|| الاستفسارات الخاصة بالمدارس والروضات السعودية [ أهلية / حكومية / عالمية ] ..~

[نورم]

اكيد الطالب في جراد 2 لازم يكون بيعرف يقرا ويكتب جمله كامله ولكن تكون بسيطه

[Om.A.M]

اكيد الطالب في جراد 2 لازم يكون بيعرف يقرا ويكتب جمله كامله ولكن تكون بسيطه

طيب الحمد لله طمنتني
هو الحمد لله يقرأ قصص بسيطة ويكتب عن مواضيع مختلفة بأسلوب بسيط يعنيي عن نفسه و عن المدرسة او عن رحلة الى مكان ما زي كده

[ميما44]

السلام عليكم
أخواتي حابه أسجل أولادي بمدرسة انترناشونال أنا من جدة ومحتارة بين مدرسة مورال اللي بحي الروضة ومدرسة بوابة المعرفة بحي الشاطئ !!!!!!
ياليت اللي عندهم تجربة يفيدوني وشكرا

[موهبة وإبداع]

هلا يآلغآليآت .. شكلكم حريم ! <~ فييس محمممر

اقول بس بس

انا السنة الجاية بكون ان شاء الله بزهرة الصحرآء ..

وربي المدررررررسة تجنن مرة عجبتني سآحآت مكييفة ودنيآآ ..

المدرسة صرآحة حلوة لآتعليييق نظييفة .. اسلووووووب المعلمااااااااات مرة ذووق .. وصرآحة هم اللي اعطوني الهمة وحببوني فيييي دراستهم

انا رحت اختبرت اختبار القدرآت <~ اهم شئ انه بدون مذآكرة

مانجحت لانه صعب من حكووومي لانترناشوونال مرة وحدة بس بنكافح لانه العلم مرة يييييييييهمني <~ الله يثبتني ويقويني

المهم رحت وقالوا باخذ كتب عشان ادرسها وخذتها مرة تخووف كبيرة كبيرة جبال الجبال

قالللللت دوروا عند شنط السفر شنطة .. انا فتتتتتحت عيوني

في مكان عند الدرج تطلعي فيه الشنطة الحمدلله

معقول حتى البنات عندهم يلبسوا بنطلونات يلآ مشي مشي بس حمآس

المهم المهم .. اي استفسآر انا جآهزة ..

وجع طولت صحح ؟

الســلآم عليكم ..

كــيف حالك أختي الفاضلة ؟ أنا عارفة إنه مشاركتك قديمة
مرررة من تقريباً 3 سنين. بس أنت دحين مخلصة Grade 9
في مدرسة بوابة المعرفة العالمية Edugates وهي كانت أول
سنة لِـيَّ فيها وقبلها كنت في مدرسة أهلية فيها إنجلش مكثف
ومعتمدة دولياً المدرسة من AdvancED بس طبعاً مو نفس
تشديد معلمات الإنترناشونال يعني في الأهلي تأشير والبنات
يسووا فوضى في الفصل والأبلة ماتقدر تتحكم بالفصل ولا
تضبطه والأبلات أغلبهم يكونوا حديثات التخرج وماعندهم خبرة
في التدريس. وفي الابتدائي كنت بمدرسة حكومية >= قصة حياتي xD""

فـ دحين أبى أسألك الكتب من شركة إيش ؟ Pearson ولا McDougal ولا McGrawhill ؟

يعني انتِ طالعي على الكتب من برة وشوفي اسمها من أي شركة ؟ وكيف الأبلات بيسهلوا عليكِ


يعني بما إنك طالبة مستواك مو مررة عالي والفرنسي كيف صعوبته ؟ وهل بتاخدوا حصص رياضة ؟


وكم حصة بالأسبوع ؟ ومنهج اللغة العربية من إيش يتكون ومن أي بلد وكم حصة بالأسبوع ؟


والدين والاجتماعيات نفس الشي كم حصة بالأسبوع ومن فين المنهج؟ وهل بتاخدوا كل منهج


الدين ( توحيد ، حديث ، فقه ، تفسير ) وكل واحد له اختبار وحصة منفصلة ولا بيحذفوا لكم


من المنهج ولا كيف ؟


بس وألف ألف شكر لكِ أختي الغالية ^^"
وآسسفة والله معليش مررة كتّرت أسئلة

[موهبة وإبداع]

أخواتي الفاضلات ..

إذا تبغوا أي معلومات عن مدرسة بوابة المعرفة
Edugates ، أنا جـاااهزة لِـ أي استفسار ..

المنهج / أمريكي ، قـريد 1 - 6 Pearson Scottforesman
قريد 7 - 12 Pearson Prentice Hall
وفيه لغة فرنسية من grade 1

منهج اللغة العربية والدين / المنهج السعودي بالإضافة إلى كتاب القواعد / لغتي اللبناني
والدين بياخدوا نفس حق المدارس السعودية بالزبط ( توحيد وفقه ) وللصفوف للعليا زيادة
حديث وتفسير / تجويد. وما بيحذفوا من مناهج الدين أبداً بياخدوها كلها وبيختبروا فيها
كلها وكل مادة لها حصة معينة وواجب واختبار > وهادي طبعاً فكرة الأستاذة سامية معلمة
الدين (سعودية).

الإدارة / سعودية + لبنانية

المعلمات / مصريات وسوريات وأردنيات وفلسطينيات ولبنانيات
وفيه وحدة أمريكية ( رئيسة الكيجي وقريد 1-3 ، ومعلمة الإنجلش لـ قريد 11 و 12 )
وفيه وحدة من جنوب إفريقيا ( رئيسة صفوف الابتدائي العليا والمتوسط قريد 4 - 8 )

الرسوم / للعام القادم 2013 - 2014 في الرابط التالي ..

http://im42.gulfup.com/3LcEw.jpg

المكان / في حي الشاطئ والعنوان بالتفصيل في الرابط التالي ..

http://edugates-school.com/papers/School%20Map.pdf

المبنى / مو ضخم بس مناسب لعدد الطلاب ، وهو نظيف ومرتب
ومبنى الكيجي صراحة هو أحلى شي ، كله ألوان ورسومات
وستيكرات. والساحة مغلقة ومكيفة ، بس الساحة اللي فوق اللي
بياخدوا فيها حصص الرياضة مظللة فقط ومافي لا مراوح ولا
مكيفات.

[الاسد الملك]

الدمام و الخبر
ما افضل مدارسها ؟