البيت السوري لسه متفائل بالنصر في شهر رمضان الكريم(وعيدنا رح يكون عيدين ان شاء الله)

[أم ماهر و ليندا]

لآ باقي ربع ساعة وبدي قوم حط السحور

البنات نامو من زمااااان شي 9 وربع

بس نور عزبتني شوي بعد ماسة نامت


انتي كيفك وكيف ولادك
اتسحرتو ؟؟؟؟؟؟

[أم ماهر و ليندا]

ياربي رح اغفل فرطتتتتتتت



بدي ناااااااااااااام بعد رمضان يوم كااااااااامل

طبعا كتييييير بصرلي أووووووووووووووووووف

[ام شهدوعبد]

كيفكم يابنات شو اخباركم
دندون بدي اجي لعندك بالعيد انشاء الله
شو بتستقبليني ولا لا هههههههههههههههه
احتمال اروح بالعيد لعند اهلي بالفجيرة
واكد رح نمر عابوظبي وباقي المناطق
شو رايك

[حفيدة النبي]

كيفكم يا حلوين اشتقتلكم
شو ام شهد عنجد رايحة عند دينة ولا متل ما اجيتي لعندي ؟!!!
ههههههه الله يلم الشمل يارب
شو اخباركم فردا فردا والله بفوت احيانا بقرا وما بلحق اكتب
بس كتيييييييير مشتاقة للدردشة

[أم ماهر و ليندا]

شو وينكن



معقول ماحدا هون ؟؟؟؟؟؟؟

[* نور هدى *]

أخبار أهلي :
بيت بنت عمي خرب ونزل الارض وعايشة هلأ هي وزوجها وحماتها وولادها الخمسة كنازحين
بابا طالعوه من بيته وما منعرف وين هو هلأ مع اختي ... ما عم بيقدر حدا فينا نتصل بيه ابدا ... الله يحفظه ويحفظها يا رب يا كريم
ماما صار معها صداع دائم من كتر القصف جنبها والاشتباكات واختي اللي معها توحد عم تعذبها بزيادة بسبب الأصوات المخيفة العالية

أخباري :
أراد زوجي يشتري مشاوي ولكن حكى مع اهله ونسي تماما يطلب
أنا بقى وقت شفتوا بدو يطلب مشاوي استقلت الهم ورحت نمت وما فقت لآذان المغرب
عدنا فطرنا حليب وصمون وتمر وشوية فواكه
قلتله بس ترجع بتلاقي الاكل جاهز فقلي عمليهم السحور لاني بدي ارجع وانام لافيق التهجد
ولأول مرة من اول رمضان بعمل سحور
شكشوكة ( بيض مقلي بالبندورة ) + سلطة شوندر + لبنة بالزيت الزيتون والنعناع والكمون والبابريكا + صمون سندويش جبن نوعين ( سادة - بالزيت الزيتون والنعناع )
المشروبات : شاي له وقهوة لي + شراب الخروب
وبسسسسسس

أخبار قلبي :
ربنا لا تحملنا ما لا طاقة لنا به والحمد لله على كل حال

[أم ماهر و ليندا]

0سلامتك نور



أمانة مو كل مرة بدي ارجع احكي نفس الشي
إن بدك اتصل بحدا قوليلي
الجوالات عنا جاي





كيفكن
انا شوي وقايمي من على النت
بدي حضر السحور



كيف الجميع

[دينه]

نور الله يطمنك عليهم يارب قلبي وجعني من هالاخبار
ام شهد بتنوري انتي بي تعي وخلينا نهرب لعند حفيده ههههه
ام ماهر الله يحميكي صار اسمك عندي الصابره يارب يعوضك بالجنه يارب
اليوم ابدا ماكان بدي اطبخ وزوجي قلي جبلك شي من بره قمت خجلت ههههههه
تصوروا دخلت عالمطبخ الساعه 6 هههههههه طلع بالحيطان بعدين عملت رز اميركي بالدره والفطر والجزر والفليلفه ومكعب ماجي حبوه كتير وعملت سلطه وشوربة الفطر جاهزه
والحمدلله على نعمه اللي غامرنا فيها ونور صحه وهنا عالاكلات الطيبه
وانا شكلي بكره بدي قله مابدي اطبخ اخخخخخخ بس مو من الطبخ من الجلي اللي ماعبيخلص

[دينه]

حفيده ونحن مشتاقيلك بس بنعرف الحلوين آخدين كل وقتك

[دينه]

هوب شو اخبارها مالها بالعاده تغيب هيك الله يحميها يارب وسنا يارب يكون المانع خير
ام عباده هي اكلة الرز حاسستها الك كمان ههههههه اليوم تذكرتك قلت بدي اقلك عليها
سهى كيفك وان شاءالله يكون الحر خف عنكم يارب

[أم ماهر و ليندا]

كيفكن



فقنا اليوم ونمنا على اصوات قوية كتير




وفوقها البنات بفيقوني من الـ 8 الصبح

مشتاقة للجميع
فوتاتي قليلة بس بحبكن

[إكليل الزهــور]

السلام عليكم أخواتي
كيفكم؟
رمضان مبارك عليكم
وربنا يفرجها على الشعب السوري في القريب العاجل وينصرهم على من عاداهم وظلمهم
أنا (جَنى) معرفي القديم
متذكريني والا لا؟
حبيت اطمن عليكم جميعاً
تحياتي للجميع

[حنين الياسمين]

نور الله يطمن قلبك على أهلك يارب

مابدي أوصيكِ اذا بتحبي نطمن على والدك واهلك ابعتيلي الرقم ياغاليه هاد غير انو والله والله والله لو بتحبي بيروحوا بياخدوهم لعندهم والله العظيم
نور بستناكِ ع الخاص ياقلبي ترسليلي الرقم ماشي



دينه والله ضحكتيني الله يسعدك ههههه ايه هيك كل طبخه خفيفه سريعه تذكريني ههههه


ام ماهر الله يحميكم يارب ويصبركم ويفرجها عن قريب بوسيلي الحلوات عندك ياقمر


حفيده ونحن اشتقناااااالك بس عاذرينك ياقلبي صارو 2 صغار ربي يحميهم ويخليهم يارب

[حنين الياسمين]

أكليل الزهور >>>>جنى
وعليكم السلام ورحمة الله وبركاته

أهلين فيكِ ياقمر نورتينا
عرفينا عليكِ لو بتحبي

والله يسمع منك يارب مشكوره ياقلبي بارك الله فيكِ

[حنين الياسمين]

صبايا خلاص قرب يخلص رمضان خلونا نشد همتنا بالطاعات والدعاء
مامنعرف مين رح يعيش لرمضان القادم
خلونا نستغل كل دقيقه بالدعاء والصلاة والقرآن


دخولي رح يكون قليل كتير هالفتره وربي يتقبل منا جميعا صالح الاعمال يارب