيهون ماء ووقت الي بدك تتطبيخيهون وقت يغلي البن بتكوني مطالعة الطواقي قبل عشر دقائق وبتحطيهون بالبن بس يغلي وبتتركيهون يستوا وبعدها قلي توم وحطيه على الوجه وفعلا بيطلع طيب كتير وكان هلق عاملتيه
وان شاءالله كون فدتك
واي سؤال يا غالية ما منقصر ابدا
ادعولي امي توصل بالسلامة لعندي بقا ربع ساعة

[عاشقة الحلويات]

هلا وغلا فيك أختي

بالنسبة للشيشبرك عزيزتي بإمكانك تخزينه بالفريزر

أنا بعمل هيك بعمله بكميات كبيرة وبعمل طبخة منه طازجة

وبفرز الباقي

وطبعاً التفريز بيكون بعد ما يبرد الشيشبرك بعد شويه بالفرن

بصراحة بدون الشوي ليس بإمكانك تفريزه لأنه سيلصق العجين مع بعضه

ولما تجي تفكي التفريز عنه رح يكونوا لاصقين ببعضهم ويخرب شكلهم

المدة يعني مثله مثل بقية الأشياء التي تضعينها بالفريزر

بس طبعاً أنا الكمية اللي بعملها ما بتتجاوز فترة تخزينها أكثر من ستة شهور

لأني بحب أطبخ شيشبرك لما يكون عندي عزيمة فبطبخه قبل يوم أو يومين من العزيمة

وبسكبه مباشرة بس بغطيه حتى ما ينشف وجه اللبن

وهيك بيوم العزيمة بس بطلعه قبل بساعة حتى ياخد حرارة الجو

ولو حبيت تسخنيه ما في مشكلة كمان

بس أنا بحبه بارد أو بحرارة الجو وهيدي هي لذة الشيشبرك يؤكل بارد أو ساخن

ما في فرق


بالنسبة لما تطبخيه عادي مباشرة طلعيه من الفريزر للبن الساخن

أنا بعمل هيك بس بخلي النار على الهادئ تماماً مع التحريك كل شوي

مشان ما يلزق اللبن

أنا ما بحس أبداً بتغير طعمه ابداً بالعكس بحسه صار أزكى طعماً

وبعد التخزين ما بيلزق مثل ما قلت لك لأنه بالأصل مشوي ونشفت عجينته من الشوي

بس لما ينحط باللبن بيطرى وبيصير العجين مستوي أكثر

عدم الشوي يخلي العجينة نيئة وغير مقبولة بالطعم

لأنه ممكن تعملي العجينة سميكة ولما تطبخي الشيشبرك بدون شوي

ما تستوي العجينة فهيك بالشوي بيستوي نصف وبالطبخ مع اللبن بيكمل طيخه

وأي استفسارات أخرى انا حاضرة وبأمرك

شوفي الرابط تبعي الخاص بالشيشبرك وبالخطوات والصور

http://www.lakii.com/vb/showthread.php?t=468643

[إنجــــــــي]

شهود يبقى طيقتكم مختلفة يا قمر
مو مشكلة في النهواية كله زاكي
تسلمي يا رب على المتابعة حبيبة قلبي

رندوشة الف الف شهر يا غالية على تفاعلك
طبعا استفدت جدا
ان شاء الله اجربه و ربنا يوفقك و يسعدك يا رب
اشتقنالك وينك ما بتطلي عالدردشة
الف مبروك نجاح ابنك منها للاعلى ان شاء الله


جنوووووووووووو حبيبة قلبي الله يطمن بالك يا رب
على امك و تجي تاكل احلى شيشبرك من ايدك الحلوة
ما تقلقي حبيبتي هو هيك عادي في السفر التاخير
ان شاء الله بتوصل بالسلامة يا رب و تتهني بجيتها
راح نستاقلك بس اهم شي تكوني انت مبسوطة فيها
و ربنا يخليكو لبعض
والف شكر على المساعدى كتير افدتيني الله يسعدك و ييسر امرك وولادتك
و يرزقك بالدرية الصالحة المعافاة يا رب


عاشقة الحلويات مشكووووووووووووورة يا عسلما قصرت و الله
شرحك كافي ووافي ماشاء الله عليك
ربنا يسعدك يا رب و يعطيك من كل خير و يبعد عنك كل شر
كل كلامك راح اخزنه و اعمل فيه ان شاء الله
كلامك واضح و مفصل ماشاء الله
و اكيد لو احتجت شي راح اسالك
تسلمي يا رب على التفاعل و الافادة بارك الله فيك
و يجزاك كل خير و سعادة و صحة امميييييييييين

[(( ام ماهر ))]

كيفك يا انجل يا قمر نور الركن يا عسل

اشتقتلك كثير حبيبتي انا مرات بفرز الشيشبرك بس بشويه بالفرن اول زى ما حكت جنه الطيور

وبكون كثير طيب لو تخزن وما بتغير الطعم المدة مش اكثر من شهر احسن

سلام يا عسل

[ghada3]

السلام عليكم
انا عمتى سورية و طبخها .... معروف من شدة تميزة و بصراحة هي مرجع لكل اللي بيعرفوها لان وصفاتها , هى الوصفات الاصلية القديمة , انا اتعلمت منها الشيش برك و تفريزة بس بصراحة هى مش بتشوية , بتسوىة مع اللبن (الزبادى) بالنسبة للتفريز ,بعد ما بتقطعة , بتضعة فى صينية بطريقة منتظمة ثم الفريزر مدة ساعة تقريبا حتى يجمد فيسهل وضعة فى اكياس دون ان يلتصق.
انشاللة اكون افدتك

[إنجــــــــي]

رند يا غالية
كDفك يا ام ماهر مشتاقة لك كتير كتير يا قمر
نورت موضوعي يا عسل
الف شكر لك عالافادة حبيبة قلبي
اكيد راح اخد برايك ان شاء الله
و تسلمي يا رب على حب المساعدة و تواجدك كتير فرحني


غادة يا قمر الف شكر لك حبيبتي على المساعدة
ماشاء الله عليها عمتك ربنا يحفظها و يخليسلكوم اياها
اسعدني تواجدك يا قمر و شكرا كتير مرة اخرى
جزاك الله كل خير