حذفته وابي ارجعه كيف ؟

[طـــيـــــف]

السلام عليكم

عندي مشكله جابتلي الضغط

عشان متشائمه من برنامج اسمه فروت بيج وعشان ما صرت استخدمه رحت انا يالذكيه وحذفته وانحذف معاه الاوفس بكبره


وعشاني حذفته ورحت ورجعت ما حسيت انه محذوف الى اليوم لما رحت ادور الوورد ولقيته اختفى


عندي اكس بي وحاولت ارجعه باستعادة النظام ما رضى


بليييييز اللي يعرف كيف ارجعه يخبرني ؟؟؟

[يارا]

بسم الله عليك من الضغط

اختي
حاولي تسوين استعاده للنظام في اليوم السابق لحذف هذا البرنامج هذا اولا
وهو مجرد تجربه يمكن تنجح باذن الله

ايضا امر اخر
الاوفس عند حذفه يطلب منك تحديد الاجزاء الملطلوب حذفها لكن الظاهر انت طلبت حذفه كامل ومادققت بالنقطه هذي

فيه حل صعب شوي لكن خلينا نشوف الردود يمكن تنفع واسهل منه


امر اخير وهو المهم عندي وهو برى هذا الموضوع

اختي الغاليه اتضايقت لما شفت ردك في موضوع شموله حق الخط الاحمر

فبغيت اتطمن عليك وعلى صحتك لكن استحيت <<عن يقولون لقافه معتاده في يارا

والله يشهد اني قلقت عليك وبغيت اتطمن ماحبيت اشوفك تعبانه ولا مريضه

الله يقومك بالعافيه ويكفيك شر المرض ويكتب لك الصحه طول العمر

[الشهد]

الله لا يحرمنا من طلاتك وشعورك الطيب دايما اختي يارا
الله يجزاك خير \\ ماكاني داخلة غلط المفروض يكون جنب الرد طيف

[MiSsQ8]

الفرونت بيج برنامج مهل لتصميم السايتات وحرام تحذفينه واصلا ماراح يضرج او يضايقج
بصراحه ماعندي فكره بس ممكن تردين تنزلين الاوفيس كامل عن طريق cd تشترينه من اي محل

[طـــيـــــف]

يارا الله لا يحرمنا منج يالغاليه

سويت استعادة النظام لكن ما لقيت نقطه استعاده لا لليوم اللي قبله ولا اللي بعده وما لقيت اي نقطه استعاده الى لليوم اللي انا فيه مدري ليش ؟

الاوفس عند حذفه يطلب منك تحديد الاجزاء الملطلوب حذفها لكن الظاهر انت طلبت حذفه كامل

انا ما انتبهت للاوفس بس شفت كلمة فرونت بيج وعطول حذفت حتى خذ وقت بالحذف وبصراحه استغربت لكن عشان ابغي افتك من هالبرنامج طنشت

فيه حل صعب شوي لكن خلينا نشوف

الحقيني فيه يارا والله محتاجه للوورد باسرع وقت

*****************

تسلمين يالغاليه والله يجزيك كل خير انا الحمد لله بخير وعافيه كنت مسويه عمليه باول الشهر

وكان الطبيب يبغي يسويلي عمليتين بعد لانه طلع فيني اشياء ثانيه بالاشعه لكن لما طلعت سويت اشعه غير بمستشفى غير وما طلع فيني شي من اللي قاله شكله يبغي يسوي عمليات عشان ياخذ على العمليه فلوس وكنت انا الضحيه الله يسامحه

مشكوره يارا ومثل ما قالت الشهد الله يجزاك كل خير ولا يحرمنا من طلاتك وشعورك الطيب يالغاليه

[طـــيـــــف]

اختي MiSsQ8 تسلمين لو ما لقيت حل شكلي بضطر اشتري الاوفس

والفرونت بيج مليت منه من كثر ما سويت مواقع وكرهته خلااااااص وما استعمله ولا ابي استعمله عشان جذي حذفته

ومشكوره

[leema]

-- و عليكم السّلام ورحمة الله و بركاته

أهلين طيف ..

سلامتك مِن الضّغط


الحمد لله على السّلامة مرّة ثانية ...

