أتمنى مشورتكم اخواتي

[بسمة شمس]

السلام عليكم ورحمة الله وبركاته
كنت قد طرحت مشكلتي من فترة انه خطيبي دايما يمدح مرت اخوه وانها مافي متلها وجاوبوني الاخوات الله يجزيهم الخير يارب
لكن المشكلة انه بمدح في اكلها وانا طالبة دراسات عليا ضيعت وقتي منشان اتعلم وما يضل يقول انه مرت اخوه ست بيت ويا ريت كل الستات متلها
المأساه اهملت في دراستي وتراجعت علاماتي وصرت اتعلم من هون وهون والجامعة على وشك انها تفصلني ومش عارفه ادرس اطلاقا
كل همي خطيبي ينتبهلي عشان لما نتزوج اكون متلها
والله نفسيتي تعبانة حاسة حالي ضيعت حالي
منشان الله تدعولي بدراستي والله وضعي مزري
وين كنت ووين صرت
ومع كل هاد لسى مرت اخوه اشطر بنظره
مشان الله لا تحرموني من رأيكم والله يجزيها كل خير الي بترد

[حكايات القمر]

اختي غريب خطيبك هذا انتو لسه على البر وبيفتشلك على العيوب والنواقص ويمدح في مراة اخوه حاجة غريبة انت اخطات لما قصرت في دراستك عشان تتعلمي الطبخ حبيبتي اتعلمي الطبخ بعد ما يصير زوجك الان هو خطيبك وبس وما في احد يعرف النصيب وين راح يكون احسن لك اهتمي بدروسك وجامعتك هي اللي راح تنفعك وربنا يوفقك ويكتبلك الخير

[راحيل11]

غاليتي بسمة الله يوفقك بدراستك. ظلمتي نفسك حبيبتي

اياكي تقلدي حد في شيء هو بارع فيه لان ما راح توصلي لمستواها . بس لما انتي تبرعي في الاشياء اللي انتي شاطرة فيها راانك مميزة عنها . هي اكيد مو بارعه في كل شيء ابرعي انتي في الاشياء اللي بتحسي حالك متمكنة منها. وما عليكي من نقده بكرة لما يشوف مهاراتك التانية راح ينبهر. وما تخليه يقارنك فيها ابداً.

[عين التسنيم]

الله لا أدري أنا لست مطمئنة من كلامك هذا ، و أنا رايي أن تعيدي تقييم خطيبك مرة أخرى ، فالمقارنة هذه و بهذه الصورة المزرية بالذات عَيْب خطير و مؤذي و يفسد بين الزوجين . و كثير من أسباب الطلاق تكون بسبب المبالغة في أي شئ و أهما الغيرة و المقارنة . فاستخيري الله مرة أخرى ، و أرجو لك التوفيق

[بسمة شمس]

رشا ناجي الله يسعدك يارب والله كلامك مزبوط بس انا نفسيتي تعبت من المقارنة

[بسمة شمس]

شكرا لمرورك اختي عين التسنيم لكن مرت اخوه بنظره هي الفهمانه ولازم كل النساء يكونو متلها

[بسمة شمس]

الله يسعدك للنصيحة اختي راحيل فعلا ما في انسان كامل انا بهتم بدراسات عليا بس هي ما درست شي لكن ابداعها بالبيت

[toma2]

يا اختي ازا بضلك هيك راح تتعبي طول حياتك
انتبهي ع دراستك و انسي موضوع سلفتك
و خطيبك لانه الدراسه اهم الك بالوقت الحاضر
لاحقه ع الامور التانيه انا ما تعلمت الطبخ الا بعد زواجي
و ازا خطيبك بضل هيك حاولي تتجنبي هالموضوع
بيني حالك انك مش فارقه معك شوي شوي بتتعلمي
الله يوفقك

[noony suger]

