تويت
السلام عليكم ورحمه الله وبركاته
انا واقعه في موقف صعب ومش عارفه اعمل ايه
فقلت اشوركم وان شاء الله تدلوني على الراي الصحيح
طبعا كلكم عارفين حكايه وفاه ابنتي رحمه الله عليها وبعد وفاتها كل اهلي عزوني ووقفوا بجانبي وجم يزوروني للتخفيف عني بما فيهم عمي اخو ابويا واولاده فيما عدا ابنه الاكبر كان في الجيش بيؤدي الخدمه العسكريه
وابنه الاكبر ده كنا دايما كبنات عائله بنحاول نتجنبه بسبب نظراته
كان دايما ينظر لملابسنا من ناحيه الصدر ويدقق النظر في هذه المنطقه وانا واختي وامي اتكلمنا في الموضوع ده كتير جدا وامي قررت انها تقول لعمتي علشان نعرف نتصرف ازاي معاه
وفوجئنا ان عمتي وبنتها بتشتكي من نفس النظرات من ابن عمي ليها ولبنتها رغم انها عمته
وقررنا اننا منقولش لابوه علشان منحرجهوش لكن الكل قرر اننا كبنات منظهر قدامه ولو جه بقت امي بتستقبله هي او اخواتي الصبيان والكلام ده كله كان قبل زواجي
وبعد زواجي كانت اختي اتخرجت وكانت في مرحله التجهيزات لشغلها وكان ابويا وامي في شغلهم واخواتي في دراستهم فكان هو بييجي الصبح ومفيش حد في البيت فاختي مفتحتش الباب وكلمته من ورا الباب
فابويا لما عرف اتصل بيه وقاله متجيش تاني ومفيش حد موجود الصبح لان البنت بتبقى لوحدها ابقى تعالى بعد الظهر وقاله حاضر
ومر يومين بالعدد واختى فوجئت انه على الباب الصبح ومفيش حد في البيت وبردو مفتحتش الباب
المرادي ابويا كلمه بعنف شديد يقوم الولد يروح لوالده (عمي) ويشتكيله ويقول ان ابويا مش عايزه يخش البيت عنده تاني وطبعا عمي زعل من غير ما يسال عن السبب وكانت مشكله كبيره بين بابا وعمي واستمروا متخانقين مده طويله لحد ما عمتي اللي عافه الموضوع من اوله اتدخلت وحكت الموضوع كله لعمي وعمي حاول يصالح بابا اللي كان معاند جدا ازاي اخوه يزعل منه من غير ما يسمع مبرراته
المهم بعد مده طويله اتصالحوا وابن عمي رجع يزورنا باستمرار بس اختي الحمد لله كانت انشغلت بشغلها
المهم من حوالي 10 ايام لاقيت جرس تليفون بيتي بيرن رديت لاقيته ابن عمي بيعزيني في بنتي وبعد كده قعد يتكلم اكتر من نص ساعه في كلام فارغ وانا محرجه مش لاقيه رد ارد بيه لان علاقتنا شبه مقطوعه من يوم كتب كتابي مشفتوش غير مره واحده بس
المهم اتحججت ان معايا مكالمه على الموبايل وقفلت التليفون وقلتله لما اخلص موبايل هكلمك
بعد 10 دقايق لاقيته بيتصل على تليفون البيت وانا طبعا مرديتش واقسم بالله انه كرر اتصاله 22 مره متواصله يعني كان بيقفل ويدوس ريدايل وبردو انا مرديتش
وطبعا حكيت لماما وهي حكت لبابا والاتنين ايدوني اني مردش عليه لانهم عارفينه كويس وانا قلت لاخويا منك لله انك اديته الرقم
المهم كل يوم كنت بصحى من النوم الاقيه متصل اكتر من 12 مره ورقمه على جهاز اظهار الرقم
وطبعا التفاصيل دي كلها عند ماما وزوجي
وجه يوم الجمعه اللي فاتت ماتصلش لانه عارف ان زوجي اجازه
ويوم السبت زوجي كان في البيت وابن عمي مايعرفش انه اجازه واتصل وزوجي رد عليه يقوم ابن عمي يقوله ممكن اكلم الدكتور هيثم؟؟
طبعا زوجي قاله الرقم غلط وبعدين جه صحاني من النوم وقالي الرقم ده مش رقم عمك؟
