الهدرزه اليبيه 261اهلا وسهلا في دويرة ام نور وانام

[ام نوروانام]

اليوم فتحت الدويره الجديده هيا تعالوا وتقضلوا وشاركونا في الهدرزه ونستفيدوا من بعضنا ........................
بسم الله الرحمن الرحيم
(اللهم انك جامع الناس ليوم لا ريب فيه انك لا تخلف الميعاد)

[بنوتة صيدلانية]

مبارك عليك الدويرة ياحبوبة

[بنوتة صيدلانية]

وين مشو البنات رقدو

بالك راحو فى الطريق

[ابريكه]

السلام عليكم
دويرة عامرة بالخير ان شاء الله
مبروك عليك الدويرة ام نور وآنام وعبدو
ان شاء الله يرجعو فيها القدم والجدد
ونعيدو الايام الحلوة

[ابريكه]

وين مشو البنات رقدو

بالك راحو فى الطريق

اية صدقتي
شوي مارحت
غير القيت الدار الاولة مظلمة
وبان ضي قوي جنبها قلت خلي نشوف بالك نلقاهن هنا
واااااااااااااالقيتكن

[ابريكه]

ام ايناس
اللحم المبخر
زي امتاع الكسكاس غير اني مانديرلة في بقدونس
والزيت نخلط فيه مع التوابل
لكن جعت خلاااااااااااااااص من وصفك لاكلهم
سوسو
اني من الجنوب حبيبة

[ابريكه]

طلعتو كلكم
ان شاء الله لنا لقاء بكرة بعون الله

[اريناس]

السلام ع اهل الدار

عرفتكم رررقدين توا جماعهـ ليبيا

نوم العوافى


ومبروك الدار ام نور ان شا الله تجمع الكل بخير

[ابريكه]

عليكم السلام ارنوسة
كيف الجو

[ام الجميلات]

صباح الخيرات على احلى ليبيات على قولت ام لوكا فعلا احلى ليبيات صدقتي ياام لوكا
مبروك الدويرة ياام نور ان شاء الله عامرة بذكر الرحمن

[ام ختوره]

صباح الخير ومبروك عليك الدويرة يا ام نور وان شاء ديمة عامرة وفيهاذكر الرحمن

[ام ختوره]

صباح الخيرات على احلى ليبيات على قولت ام لوكا فعلا احلى ليبيات صدقتي ياام لوكا
مبروك الدويرة ياام نور ان شاء الله عامرة بذكر الرحمن

صباح الخير ياام الجميلات وحتى انتى مبروك عليك الدويرة وان شاءالله تكون عامرة بذكر الرحمن

[م لوكا]

صباح الخير اعلى احلى ليبيات فالحات و ناشطات فى الكون ، قلت انصبح قبل ما نطلع اعلى خاطر ناخد فى دورة الساعة عشرة بتوقيت كارديف , 11بتوقيت ليبيا ، سلامى للى حاضر توة سلامى للى بيجى بعتالى ، مبروك الدار ام نور ، ان شاء ديمة ملمومين و فرحانين و نشادين اعلى بعض

[م لوكا]

بالله يا بنات مافيش امبار اعلى ام عرفة ، مهناش فى اللمة اللى فاتت ، ان شاء الله المانع خير ، و توة سلامى .

[فاطمة بن الطاهر]

صباح الورد
مبارك عليكم الدويرة ياخي معادش الدار لخرى متاع أم الجميلات