[طـــيـــــف]

ليما وينج البارح ما شفتج

الله يسلمج يالغلا

[leema]

-- البارح كنت موجودة ... بس دخلت ردّيت كم ردّ على السّريع

مشغولة حبّتين

أدخل أطلّ طلّة سرييييعة ...و إذا كان معي وقت أردّ كم ردّ

على فكرة .... أعجبتكِ البطاقة

[إيمان علي]

عندي سؤال بايخ.. بس ما لقيتيه في سلة المهملات recycle bin ؟
وهل اتبعتي الخطوات الصحيحة لاستعادة النظام؟ لأني مرتين ابني عمل مصائب على الكمبيوتر، ما كان في حل إلا استعادة النظام.

[طـــيـــــف]

اهلين ايمان

انا حذفته من ازالة او اضافه البرامج واتبعت الخطوات صح لكن المشكله ما في اي تاريخ للاستعاده غير تاريخ اليوم مادري ليش ؟

وتسلمين الغاليه

[طـــيـــــف]

ليما انشغلتي مثل الشهد الله يعيناا عيل ما بنشوفج الى عالطاير

على فكرة .... أعجبتكِ البطاقة

شي من ليما وما يعجبني والله رهيبه البطاقه حفظتها عندي عطول كتذكار من انسانه عزيزه علي وشافتها اختي وعجبتها كثير

وبعدين تعالي ما عندج حل لمشكلتي

[يارا]

عندي سؤال بايخ.. بس ما لقيتيه في سلة المهملات recycle bin ؟ 

معليش امون جواب ايضا بايخين مو بايخ وحده ويقهر كمان...
سلة المحذوفات للملفات المحذوفه يدوي بكل اسف
انما هذي الي تنحذف بالجن فصعب تلاقيها هناك

الحقيني فيه يارا والله محتاجه للوورد باسرع وقت 

للاسف هذا امر صعب شوي ويحتاج لخبير الا وهو
بعض الاحيان حين نحذف بعض البرامج تنحذف من الجهاز امامنا لكن تبقى في السي
فالحل الصعب اذا روحي للسي
وهناك دوريها
ولكن على شكل اجزاءءءءءء
يعني ممكن تلاقين الوورد لوحده مندس مع شي ثاني
وهذا هو الحل الصعب
والله يوفقك
ايضا اتذكر مره نزلت موضوع عن طريقة استعاده الملفات المحذوفه لكن دورته ومالقيته تقدرين ترجعين له لكن مادري هل ينفع في استعادة البرامج ام لا لانه خاص بالملفات
وبحاول اتابع معاك موضوعك من جهه ثانيه
مع اني انصحك اذا مستعجله تقدرين تنزلينه من سيدي ب10 ريال وبلاشي دوخة راسك انت مو ناقصه
وقولي لي اذا بتنزليه من سيدي علشان ماتابع الموضوع واشوف له حل بمكان ثاني

امر اخر وهو المهم ياختي شفاك الله وعافاك
اذا حسيتي انك تعبانه واحتجتي لطبيب ونصحك الطبيب بامر مو زين مثلا فاستخيري فيه ولا تغامرين واسألي بدال المره الف غيره ايضا لان العمر مو كثير علشان يضيع
والله يختم لك يالغاليه بالصالحات ويكتب لك الخير من عنده ويسهله عليك

بانتظارك مع دعائي لك بالشفاء والصحه الدائمه
امين

[طـــيـــــف]

معليش امون جواب ايضا بايخين مو بايخ وحده ويقهر كمان...

اهلين يارا

يعني ما في فايده من استعاده النظام ؟

اللهم امين وتسلمين الغاليه على روحج الطيبه والله يجزيك كل خير

[leema]

أرسلت بداية بواسطة طـــيـــــف
ليما انشغلتي مثل الشهد الله يعيناا عيل ما بنشوفج الى عالطاير



شي من ليما وما يعجبني والله رهيبه البطاقه حفظتها عندي عطول كتذكار من انسانه عزيزه علي وشافتها اختي وعجبتها كثير

وبعدين تعالي ما عندج حل لمشكلتي

-- كلّك ذوق.... الله يسلّمك يا طيف ... و القلوب عند بعضها

و مشكلتك ... أسهل لك تنزليه مِن سي دي إذا مستعجلة

لأنّ استعادة النّظام و برنامج استعادة المحذوف ما راح ينفعوكِ إلاّ في الملفّات العاديّة ( زيّ ما تفضّلت يارا ) ... اسأليني أنا مجرّبة <<===== سبق تهوّرت و حذّفت برامج sid sid