قلتله ايوه ليه
قالي ابن عمك اتصل وقال كذا كذا لو هو نيته طيبه مكلمنيش ليه زي ما اولاد خالاتك وعماتك بيكلموني ؟
وكان مصر انه يتصل بعمي يشتكيله من عمايل ابنه او يتصل بابن عمي يقوله ميتصلش هما تاني
انا اتصلت بامي وحكيتلها وانا متضايقه من عمايل ابن عمي ومحرجه جدا من زوجي
وهي سمعت زوجي بيقول انه هيكلم عمي
تقوم امي تتنرفز عليا وتقولي انت عايزه تعملي مشكله بين ابوكي وعمك وانت عايزه توقعي بينهم
انا كمان زعلت وقلتلها هو مين فينا اللي ابنك انت بتدافعي عنه كده ليه؟
فزوجي حب يلطف الموقف فقالي قوليلها انا هكبر اهلك المرادي ومش هتصل بعمك بس باباكي يتصرف مع ابن عمك
تقوم ماما تسيب الموضوع كله وتقولي قولي لجوزك اننا كبار قوي من قبل ما يتجوزك ومش مستنيينه يكبرنا
وقفلت السكه في وشي
طبعا انا صعبت عليا نفسي جدا وقعدت اعيط جامد وزوجي قعد يحلفني ايه اللي ماما قالته لحد ما قلتله
فطبعا اتنرفز جدا من ماما وهو كمان زعل منها جدا وكان مصر يصعد موضوع ابن عمي لولا اني اترجيته ميكبرش الموضوع
طبعا ماما من يومها زعلانه مني جدا ومش بتكلمني وبصراحه انا مش غلطانه فيها في حاجه هي اللي متحيزه لابن عمي جدا وانا مش عارفه ليه
وزوجي طبعا زعلان من ماما جدا ومتنرفز عالاخر وبالذات ان اتصالات ابن عمي اليوميه مستمره لحد دلوقتي وغم اني اقسم بالله ما برد عليه خالص
طيب انتم قولولي اعمل ايه
انا محتاره بين امي وزوجي
وبيني وبينكم انا زعلانه قوي من ماما بس مش عارفه اعمل ايه
شورو عليا الله يخليكم
انا واقعه في موقف صعب ومش عارفه اعمل ايه
فقلت اشوركم وان شاء الله تدلوني على الراي الصحيح
طبعا كلكم عارفين حكايه وفاه ابنتي رحمه الله عليها وبعد وفاتها كل اهلي عزوني ووقفوا بجانبي وجم يزوروني للتخفيف عني بما فيهم عمي اخو ابويا واولاده فيما عدا ابنه الاكبر كان في الجيش بيؤدي الخدمه العسكريه
وابنه الاكبر ده كنا دايما كبنات عائله بنحاول نتجنبه بسبب نظراته
كان دايما ينظر لملابسنا من ناحيه الصدر ويدقق النظر في هذه المنطقه وانا واختي وامي اتكلمنا في الموضوع ده كتير جدا وامي قررت انها تقول لعمتي علشان نعرف نتصرف ازاي معاه
وفوجئنا ان عمتي وبنتها بتشتكي من نفس النظرات من ابن عمي ليها ولبنتها رغم انها عمته
وقررنا اننا منقولش لابوه علشان منحرجهوش لكن الكل قرر اننا كبنات منظهر قدامه ولو جه بقت امي بتستقبله هي او اخواتي الصبيان والكلام ده كله كان قبل زواجي
وبعد زواجي كانت اختي اتخرجت وكانت في مرحله التجهيزات لشغلها وكان ابويا وامي في شغلهم واخواتي في دراستهم فكان هو بييجي الصبح ومفيش حد في البيت فاختي مفتحتش الباب وكلمته من ورا الباب
فابويا لما عرف اتصل بيه وقاله متجيش تاني ومفيش حد موجود الصبح لان البنت بتبقى لوحدها ابقى تعالى بعد الظهر وقاله حاضر
ومر يومين بالعدد واختى فوجئت انه على الباب الصبح ومفيش حد في البيت وبردو مفتحتش الباب
