أول درس بالفوتوشوب لعيون احلى صبايا

[ام النجلاء]

السلام عليكم
مجهود اكثر من رائع من اخت اكثر من رائعه ادعو الله ان يجعله في ميزان حسناتك
حولت اطبق الدرس لكن عندي سؤال ..كيف اقدر اتحكم في حجم الخط لأنه بيطلع لي الكلام بخط صغير حولين الشكل اللي اخترته؟؟ وكمان سؤال من فضلك كيف اقدر ارجع خطوه للخلف اذا سويت شي ابغى اغيره بدل ماأعيد من جديد ؟؟
مشكووووووووووووووووووووره

[بحور النجاح]

مشكورة أختي سناء على هالدرس ..... تسلم هالأيادي ،،،،

[ღ ساندىღ]

هااااااااااى
اخير قدرت اطبق الدرس
ميرررررررسى ياقلبى على مجهودك
شوفى بقى تطبيقى وقولى رايك



ميرررررررررررسى ياقمر

[san79]

هلا بالجميع ومشكورين على المرور

[mano83]

اهلين اختي سناء .. مشكورة عالدروس ويعطيك الف الف عافيه .. بس حبيبتي انا الصور ما طلعت عندي كله × .. لاني تحمست مع ام عصام وودي اتعلم فوتوشوب من جديد سويت show pic بس ما طلع لي شي

[san79]

اهلين اختي سناء .. مشكورة عالدروس ويعطيك الف الف عافيه .. بس حبيبتي انا الصور ما طلعت عندي كله × .. لاني تحمست مع ام عصام وودي اتعلم فوتوشوب من جديد سويت show pic بس ما طلع لي شي

حبيبتي ولو انا بسعدني انكم بتشجعو بعض

بالنسبة للصور رح أرجع انزلهم هلء ان شاء الله مع انو ام الولاء وعدتني انها اضيفهم على الدرس مو مشكله شكلها مو فاضيه والله يعين كل واحد بمسؤولياتو

انتظريني مع الصور

[san79]

تعديل صور الدرس الاول

لعيون أحلى صبايا بأغلى بيت البيت الفلسطيني و كرمال أحلى سيسي رح نبدأ دروس ببرنامج التصميم الفوتوشوب ......... و أكيد لكل صبايا المنتدى ولكل البيوت الشقيقة

طبعا الي حاب يشارك معنا هل الدروس ويورجينا تطبيقاتو لازم يكون عندهم منزل برنامج الفوتوشوب
وبما انو في دروس جديده بمهارات جديده رح أقترح على الكل ينزل فوتوشوب الإصدار الثامن و عشان صبايا البيت ناعمين و راقييييييين كتير رح انزللكم رابط التنزيل بس عليكم اضغطو على الرابط و نزلو البرنامج

http://www.lawwen.com/download-Adobe...8_CS_-1712.htm

درس اليوم رح يكون عن ........... على فكره ما بنفع بالإصدار السابع لانو جربتو و ما مشي الحال ....

الكتابة على أي شكل تريده و بما انو الدرس سبق وعرض بأحلى منتدى منتدانا الغالي لك وبقسم التصاميم بس أنا رح أرجع أشرحو بطريقة الممله وتكه تكه ... والسموحه لصاحب الموضوع ........
http://www.lakii.com/vb/showthread.php?t=370421 هاد رابط الدرس للأخ الكريم ...

متل ما ءولتلكم صبايا البيت دلوعين وبدهم كل اشي بالتفصيل الممل ........ مو هيك يا سيسي وفتوش .......خخخخخخخخ

الخطوه الاولى

من قائمة ابدأ رح نختار برامج و منها رح انلاقي البرنامج واسموadobe photoshope
نختارو ور ح يفتحلك البرنامج

من file نقوم باختيار open ونختار صورة معينه تريدي ان تظيفي عليها كلام بصورة معين

رح يظهر لكم مربع ومن هون رح تختارو الصورة الي حابين تشتغلو عليها وانا اخترت هاي الصورة

من قائمة الأدوات رح اختار أداة pen tool المؤشر عليها بدائرة حمراء ونقوم باختيار من القائمة من أعلى المؤشر عليهم باسهم باللون الاحمر