حبيبتى شكل اهل خطيبك ما بيعرفوا يطبخوا الاكل الحديث اللى معظم الشباب بيحبوه علشان هيك مستغرب الامر و شايف اكل زوجه اخوه شى غريب هذا الشي موجود فى كثير من العائلات انتبهى لدراستك و ركزى عليها و صدقينى لما تتزوجى راح تتعلمى كل شى فى خلال شهرين على الاكثر و راح يصير يقول ما فى احلى من اكل زوجتى و راحج يفتخر بشطارتك فى المطبخ الاهم انك تنتبهى لدراستك و تكمليها و راح اتصيري احسن ست بيت انشاء الله

[بسمة شمس]

الله يسعدك توما الله يبارك فيكم اخواتي ارائكم مهمة بالنسبة لي

[بسمة شمس]

الله يجبر بخاطرك اختي نوني وبالفعل دايما بقول اخواته مابعرفو يعملو حلويات واكلات
ان شاء الله بتحسن دعواتك

[قمـ بغداد ـر]

اختي لاتضيعي الوقت بكلام خطيبك طبخ ماطبخ شو هالحكي كلنا قبل الزواج غير بارعين بالطبخ وكنا منتبهين فقط بدراستنا وجامعتنا الى ان تزوجنا ويحلها الف حلال.........
مرة ثانيه اذا خطيبك عاود معكي نفس الكلام قوليله كلو بيجي بس ستيب باي ستيب خطوه خطوه
مثلا احنا اول ماشفنا بعض تزوجنا لا صار اعجاب بعدها خطوبه وبعدها زواج انشاء الله
فكل شيئ بالحياة خطوات....... فهميه بهذه الخطوه واكييد يعرفها مين اللي عايش على هالكوكب ومايعرفها ......
اسفه عالاطاله بس والله انغضت ..........ههههههههههههههههه اسفه والله

[بسمة شمس]

هلا حبيبتي قمر بغداد المشكلة الرجال عندهم المرة الطباخه كل شي لا بهمهم لا شهادات ولا تقافة
واطالتك حلوة ومفيدة

[noony suger]

الله يجبر بخاطرك اختي نوني وبالفعل دايما بقول اخواته مابعرفو يعملو حلويات واكلات
ان شاء الله بتحسن دعواتك

شكرا يا عسل زى ما قلتلك ركزي على دراستك و بالنسبة للطبيخ ما تشيلى هم لانه مش صعب بس محتاج لخطوات متتابعة لما تزوجت اختى عملتلها كراس للطبخ و كراس للحلويات و كتبتلها كل الوصفات اللى بعرفها بشكل تفصيلى و تعالى شوفيها الان بيت عمها بيشكروا كثير بطبيخها و بيقولوا عنها اشطر واحدة فى كناتهم و انت اعملى هيك خلى امك او اى حد مقرب لك يكون شاطر فى الطبيخ يكتبلك بعض الوصفات و انت كل ما تسمعى وصفة اكتبيها بس تكون مضمونة يعنى من واحدة بتعرفيها و الوصفة مجربة عشان مرات مش كل الوصفات بتكون ناجحة و انشاء الله ربي يوفقك فى دراستك و تكونى ست بيت شطورة و تبهرى خطيبك باكلاتك و طبيخك و بعدين نحن فى المنتدى فى الخدمة انا مستعدة ان اكتب لك كل الوصفات التى تريدينها و التى اعرفها و الله يوفقك يا رب

[نبتون]

أنتبهي عزيزتي على دراستك حرام بعد ما درستي وتعبتي كل هل السنين تروحينها بس عشان خطيبك يتكلم عن مرت أخوه وفنها بالطبخ بس ليش المقارنة يلي مالها أي داعي قوليلو هي ما درست مثلي بعدين كلنا كنا ما نعرف إنسوي شي وبعدين ما شاء الله علينا ستات بيوت كلو بيجي بعد الزواج ولا إتعبي مخك بكلام غير مفيدوفهمي خطيبك ما يقارنك مع أحدوالله يوفقك ويهدي بالك ويصلح خطيبك