المرادي ابويا كلمه بعنف شديد يقوم الولد يروح لوالده (عمي) ويشتكيله ويقول ان ابويا مش عايزه يخش البيت عنده تاني وطبعا عمي زعل من غير ما يسال عن السبب وكانت مشكله كبيره بين بابا وعمي واستمروا متخانقين مده طويله لحد ما عمتي اللي عافه الموضوع من اوله اتدخلت وحكت الموضوع كله لعمي وعمي حاول يصالح بابا اللي كان معاند جدا ازاي اخوه يزعل منه من غير ما يسمع مبرراته
المهم بعد مده طويله اتصالحوا وابن عمي رجع يزورنا باستمرار بس اختي الحمد لله كانت انشغلت بشغلها
المهم من حوالي 10 ايام لاقيت جرس تليفون بيتي بيرن رديت لاقيته ابن عمي بيعزيني في بنتي وبعد كده قعد يتكلم اكتر من نص ساعه في كلام فارغ وانا محرجه مش لاقيه رد ارد بيه لان علاقتنا شبه مقطوعه من يوم كتب كتابي مشفتوش غير مره واحده بس
المهم اتحججت ان معايا مكالمه على الموبايل وقفلت التليفون وقلتله لما اخلص موبايل هكلمك
بعد 10 دقايق لاقيته بيتصل على تليفون البيت وانا طبعا مرديتش واقسم بالله انه كرر اتصاله 22 مره متواصله يعني كان بيقفل ويدوس ريدايل وبردو انا مرديتش
وطبعا حكيت لماما وهي حكت لبابا والاتنين ايدوني اني مردش عليه لانهم عارفينه كويس وانا قلت لاخويا منك لله انك اديته الرقم
المهم كل يوم كنت بصحى من النوم الاقيه متصل اكتر من 12 مره ورقمه على جهاز اظهار الرقم
وطبعا التفاصيل دي كلها عند ماما وزوجي
وجه يوم الجمعه اللي فاتت ماتصلش لانه عارف ان زوجي اجازه
ويوم السبت زوجي كان في البيت وابن عمي مايعرفش انه اجازه واتصل وزوجي رد عليه يقوم ابن عمي يقوله ممكن اكلم الدكتور هيثم؟؟
طبعا زوجي قاله الرقم غلط وبعدين جه صحاني من النوم وقالي الرقم ده مش رقم عمك؟
قلتله ايوه ليه
قالي ابن عمك اتصل وقال كذا كذا لو هو نيته طيبه مكلمنيش ليه زي ما اولاد خالاتك وعماتك بيكلموني ؟
وكان مصر انه يتصل بعمي يشتكيله من عمايل ابنه او يتصل بابن عمي يقوله ميتصلش هما تاني
انا اتصلت بامي وحكيتلها وانا متضايقه من عمايل ابن عمي ومحرجه جدا من زوجي
وهي سمعت زوجي بيقول انه هيكلم عمي
تقوم امي تتنرفز عليا وتقولي انت عايزه تعملي مشكله بين ابوكي وعمك وانت عايزه توقعي بينهم
انا كمان زعلت وقلتلها هو مين فينا اللي ابنك انت بتدافعي عنه كده ليه؟
فزوجي حب يلطف الموقف فقالي قوليلها انا هكبر اهلك المرادي ومش هتصل بعمك بس باباكي يتصرف مع ابن عمك
تقوم ماما تسيب الموضوع كله وتقولي قولي لجوزك اننا كبار قوي من قبل ما يتجوزك ومش مستنيينه يكبرنا
وقفلت السكه في وشي
طبعا انا صعبت عليا نفسي جدا وقعدت اعيط جامد وزوجي قعد يحلفني ايه اللي ماما قالته لحد ما قلتله
فطبعا اتنرفز جدا من ماما وهو كمان زعل منها جدا وكان مصر يصعد موضوع ابن عمي لولا اني اترجيته ميكبرش الموضوع
طبعا ماما من يومها زعلانه مني جدا ومش بتكلمني وبصراحه انا مش غلطانه فيها في حاجه هي اللي متحيزه لابن عمي جدا وانا مش عارفه ليه
وزوجي طبعا زعلان من ماما جدا ومتنرفز عالاخر وبالذات ان اتصالات ابن عمي اليوميه مستمره لحد دلوقتي وغم اني اقسم بالله ما برد عليه خالص
طيب انتم قولولي اعمل ايه
انا محتاره بين امي وزوجي
وبيني وبينكم انا زعلانه قوي من ماما بس مش عارفه اعمل ايه
شورو عليا الله يخليكم
[
ممممممممممم
لك ودي يالغاليه..
تعليق