نروح على مستطيل اللير layers و نقوم بعمل لير جديد وذلك بالضغط على الصورة الموجوده بالاسفل مؤشر عليها بدائرة حمراء

ثم نذهب على شكل shape كما موضح بالصورة ونختار الشكل الي بتحبي تكتبي عليه

نقوم برسم الشكل بالمكان و الحجم الي بتحبيه و بنروح بعدين على أداة الكتابه نختارها ونبدأ نكتب على الشكل المختار

نذهب على طبقة اللير للصورة ونضغط عليها حتى يظهر الكلام بالشكل المطلوب

والآن الخطوة الأخيرة
نذهب من القائمة و نختار open تم نختار save as

ثم نختار كما موضح بالصورة ونخزن العمل

وتوته توته خلصت الحدوته ههههههههههه هاد كان درسنا لليوم ياله يا شطورات ورجوني تطبقاتكم وحسب الردود و التطبيق رح أكمل باقي الدروس

يا رب يا رب أكون فهمتكم و عجبكم أول درس

ياله سيسي ورجينا شطارتك ههههههههه

[أم مــــالــــك]

تسلم ايدك يا سناء

على اعادة الصور

ربي يسعدك ويوفقك ويرزقك الذرية الصالحة يارب

اتمنى تطبيقي يعجبك

وان شاء الله اكون طالبة مجتهدة متل الي سبقوني

هذا تطبيقي المتواضع

[ام ادم 007]

يا عيني يا ميسو تطبيق حلو كتير والله اشتقت لهديك الايام

سنه اولى فوتوشوب هههههههههههههههه

[san79]

تسلم ايدك يا سناء

على اعادة الصور

ربي يسعدك ويوفقك ويرزقك الذرية الصالحة يارب

اتمنى تطبيقي يعجبك

وان شاء الله اكون طالبة مجتهدة متل الي سبقوني

هذا تطبيقي المتواضع

يا عيني يا ميسو تطبيق حلو كتير والله اشتقت لهديك الايام

سنه اولى فوتوشوب هههههههههههههههه

ههههههههههههههههههه ضحكتيني يا ريا .. آه والله يرحم هاديك الايام ...

ميسووووووووووووووووو تطبيقك بجنن حبيبتي

ولو يا عسل حابه الكل يستفيد من هل الدروس وللعمر كلو ههههههههههههههههه والبركه بالمشرفات واخصه ام الولاء الله يخليلها بنتها يا رب ...

[أم مــــالــــك]

شكرا ريا للتشجيع
وانتوا ماشاء الله عليكم صرتوا محترفات
أنا هلأ سراج كبر ومافي حجه الي لازم اتعلم

سناء يا مستي ههههه صرتي مستي هلأ خخخخخخخخخخ
الحمد لله الي عجبك التطبيق
في انتظار باقي الدروس

[رندوش]

مشكوره عزيزتي سناء
والله درس سهل بس مين يطبق هههههه
طيب كيف بضيف شعار المنتدى زي ما بتعملي واسمي معها
شفتي كيف اول ما شطح نطح مثل غزاوي

[san79]

مشكوره عزيزتي سناء
والله درس سهل بس مين يطبق هههههه
طيب كيف بضيف شعار المنتدى زي ما بتعملي واسمي معها
شفتي كيف اول ما شطح نطح مثل غزاوي

هلا بندوووووش
ولو يا بنتي وهل يخفى المثل الغزاوي ..خخخخخخ محسويتك من غزة ومن الصميم خخخخ

تابعي الدروي الي موجوده بركن التصميم فوق انا عمالي بعيد بتحميل كل صور دروسي من الدرس الاول للأخير ان شاء الله ... انا هلء وصلت للدرس السادس تابعي معنا وان شاء الله رح اتصيري جد تشطحي علينا هههه

وانا بالخدمة يا عسول يا غزاوي

[سـلامات]

سلمت أناملك أخية
هاهو التطبيق:

[سارة العمري]

ألف ألف شكر لك يا سناء والله يخليك لنا يارب ويجزاك الجنه