أحلـى تجمع لأحلى وأغلى أمهــات وحوامــل الجـزء 85 وإن شاء الله على طول سـوا ♥

[من الماضي]

صباح الخير
راسي مصدع من زوجي
بنات زوجي يبغاني أحمل والله مافيا يارب أقدر أقنعه كمان سنتين..

[SMILE4LIFE]

من الماضي ما فهمت بده اياكي تحملي ولا ما بده؟

بنات اعطيت نور تحميلة ادول 125 جرام الساعة 6 الصبح وبعد ساعة بدت تخف حرارتها عنها بس رجعت زادت 9:30 اعطيتها شراب ادول وهلا الساعة 12 ورجعت حرارتها زادت ومسطلة على الاخر ومنكدة اعطيها ادول تاني ولا اسيبها هيك واستنى لتكمل اربع ساعات؟

[من الماضي]

سمايل عدلت الرد
أمس من بعد ماجيت من عند جارتي مسكني صداااااااع شكله من العدسات
وسلامة البنات بيتعبو كثييييير صح؟

[كيرلي]

من الماضي.. اهلا وسهلاً بك في عالم الحوامل..

سمايل.. سلامتها نور، خديها الدكتور اذا ماخفت الحرارة، والله حتى فارس وموسى تعبانين وبياخدوا أدوية..

ام اللمورات.. ماشاء الله يعني أقنعتِ زوجك ووافق الله يثبتك يارب.. ادعيلنا بالهداية.

منو.. يعني ليلي بس تصحى من النوم بتصحى تصرخ؟؟ فارس صباجه عسل حبيبي بكون بضحك وبحكي مع الكل!

[chechen rose]

سمايل سلامتهم البنوتات و انتي ,,فعلا الكم فترة تعبانين الله يشافيكم
بس تحاميل الادول 125 ما بزبطوا لنور هلأ بدها 225 او 250 ما بعرف بالضبط
و ما تعطيها باراسيتامول اذا ما كملت 4 ساعات غسليلها اطرافها بمية الحنفية
و ان شاء الله بتروق و بتقدري تعطيها تمبرا

كيرلي صبااااااااااااح العسسسسسسسسسل حبيبي فروس

من الماضي يلا احملي بلا دلع ههههههههههه (مين بحكي ) يلا انا و انتي مع بعض
نجيب بنوتات حلوين او انا ولد و انتي بنت

[SMILE4LIFE]

شيشن يعني اعطيها تحميلتين؟ لانه ما عندي الا اللي 125
اعطيتها التحميلة الساعة 1 وهلأ قست حرارتها 38.5
زوجي بيقولي خذي البنتين وروحي الدكتور على طول بس أنا مش متشجعة اروح لحالي
البنتين تعبانين والاثتنين بدهم ينحملوا طول الوقت غير العطس وسيلان الانف والتمسيح كل شوية وانا جسمي مهدود اساسا فقلتله باستناك لما تيجي كمان كام ساعة وبنروح سوا.. ان شاء الله التحميلة تعمل مفعول

نور مش راضية لا تاكل ولا تشرب شي من الصبح ولا حليب ولا عصير ولا شي
بدها بس سمارتيز

[chechen rose]

اه سمايل تاكدتلك من اللي عندي 250 ,,اعطيتيها قبل ساعة تحميلة؟
يمكن لأنه عيارها قليل ما نزلت حرارتها حبيبتي
ما بعرف لازم يكون 4 ساعات اقل شي بينهم
اذا عندك تمبرا اعطيها ملعقة صغيرة او 5 مل هلأ

[SMILE4LIFE]

ماعندي تمبرا عندي أدول وخافض حرارة اسمه calpol كتبه لنا الدكتور في المرضة اللي فاتت
هي وجهها لسه زي النار بس قامت تلعب بالمكعبات بلكي تتنشط شوية هلا..مش راضية تخليني اقيس حرارتها تاني

هلأ كسرتلي موبايلي مالوش 4 شهور شاريه زوجي لي

[كيرلي]

سمايل فعلاً تحاميل 125 مفعولها مابنفع لعمر سنتين، اذا عندك تايلنول 200 اعطيها. والله يعينك استحملي ليجي زوجك وروحوا على الدكتور.

انا مكتأبة آل رحت أعمل فحص النظر عشان الرخصة حكولي بدك نظارة!

[chechen rose]

يوووووووووه كيرلي انا زمااااان ما عملت فحص نظر الله يستر بككككككره النظارات

[كيرلي]

تخيلي هلأ رجعن حكيت مع المركز أحكيلهم يعني أرد أعمل فحص ولا شو؟ حكولي لأ خلص مافي داعي النتيجة تمام! مهابيل!

[SMILE4LIFE]

رحنا الدكتور وحرارة نور طلعت 39ونص وعلى طول الدكتور اعطاها ابرة وكتبلها تحاميل فولتارين مرتين في اليوم مع شراب كالبول خافض حرارة كل 6 ساعات ومضاد حيوي ودوا للسعال
وللأسف وزنها طلع لسه 10.9 يعني حتى ما وصلت ال11 وقال مفروض تكون 12.5على الاقل
كتبلها برضه فيتامين وحديد ادعولي تروق وينيموني البنتين الليلة لاني بجد نفسي انااااااااااام

[mano83]

سلامتهااااااااااااا سمايل ماتشوف شر ان شاء الله .. وسلامه ندوش بعد ..

[لحن الغربة]

سلامتكم سمايل الله يكون بعونك ويشافي البنوتات وتنامي وترتاحي

انا قرفت نفسي من المرض لزق فينا ومو راضي يروح واليوم رحت طلبت تحليل دم اشوف سبب الصداع

شيشن ياعمري لولو الامورة تاكل كافيار كل ما اشوفه اقول لزوجي نفسي اجرب طعمه بس شكله مو مشجع ابد خليني اروق شوي واطلع معاكي
شفتي كيف الجواليوم الظهر كان الجو دافي وحلو وفجأة قلبت الدنيا بررررررررررررررررد ومطر يجنن

من الماضي لسة بدري على الحمل على الاقل يكمل بسول 3سنين سمعت انو اليوم صرفو الاولاد بدري من المدرسة شافو الغيوم وخافو من المطر بس الحمدلله ما جا شي

كيرلي هذا بس تعقيد عشان الرخصة مايعطوها بسهولة تقولي راح نسوق طيارة مو سيارة وعقبالنا يفتحو حصار القيادة واسوق

سوسو اليوم حلمت فيكي والدة بنوتة تجنن وتشبهك بالضبط بس ما تذكر كيف كان شكلك فين ميمي تفسر الحلم خخخخخخخخخخخخخخ

دينه زمان فين كنتي مختفيه وحشتينا احملي انتي بالاول بعدين تفاولي علي

باقي البنات سلاااااااااااااااااااااااااااااااااااااام للكل وحدة وحدة

[chechen rose]

لحن اليوم اول ما مطرت تزكرتك و كنت بدي اكتب رد اقول وييينك يا لحونة بس ما لحقت
اه قلب مرة وحدة عال10 طلعنا نمشي انا و جارتي و كان شوب و فجاة بلشت الدنيا
تعتم طفيت الضو و شغلت الدفاية مشان احس بالاجواء الشتويه هههههههه

سمايل سلامتها نونة حبيبتي زغنونة و ندوش شو اعطوها؟